Assumpta est Maria in caelum gaudent angeli laudantes benedicunt dominum

Maria virgo assumpta est ad aethereum thalamum in quo rex regum stellato sedet solio

In odore ungentorum tuorum currimus adulescentulae dilexerunt te nimis

Benedicta filia tu a domino quia per te fructum vitae communicavimus

Pulchra es et decora filia Jerusalem terribilis ut castrorum acies ordinata

O gloriosa domina*

Elegit eam dominus*

Quae est ista quae progreditur quasi aurora consurgens pulchra ut luna electa ut sol terribilis ut castrorum acies ordinata

Assumpta est*

Christe fili dei*

Qui natus*

Maria virgo*

Speciosa facta es et suavis in deliciis tuis

Sancta dei genetrix

Gloria*

Dignare me*

In odore*

Dignare me laudare te virgo sacrata

Da mihi virtutem contra hostes tuos

Gloria*

Post partum*

Pulchra es et decora*

Post partum virgo inviolata permansisti

Dei genetrix intercede pro nobis

Gloria*

Diffusa est gratia*

Assumpta est Maria*

Felix namque*

O quam glorifica luce*

Post partum*

Hodie Maria virgo caelos ascendit gaudete quia cum Christo regnat in aeternum

In honore beatissimae Mariae virginis jubilemus domino

Exaltata es sancta dei genetrix super choros angelorum ad caelestia regna

Paradisi januae per te nobis apertae sunt quas hodie gloriosa cum angelis triumphas

Benedicta tu*

Specie tua*

Adjuvabit eam*

Sicut laetantium*

Gaude Maria*

Dignare me*

Post partum*

Diffusa est gratia*

Tota pulchra es amica mea et macula non est in te favus distillans labia tua mel et lac sub lingua tua odor ungentorum tuorum super omnia aromata jam enim hiems transiit imber abiit et recessit flores apparuerunt vineae florentes odorem dederunt et vox turturis audita est in terra nostra surge propera amica mea veni de Libano veni coronaberis

Anima mea liquefacta est ut dilectus locutus est quaesivi et non inveni illum vocavi et non respondit mihi invenerunt me custodes civitatis percusserunt me et vulneraverunt me tulerunt pallium meum custodes murorum filiae Jerusalem nuntiate dilecto quia amore langueo

Descendi in hortum meum ut viderem poma convallium et inspicerem si floruisset vinea et germinasset mala punica revertere revertere Sunamitis revertere revertere ut intueamur te

Virgo prudentissima quo progrederis quasi aurora valde rutilans filia Sion tota formosa et suavis es pulchra ut luna electa ut sol

Vidi speciosam sicut columbam et circumdabant eam flores rosarum et lilia convallium

Maria virgo semper laetare quae meruisti Christum portare caeli et terrae conditorem quia de tuo utero protulisti mundi salvatorem

Hortus conclusus es dei genetrix hortus conclusus fons signatus surge propera amica mea

Quam pulchra es amica mea quam pulchra es et decora oculi tui columbarum alleluia

Dilecte mi apprehendam te et ducam te in domum matris meae ibi me docebis praecepta domini

Adjuro vos filiae Jerusalem si inveneritis dilectum meum ut nuntietis ei quia amore langueo

Paradisi porta per Evam cunctis clausa est et per Mariam virginem iterum patefacta est alleluia

Sub tuam protectionem confugimus ubi infirmi acceperunt virtutem et propter hoc tibi psallimus dei genetrix virgo

Beata dei genetrix Maria virgo perpetua templum domini sacrarium spiritus sancti sola sine exemplo placuisti regina Jesu Christo ora pro populo interveni pro clero intercede pro devoto femineo sexu

Sancta Maria succurre miseris juva pusillanimes refove flebiles ora pro populo interveni pro clero intercede pro devoto femineo sexu

Sancta dei genetrix virgo semper Maria intercede pro nobis ad dominum Jesum Christum

Laetare mater nostra Jerusalem quia rex tuus dispensatorem strenuum et civem fidelissimum de servitute Babylonis tibi redemit Augustinum

Hujus mater devotissima quem carne prius pepererat mundo caritatis visceribus postmodum multo semine lacrimarum genuit Christo

Distulit autem diu baptismi gratiam quia tumens inanis philosophia volebat humana ratione comprehendere quod pia mens vivacitate fidei nititur apprehendere

Surgens autem post multos circuitus errorum circuibat civitatem per vicos et plateas quaerendo verum animae virum pro quo ne moreretur dignum judicare mori ut ejus semper inhaereret amori

Inventus igitur a custodibus civitatis et pallio vetustatis exutus diligenter pertractata cum illis veritate quem desiderabat invenit et castis ejus amplexibus ardenter inhaesit

Volebat enim*

Magne pater*

Amavit eum dominus*

Adest nobis dies celebris quo solutus nexu carnis sanctus praesul Augustinus assumptus est cum angelis ubi gaudent cum prophetis laetatur cum apostolis quorum plenus spiritu quae praedixerunt mystica fecit nobis pervia post quos secunda dispensandi verbi dei primus refulsit gratia

Magnus dominus et laudabilis valde et sapientiae ejus non est numerus qui de tenebris gentium lumen ecclesiae suae vocavit Augustinum

Caeli cives applaudite*

Aperuit Augustinus codicem apostolicum et conjectis oculis ad primum capitulum legit induimini dominum Jesum Christum et statim quasi infusa luce securitatis ab eo omnes dubietatis tenebrae diffugerunt

Insinuavit ergo per litteras sancto viro Ambrosio praesens votum suum ut moneret quid sibi de libris sanctis legendum esset quo percipiendae Christianae gratiae aptior fieret atque paratior

At ille jussit Isaiam prophetam quod prae ceteris evangelii vocationisque gentium sit praenuntiator apertior

Amavit eum dominus et ornavit*

Invenit se Augustinus longe esse a deo in regione dissimilitudines tamquam audiret vocem dei de excelso cibus sum grandium cresce et manducabis me

Nec tu me mutabis in te sicut cibum carnis tuae sed tu mutaberis in me

Sensit igitur et expertus est non esse mirum quod palato non sano poena est panis qui sano est suavis et oculis aegris odiosa lux est quae puris est amabilis

Propter iniquitatem corripuisti hominem et tabescere fecisti sicut araneam animam ejus

Dum vero invisibilia dei per ea quae facta sunt intellecta conspexit sed aciem figere non valuit quia non secum ferebat nisi amantem memoriam et quasi olfacta desiderantem quae comedere nondum posset

Quid autem sacramenti haberet verbum caro factum est nec suspicari quidem poterat

Gloria patri et filio et spiritui sancto

Verumtamen primam hujus lectionem non intellegens totumque talem arbitrans distulit repetendum exercitatior in dominico eloquio

Inde ubi tempus advenit quo nomen eum dare oporteret relicto rure Mediolanum remeans baptizatus est a beato Ambrosio fugitque ab eo sollicitudo vitae praeteritae

Nec satiabatur illis diebus dulcedine mirabilis considerare altitudinem consilii divini super salutem generis humani

Justum deduxit dominus*

Itaque avidissime legere coepit prae ceteris apostolum Paulum et perierunt illae quaestiones in quibus aliquando visus est ei adversari testimoniis legis et prophetarum textus sermonis ejus

Et apparuit ei una facies eloquiorum castorum et exsultare cum tremore didicit

Misit ergo dominus in mentem ejus visumque est ei bonum in conspectu ejus pergere ad Simplicianum qui ei bonus apparebat servus dei et lucebat in eo gratia divina

Audierat enim quod a juventute sua devotissime deo viveret et vere sic erat

Volebat enim conferenti aestus suos ut proferret quis aptus esset modus vivendi sic affecto ut ipse erat ad ambulandum in via dei in qua alius sic alius sic ibat

Displicebat enim ei quicquid agebat in saeculo pro dulcedine dei et decore dominus ejus quam dilexit

Gloria patri et filio et spiritui sancto

Flebat autem uberrime in hymnis et canticis suave sonantis ecclesiae vocibus vehementer affectus

Voces igitur ille influebat auribus ejus et eliquebatur veritas in cor ejus et fluebant lacrimae et bene illi erat cum illis

Adjunctus inde Nebridio et Evodio remeabat ad Africam quaerens quis eos ad bene vivendum locus haberet utilius et cum esset apud ostia Tiberina pia mater ejus defuncta est

Justus ut palma*

Vulneraverat caritas Christi cor ejus et gestabat verba ejus in visceribus quasi sagittas acutas et exempla servorum dei quos de mortuis vivos fecerat tamquam carbones vastatores

Ascendenti a convalle plorationis et cantanti canticum graduum dederat sagittas acutas

Accepta baptismi gratia positus apud ostia Tiberina cum matre sua colloquebantur soli valde dulciter et inhiabant ore cordis pariter in superna fluenta fontis vitae vilescebatque mundus iste inter verba cum delectationibus suis

Tunc ait illa filio nulla re jam delector in hac vita cum te contempta felicitate terrena videam servum Christi

Verbum dei usque ad ipsam suam aegritudinem impraetermisse alacriter et fortiter sana mente sanoque consilio in sancta ecclesia praedicavit membris omnibus sui corporis incolumis integro aspectu atque auditu coram positis fratribus atque orantibus dormivit cum patribus suis

Testamentum nullum fecit quia unde faceret pauper Christi non habuit