Gloria et honore coronasti eum domine*

Levita Laurentius bonum opus operatus est qui per signum crucis caecos illuminavit et thesauros ecclesiae dedit pauperibus

Beatus qui post aurum non abiit nec speravit in pecunia

Quo progrederis sine filio pater quo sacerdos sancte sine diacono properas tu numquam sine ministro sacrificium offerre consueveras

Quid in me ergo displicuit paternitati tuae numquid degenerem probasti experire certe utrum idoneum ministrum elegeris cui commisisti dominici corporis et sanguinis consecrationem

Noli me derelinquere pater sancte quia thesauros tuos jam expendi non ego te desero fili neque derelinquo sed majora tibi debentur pro fide Christi certamina

Nos quasi senes levioris pugnae cursum recipimus te quasi juvenem manet gloriosior de tyranno triumphus post triduum me sequeris sacerdotem levita

Gloria*

Beatus Laurentius orabat dicens domine Jesu Christe deus de deo miserere mihi servo tuo

Quia accusatus non negavi nomen sanctum tuum interrogatus te Christe confessus sum

Dixit Romanus ad beatum Laurentium video in te juvenem pulcherrimum festina me baptizare

Afferens autem urceum cum aqua misit se ad pedes ejus

Beatus Laurentius dixit mea nox obscurum non habet sed omnia in luce clarescunt

Quia ipse dominus novit quia accusatus non negavi

Posuisti domine super caput eius*

O Hippolyte si credideris in dominum Jesum Christum et thesauros tibi ostendo et vitam aeternam promitto

Si dictis inquit facta compenses faciam quae hortaris cui beatus Laurentius dixit tu mihi tuum tantummodo praebe assensum

Puer meus noli timere quia ego sum tecum dicit dominus cum transieris per ignem flamma non nocebit te et odor ignis non erit in te

Liberabo te de manu pessimorum et eruam te de manu fortium

Beatus Laurentius clamavit et dixit deum meum colo et illi soli servio et ideo non timeo tormenta tua

Disce miser quia carbones tui mihi refrigerium praestant tibi vero aeternum supplicium

Gloria*

Strinxerunt corporis membra posita super craticulam ministrantibus prunas insultat levita Christi

Carnifices vero urgentes ministrabant carbones subter cratem ferream

Igne me examinasti et non est inventa in me iniquitas

Probasti domine cor meum et visitasti nocte

Interrogatus te dominum confessus sum assatus gratias ago

Gratias tibi ago domine Jesu Christe quia januas tuas ingredi merui

Magna est gloria ejus*

Strinxerunt corporis membra posita in craticulam subjicientibus prunas insultat levita Christi beate Laurenti martyr Christi intercede pro nobis

Carnifices vero urgentes ministrabant carbones subter cratem ferream

In craticula te deum non negavi et ad ignem applicatus te dominum Jesum Christum confessus sum

Gratias tibi ago domine Jesu Christe quia hostia tua effici merui

Gaudeo plane quia januas Christi ingredi merui accusatus non negavi interrogatus Christum confessus sum assatus gratias ago

Probasti domine cor meum et visitasti nocte igne me examinasti

Gloria*

Dispersit dedit pauperibus*

Laurentius ingressus est martyr et confessus est nomen domini Jesu Christi

Laurentius bonum opus operatus est qui per signum crucis caecos illuminavit

Adhaesit anima mea post te quia caro mea igne cremata est pro te deus meus

Misit dominus angelum suum et liberavit me de medio ignis et non sum aestuatus

Volo pater ut ubi ego sum illic sit et minister meus

Martyr dei*

Corona aurea*

In craticula te deum non negavi et ad ignem applicatus Christum confessus sum probasti cor meum et visitasti nocte igne me examinasti et non est inventa in me iniquitas

Gaudeo plane*

Martyr dei*

Corona aurea*

Confitebor tibi domine rex et collaudabo te quoniam liberasti me a pressura flammae quae circumdedit me et in medio ignis non sum aestuatus

Hortus conclusus es dei genetrix hortus conclusus fons signatus

Oculi tui sancta dei genetrix sicut piscinae in Hesebon quae sunt in porta filiae multitudinis alleluia

Nigra sum sed formosa filiae Jerusalem ideo dilexit me rex et introduxit me in cubiculum suum

Surge aquilo et veni auster perfla hortum meum et fluent aromata illius

Sicut malus inter ligna silvarum sic dilectus meus inter filios alleluia

Super salutem*

O quam glorifica*

Post partum*

Haec est regina virginum quae genuit regem velut rosa decoris virgo dei genetrix per quam recepimus deum et hominem alma virgo intercede pro nobis omnibus

Cum jucunditate assumptionem beatae Mariae celebremus ut ipsa pro nobis intercedat ad dominum Jesum Christum

Memento salutis*

Post partum virgo*

Ave regina caelorum*

Domine exaudi*

Assumpta est Maria*

Venite adoremus regem regum cujus hodie ad aethereum mater virgo assumpta est caelum

Quem terra pontus aethera colunt*

Ecce tu pulchra es amica mea ecce tu pulchra es oculi tui columbarum

Sicut lilium inter spinas sic amica mea inter filias

Favus distillans labia tua sponsa et odor vestimentorum tuorum sicut odor thuris

Speciosa facta es et suavis*

Vidi speciosam sicut columbam ascendentem desuper rivos aquarum cujus inaestimabilis odor erat nimis in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Et sicut dies verni circumdabant eam flores rosarum et lilia convallium

Gloria*

Emissiones tuae paradisus malorum punicorum cum pomorum fructibus

Fons hortorum puteus aquarum viventium quae fluunt impetu de Libano

Veniat dilectus meus in hortum suum ut comedat fructum pomorum suorum

Dignare me laudare te*

Ista est speciosa inter filias Jerusalem sicut vidistis eam plenam caritate et dilectione in cubilibus et in hortis aromatum

Ista est quae ascendit de deserto deliciis affluens

Beatam me dicent omnes generationes quia fecit mihi dominus magna quia potens est et sanctum nomen ejus

Et misericordia ejus a progenie in progenies*

Super salutem et omnem pulchritudinem dilecta es a domino et regina caelorum vocari digna es gaudent chori angelorum consortes et concives nostri

Valde nos te oportet venerari quae tam sancta et immaculata permansisti

Gloria*

Veni in hortum meum soror mea sponsa messui myrrham meam cum aromatibus meis alleluia

Comedi favum cum melle meo bibi vinum meum cum lacte meo

Talis est dilectus meus et ipse est amicus meus filiae Jerusalem

Post partum virgo inviolata permansisti*

Ornatam monilibus filiam Jerusalem dominus concupivit et videntes eam filiae Sion beatissimam praedicaverunt dicentes ungentum effusum nomen tuum

Ab intus in fimbriis aureis circumamicta varietate

Beata es virgo Maria dei genetrix quae credidisti domino perfecta sunt in te quae dicta sunt tibi ecce exaltata es super choros angelorum intercede pro nobis ad dominum deum nostrum

Ave Maria gratia plena dominus tecum

Felix namque es sacra virgo Maria et omni laude dignissima quia ex te ortus est sol justitiae Christus deus noster

Ora pro populo interveni pro clero intercede pro devoto femineo sexu sentiant omnes tuum juvamen quicumque celebrant tuam assumptionem

Gloria*

Exaltata es sancta dei genetrix*