Lumen ad revelationem gentium et gloriam plebis tuae Israel

Nunc dimittis servum tuum domine secundum verbum tuum in pace

Quia viderunt oculi mei salutare tuum

Quod parasti ante faciem omnium populorum

Gloria patri et filio et spiritui sancto

Sicut erat in principio et nunc et semper et in saecula saeculorum amen.

Ave gratia plena dei genetrix virgo ex te enim ortus est sol justitiae illuminans quae in tenebris sunt laetare tu senior juste suscipiens in ulnas liberatorem animarum nostrarum donantem nobis et resurrectionem

Adorna thalamum tuum Sion et suscipe regem Christum amplectere Mariam quae est caelestis porta ipsa enim portat regem gloriae novo lumine subsistit virgo adducens in manibus filium ante luciferum quem accipiens Simeon in ulnas suas praedicavit populis dominum eum esse vitae et mortis et salvatorem mundi

Responsum accepit Simeon a spiritu sancto non visurum se mortem nisi videret Christum domini et cum inducerent puerum in templum accepit eum in ulnas suas et benedixit deum et dixit nunc dimittis domine servum tuum in pace

Hodie beata virgo Maria puerum Jesum praesentavit in templo et Simeon repletus spiritu sancto accepit eum in ulnas suas et benedixit deum et dixit nunc dimittis domine servum tuum in pace

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Occurrunt turbae cum floribus et palmis redemptori obviam et potenti triumphatori digna dant obsequia filium dei ore gentes praedicant et in laude Christi voces tonant per nubila hosanna

Collegerunt pontifices et pharisaei concilium et dicebant quid facimus quia hic homo multa signa facit si dimittimus eum sic omnes credent in eum et forte veniant Romani et tollent nostrum locum et gentem

Unus autem ex ipsis Caiphas nomine cum esset pontifex anni illius prophetavit dicens expedit vobis ut unus moriatur homo pro populo et non tota gens pereat ab illo ergo die cogitaverunt interficere eum dicentes

Ave rex noster fili David redemptor mundi quem prophetae praedicaverunt salvatorem domui Israel esse venturum te enim ad salutarem victimam pater misit in mundum quem exspectabant omnes sancti ab origine mundi et nunc hosanna filio David benedictus qui venit in nomine domini hosanna in excelsis

Gloria laus et honor tibi sit rex Christe redemptor cui puerile decus prompsit hosanna pium

Israel es tu rex Davidis et inclyta proles nomine qui in domini rex benedicte venis

Coetus in excelsis te laudat caelicus omnis et mortalis homo et cuncta creata simul

Plebs Hebraea tibi cum palmis obvia venit cum prece voto hymnis assumus ecce tibi

Ingrediente domino in sanctam civitatem Hebraeorum pueri resurrectionem vitae pronuntiantes cum ramis palmarum hosanna clamabant in excelsis

Cum rex gloriae Christus infernum debellaturus intraret et chorus angelicus ante faciem ejus portas principum tolli praeciperet sanctorum populus qui tenebatur in morte captivus voce lacrimabili clamaverat advenisti desiderabilis quem exspectabamus in tenebris ut educeres hac nocte vinculatos de claustris te nostra vocabant suspiria te larga requirebant lamenta tu factus es spes desperatis magna consolatio in tormentis alleluia

Salve festa dies toto venerabilis aevo qua deus infernum vicit et astra tenet

Ecce renascentis testatur gratia mundi omnia cum domino dona redisse suo

Namque triumphanti post tristia tartara Christo undique fronde nemus gramina flore favent

Legibus inferni oppressis super astra meantem laudant rite deum lux polus arva fretum

Qui crucifixus erat deus ecce per omnia regnat dantque creatori cuncta creata precem

Christus resurgens ex mortuis jam non moritur mors illi ultra non dominabitur quod enim vivit vivit deo alleluia alleluia

Viri Galilaei quid admiramini aspicientes in caelum alleluia quemadmodum vidistis eum ascendentem in caelum ita veniet alleluia alleluia alleluia

Cumque intuerentur in caelum euntem illum ecce duo viri astiterunt juxta illos in vestibus albis qui et dixerunt

Pater cum essem cum eis ego servabam eos quos dedisti mihi nunc autem ad te venio non rogo ut tollas eos de mundo sed ut serves eos a malo alleluia

Pater sancte serva eos in nomine tuo quos dedisti mihi

Gloria patri et filio et spiritui sancto

O rex gloriae domine virtutum qui triumphator hodie super omnes caelos ascendisti ne derelinquas nos orphanos sed mitte promissum patris in nos spiritum veritatis alleluia

Immolabit haedum multitudo filiorum Israel ad vesperam paschae et edent carnes et azymos panes

Pascha nostrum immolatus est Christus itaque epulemur in azymis sinceritatis et veritatis

Ego sum panis vitae patres vestri manducaverunt manna in deserto et mortui sunt hic est panis de caelo descendens si quis ex ipso manducaverit non morietur

Ego sum panis vivus qui de caelo descendi si quis manducaverit ex hoc pane vivet in aeternum

Cenantibus illis accepit Jesus panem et benedixit ac fregit deditque discipulis suis et ait accipite et comedite hoc est corpus meum

Dixerunt viri tabernaculi mei quis det de carnibus ejus ut saturemur

Gloria patri et filio et spiritui sancto

O quam suavis est domine spiritus tuus qui ut dulcedinem tuam in filios demonstrares pane suavissimo de caelo praestito esurientes replens bonis fastidiosos divites dimittens inanes

Hodie Maria virgo caelos ascendit gaudete quia cum Christo regnat in aeternum

Regina mundi hodie de saeculo nequam eripitur

Felix namque es sacra virgo Maria et omni laude dignissima quia ex te ortus est sol justitiae Christus deus noster

Ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuam assumptionem

Gloria*

Ascendit Christus super caelos et praeparavit suae castissimae matri immortalitatis locum et haec est illa praeclara festivitas omnium sanctorum festivitatibus incomparabilis in qua gloriosa et felix mirantibus caelestis curiae ordinibus ad aethereum pervenit thalamum quo pia sui memorium immemor nequaquam existat

Beatissimae virginis Mariae nativitatem devotissime celebremus ut ipsa pro nobis intercedat ad dominum Jesum Christum

Cum jucunditate nativitatem beatae Mariae celebremus

Fulcite me floribus stipate me malis quia amore langueo

Adjuro vos filiae Jerusalem si inveneritis dilectum ut annuntietis ei

Beata progenies unde Christus natus est o quam gloriosa est virgo quae caeli regem genuit

Regali ex progenie Maria exorta refulget

Gloria patri et filio et spiritui sancto

Nativitas tua dei genetrix virgo gaudium annuntiavit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

Missus est Gabriel angelus ad Mariam virginem desponsatam Joseph nuntians ei verbum et expavescit virgo de lumine ne timeas Maria invenisti gratiam apud dominum ecce concipies et paries et vocabitur altissimi filius

Ave Maria gratia plena dominus tecum

Gaude Maria virgo cunctas haereses sola interemisti quae Gabrielis archangeli dictis credidisti dum virgo deum et hominem genuisti et post partum virgo inviolata permansisti

Gabrielem archangelum credimus divinitus te esse affatum uterum tuum de spiritu sancto credimus impraegnatum erubescat Judaeus infelix qui dicit Christum ex Joseph semine esse natum

Gloria patri et filio et spiritui sancto

Haec est dies quam fecit dominus hodie dominus afflictionem populi sui respexit et redemptionem misit hodie mortem quam femina intulit femina fugavit | Hodie deus homo factus id quod fuit permansit et quod non erat assumpsit ergo exordium nostrae redemptionis devote recolamus et exsultemus dicentes gloria tibi domine

Videte miraculum matris domini concepit virgo virilis ignora consortii stans onerata nobili onere Maria et matrem se laetam cognoscit quae se nescit uxorem

Virgo concepit et virgo peperit et post partum virgo permansit

Benedicta et venerabilis es virgo Maria cujus viscera meruerunt portare dominum Christum

Benedicta tu in mulieribus et benedictus fructus ventris tui

Gloria patri et filio et spiritui sancto

Virgo prudentissima quo progrederis quasi aurora valde rutilans filia Sion tota formosa et suavis es pulchra ut luna electa ut sol

Benedic domine domum istam et omnes habitantes in illa sitque in ea sanitas humilitas sanctitas castitas virtus victoria fides spes et caritas benignitas temperantia patientia spiritualis disciplina et oboedientia per infinita saecula

Conserva domine in ea timentes te pusillos cum majoribus

Gloria patri et filio et spiritui sancto

Domum tuam domine decet sanctitudo R. In longitudinem dierum

Laverunt stolas suas et candidas eas fecerunt in sanguine agni

Isti sunt qui venerunt ex magna tribulatione et laverunt stolas suas

Justi in perpetuum vivent R. Et apud

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Deus misereatur nostri et benedicat nobis illuminet vultum suum super nos et miseratur nostri

Postquam surrexit dominus a cena misit aquam in pelvem coepit lavare pedes discipulorum hoc exemplum reliquit eis

Audite haec omnes gentes auribus percipite omnes qui habitatis orbem

Si ego dominus et magister vester vobis lavi pedes quantomagis vos debetis alter alterius lavare pedes

Exemplum enim dedi vobis ut et vos ita faciatis

Vos vocatis me magister et domine benedicitis sum etenim si ego lavi vestros pedes dominus et magister et vos debetis alter alterius lavare pedes

Dixit Jesus discipulis suis

Mandatum novum do vobis ut diligatis invicem sicut dilexi vos dicit dominus

Beati immaculati in via qui ambulant in lege domini

In hoc cognoscent omnes quia mei estis discipuli si dilectionem habueritis ad invicem

Pacem meam do vobis pacem relinquo vobis

In diebus illis mulier quae erat in civitate peccatrix ut cognovit quod Jesus accubuisset in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento ungebat

Maria optimam partem elegit quae non auferetur ab ea

Maria ergo unxit pedes Jesu et extersit capillis suis et domus impleta est ex odore unguenti

Dimissa sunt ei peccata multa quoniam dilexit multum

Domine tu mihi lavas pedes respondit Jesus et dixit ei et si non lavero tibi pedes non habebis partem mecum

Domine non tantum pedes meos sed et manus et caput

Caritas est summum bonum amplum donum in qua pendet omnis ordo praeceptorum per quam vetus atque nova lex impletur per quam deus ac proximus diligitur per quam caelorum regnum adipiscitur

Ille namque tenet et quod latet et quod patet in divinis sermonibus qui caritatem servat in moribus

Ubi est caritas et dilectio ibi sanctorum est congregatio ibi nec ira est nec indignatio sed firma caritas in perpetuum Christus descendit mundum redimere ut liberaret a morte hominem

Exemplum praebuit suis discipulis ut invicem pedes lavarent

Diligamus nos invicem quia caritas ex deo est et qui diligit fratrem suum ex deo natus est et videt deum

Ut hoc mandatum habemus a deo ut qui diligit deum diligat et fratrem suum

Ubi fratres in unum glorificant deum ibi dabit dominus benedictionem