In voluntate tua domine universa sunt posita et non est qui possit resistere voluntati tuae tu enim fecisti omnia caelum et terram et universa quae caeli ambitu continentur dominus universorum tu es

Beati immaculati in via qui ambulant in lege domini

Domine refugium factus es nobis a generatione et progenie

Priusquam montes fierent aut firmaretur terra et orbis a saeculo et in saeculum tu es deus

Alleluia De profundis clamavi ad te domine domine exaudi vocem meam

Vir erat in terra nomine Job simplex et rectus ac timens deum quem Satan petiit ut tentaret et data est ei potestas a domino in facultate et in carne ejus perdiditque omnem substantiam ipsius et filios carnem quoque ejus gravi ulcere vulneravit

In salutari tuo anima mea et in verbum tuum speravi quando facies de persequentibus me judicium iniqui persecuti sunt me adjuva me domine deus meus