De caelo velut radius descendens sacer spiritus Elisabeth intravit mox benedictam virginem sanctitatis propaginem propheticae clamavit

Inter turmas femineas et sanctarum excubias Maria collaudatur propter fructum qui quaeritur quo jure mundus emitur et plene visitatur

Vocat hanc matrem nomine domini primo famine Elisabeth vi superna quod fuit clausum aliis in velatis mysteriis notitia in aeterna

Specie tua*

Surgens Maria gravida migravit per cacumina in civitatem Judaeae intravit domum propere Zachariae cum opere salutis consobrinae

Ut audivit Elisabeth salutes mox de Nazareth exclamat mirative

Dixit verba prophetica Elisabeth caelicola de virgine Maria beata est quae credidit in hac fient quae didicit a domino mente pia

Venit ex te sanctissimus vocatus dei filius sicut praedixit angelus suae matri in via

Elisabeth congratulans profunde se humilians in adventu Messiae unde ait condeceat quod mater dei veniat ad me cum plausu viae

En felix salutatio duplata exsultatio dabantur vi sophiae

Gloria patri et filio et spiritui sancto

Non fuit Christus oneri nec gravis moles pueri visceribus matris dignae sed ignara de pondere cum corporali robore transiliit benigne

Transivit in itinere Maria multum prospere monticulos scandendo evitavit lasciviam propter morum constantiam colloquia spernendo

Longam viam pertransiit Maria montes circuit hilaris laborando honores mundi respuit devotionem tenuit caelica meditando

Adjuvabit eam*

Maria parens filios plangens quaerit depositos in scelere mortali clamans clamat ut relevet manus ponit ut sublevet ne poena ruant mali

Elisabeth quaesierat Joannem doctum noverat de vita supernali

Rosa de spinis prodiit virga de Jesse floruit Maria visitavit vis odoris diffunditur tota domus perficitur gratia cum intravit

Miranda salutatio fit plebi gratulatio quae fructum exspectavit

Stella sub nube tegitur Maria mundo praemitur rutilans in splendore Elisabeth perducitur ad solamen lux spargitur robarans in vigore

Luna soli conjungitur Elisabeth devolvitur aestuans in amore

Gloria patri et filio et spiritui sancto

Tunc ad sermonem virginis dabatur donum flaminis matri simul et proli hic gaudebat in utero haec providit de puero et de regina poli

Adest mira credulitas et virginis fecunditas per exemplum monstratum concepit prius sterilis quae vox est impossibilis nisi per verbum datum

Fit naturae propinquius quod sterili fit filius quam virgo fiat praegnans sed nihil impossibile deo nec infactibile per verbum suum dictans

Diffusa est gratia*

Occasum virgo nesciit velut lux mundi profuit de summo fundens lumen Elisabeth applicuit devotas sibi attrahit de caelo pandens numen

Spiritus rapit symbola caelestibus conformia tamquam aquarum flumen

Thronum lucis prospexerat qui ut aurora fulserat sole mane splendente Elisabeth ubi vidit verbaque palam protulit speculo suadente

In Mariae praesentia plura patent latentia Elisabeth dicente

Elisabeth ex opere signorum dat pro pignore Mariam invocare quam gratia contraxerat et pietas commoverat vetulam visitare

Nullus diffidat hodie ad Mariam confluere sibique supplicare

Gloria patri et filio et spiritui sancto

Elegit eam*

Sacra dedit eloquia Maria responsoria Elisabeth laudanti clamavit deo canticum magnificando dominum de sursum bona danti

Tunc exsultavit animus cum ipsius sit filius angelo nuntiante ancilla dei credidit confesti verbum genuit Maria supplicante

Vera humilitatio fuit Christi conceptio deo respiciente ex hoc laudabunt singuli Mariam matrem saeculi ipsamet sic dicente

Magna perfecit dominus in Mariae virtutibus deum concipiendo fit mater plena gratiae et impetratrix veniae omnibus miserendo

Maria tribus mensibus quasi stetit laboribus Elisabeth subdendo conferebat de angelo et verborum mysterio quae protulit salutando mutum audivit eloqui et prophetias domini de Christo declarando plura vidit de puero mirabili ab utero praecursorem vocando facta post reverentia reversa est ad propria Maria contemplando

Elegit eam*

Adjutrix visitatio et frequens ministratio Elisabeth oblata Mariam dat propitiam ad impetrandam gratiam cum fuerit vocata nam mater est ecclesiae fluctuantis naviculae subditos gubernando promptos suo regimini dirigentique flamini devios visitando

In Mariam*

In Mariam*

Specie tua et pulchritudine tua alleluia alleluia

Intende prospere procede et regna alleluia

In Mariam*

Adjuvabit eam deus vultu suo alleluia alleluia

Deus in medio ejus non commovebitur alleluia

In Mariam*

Diffusa est gratia in labiis tuis alleluia alleluia

Propterea benedixit te deus in aeternum alleluia

Sacra dedit*

In Mariam*

Specie tua*

Jesu redemptor optime ad Mariam nos imprime ut mundi advocata pari forma nos visitet sicut fecit Elisabeth per summam pietatem mores et actus dirigat et ad caelos alliciat per gratiam collatam

O Christi mater*

Maria tribus*

Sacra dedit*

In Mariam*

Specie tua*

In Mariam*

Laeta dolens*

Ampla fertur humilitas servitutis celeritas de virgine jam pregnante de salvatore saeculi redemptore piaculi Elizabeth orante

Larga confertur gratia cum donorum constantia major subest minori ascendit in obsequium ac jucundum solacium haec domina praecursori

Jesu mater se obtulit regina caeli protulit ministrat viliori Maria dat auxilium obstetricis servitium ancillae suae tori

Haec cedrus alta Libani Maria mater domini ramos mire pandebat cum voce sua gracia dabatur in famulam quam ipsa visitabat

De quibus testes protulit pro secreto quod latuit de verbo in carnato ipsum primo monstraverat Christum quem exspectavit in utero matris grato

Laeta dolens perficitur merens plangens ostenditur juvenis fit de senecum pervenit de Nazareth Maria ad Elizabeth hanc visitans amoene

Dilectus ex dilecto filius in quo bene complacuit patri deo ut in nobis gloriam suam revelaret rex in decore suo visus est

Facies ejus sicut sol resplenduit vestimenta ejus candida facta sunt sicut nix pulcher et decorus electus est ex milibus

Datum est ei regnum et honor et omnis populus tribus et linguae servient ei in aeternum

Beati Christe oculi qui tuam in carne viderunt gloriam bonus enim et suavis et totus es desiderabilis

Ostende nobis domine gloriam tuam ostende nobis faciem tuam facies tua praecedat nos et requiem da nobis

O trium virorum sublime meritum quibus contigit videre glorificatum quem deus pater terris occultaverat humanatum

Filium enim hominis in gloria suae majestatis videre meruerunt

Gloria patri et filio et spiritui sancto

O nata lux de lumine Jesu redemptor saeculi dignare clemens supplicum laudes precesque sumere

Speciosus forma prae filiis*

Jesu Christe splendor paterne glorie da ut in eandem transformemur imaginem qua transfiguratus es in monte ut et mereamur videre regnum tuum veniens in virtute

O nata lux*

Nemini dixeritis visionem donec filius hominis a mortuis resurgat

Adoremus regem Christum dominum qui est speciosus forma prae filiis hominum

In monte sancto cum esses rex gloriae dominus dixit de te hic est filius meus dilectus ipsum audite

Signatum est super nos lumen vultus tui domine dedisti laetitiam in corde nostro

Gloria et honore coronatus es domine et constitutus super opera manuum patris

Sit nomen domini benedictum*

Corda nostra domine splendor tuae illustret gloria qua in monte transfigurata sicut sol tua hodie resplenduit facies

Ut reformes corpus humilitatis nostrae configuratum corpori claritatis tuae

Assumpsit Jesus Petrum et Jacobum et Johannem fratrem ejus et ascendit in montem et transfiguratus est ante eos

Quibus transmutate faciei suae ipsis angelorum choris reverandam ostendit gloriam

Cum oraret Jesus species vultus ejus altera facta est et vestitus ejus albus sicut nix refulget

Transfiguratus est ante eos et resplenduit facies ejus sicut sol

Gloria patri et filio et spiritui sancto

Magna est gloria filii tui domine in salutari tuo gloriam et magnum decorem imposuisti super eum

Dominus fortis et potens dominus virtutum ipse est rex gloriae

Vox domini deus majestatis intonuit hic est filius meus dilectus in quo mihi complacui ipsum audite

Benedicamus patrem et filium*

Sunt ait Jesus de hic stantibus qui non gustabunt mortem donec videant filium hominis venientem in regno suo

Quorum oculi beati qui in carne venerandam ejus viderunt gloriam

Apparuit illis Elias cum Moyse et erant loquentes cum Jesu viso in majestate