Gloria patri et filio et spiritui sancto

Caesaris intrepide studiis praeclara sophiae arguit errorem malesanum virgo furorem

Non cedens monitis mactatur verbere mitis carcere damnatur nec virgo sic superatur

Caesar ut invictam penitus vidit Catharinam ut leo crudelis jubet hanc discerpere poenis

Sponsa Christi gloriosa gaudet inter verbera nulla movent hanc promissa nec terrent supplicia

Caritate vulnerata tendit ad caelestia

Christus sanctam tenebroso reclusam ergastulo miro satis atque blando confortat adloquio

Salve virgo benedicta quam Christi praesentia

O mater nostra ter sancta quaterque beata cum prece devota famulantum suscipe vota

Jam Christo juncta sponsoque tuo copulata

Gloria patri et filio et spiritui sancto

Aeternae virgo memoriae quam sibi despondit rex gloriae | virginis proles eximiae sponsusque virginis ecclesiae | tu gaudens hodie de dono gratiae | et cantas propriae carmen laetitiae | te laudantes de caelo respice | atque nostra clementer suscipe vota

Machina poenalis nutu dispacta tonantis martyre non lesa dedit orco milia cesa

Martyr ut oravit gladium subit aethera scandit sponsus honorque datur cum Christo deliciatur

Virginis ex oleo quod manat corpore sacro certa medela datur morbi genus omne fugatur

Surge virgo*

Corpus virgineum Christi venerabile templum monte Sina angelico conditur obsequio

Purus in aetherea cum sanctis spiritus aula

O Christi pietas o virtus atque potestas virginis ex membris sacri fluit unda liquoris unde fides aegris infundit dona salutis

Virginis ob meritum manet hoc memorabile signum

Gloria patri et filio et spiritui sancto

Aeterno regi caelo terraque potenti servans morte fidem virgo corregnat eidem

Atria Jerusalem penetrans et luminis arcem haec jubilat sponso servit cui caelicus ordo

Ad laudes vigilem fontemque deum sitientem Christus suscepit cui virgo fidelis adhaesit

Ignibus exstinctis canit hymnum vox puerilis sic nece consumpta sponsi Catharina sub umbra

Ordo puellarum quam felix candidularum cum quibus haec virgo cantat nova cantica Christo

Prudens et vigilans virgo qualis es cum sponso illo qui te elegit de mundo quam pulchra quam mirabilis quanta luce spectabilis inter Sion juvenculas et Jerusalem filias thalamo gaudes regio conjuncta dei filio

Sanctus sanctus sanctus dominus deus sabaoth pleni sunt caeli et terra gloria tua hosanna in excelsis benedictus Mariae filius qui venit in nomine domini hosanna in excelsis*

Agnus dei qui tollis peccata mundi miserere nobis agnus dei filius qui tollis peccata mundi dona nobis pacem

Dilectus ex dilecto filius in quo bene complacuit patri deo ut in nobis gloriam suam revelaret lex in decore suo incus est

Facies ejus sicut sol lex resplenduit vestimenta ejus candida facta sunt sicut nix pulcher et decorus electus est ex milibus

Datum est ei regnum et honor et omnis populus tribus et linguae servient ei in aeternum

Beati Christe oculi qui tuam in carne viderunt gloriam bonis enim et suavis et totis es desiderabilis

Ostende nobis domine gloriam tua ostende nobis faciem facies tua praecedat nos et requiem da nobis

O trium virorum sublime meritum quibus contigit videre glorificatum quem deus pater terris occultaverat humanatum

Filium enim hominis in gloria suae maiestatis videre meruerunt

Gloria patri et filio et spiritui sancto

O nata lux de lumine Jesu redemptor saeculi dignare clemens supplicum laudes precesque sumere

Speciosus forma prae filiis hominum*

Jesu Christe splendor (...)

O nata lux*

Nemini dixeritis visionem donec filius hominis a mortuis resurgat

Adoremus regem Christum dominum qui est speciosus forma prae filiis hominum

In monte sancto cum esses rex (...)

Signatum est super nos lumen vultus tui domine dedisti laetitiam in corde nostro

Gloria et honore coronatus es domine et constitutus super opera manuum patris

Sit nomen domini benedictum

Corda nostra domine splendor qua in monte transfigurata sunt sol tua hodie resplenduit facies

Ut reformes corpus humilitatis nostrae configura cum corpori claritatis tuae

Assumpsit Jesus Petrum et Jacobem et Johannem fratrem ejus et ascendit in montem et transfiguratus est ante eos

Quibus transmutate faciei suae ipsis angelorum choris reverendam ostendit gloriam

Cum oraret Jesus species vultus ejus altera facta est et vestitus ejus albus sicut nix refulgens

Transfiguratus est ante eos et resplenduit facies ejus sicut sol et vestitus

Gloria patri et filio et spiritui sancto

Magna est gloria filii tui domine in salutari tuo gloriam et magnum decorem imposuisti super eum

Dominus fortis et potens dominus virtutum ipse est rex gloriae

Vox domini deus majestatis intonuit hic est filius meus dilectus in quo mihi complacui ipsum audite

Benedicamus patrem et filium*

Sunt ait Jesus de hic stantibus qui non gustabunt mortem donec videant filium hominis venientem in regno suo

Quorum oculi beati qui in carne venerandam eius viderunt gloriam

Apparuit illis Elias cum (...)

Et dicebant excelsum ejus quem complecturus erat in Jerusalem

Inter Moysen et Eliam tamquam inter legem et prophetas per Jesum facta in eo refulsit gratia et veritas

Unigenitus filius qui est in sinu patris ipse narravit

Gloria patri et filio et spiritui sancto

Domine in voluntate tua praestitisti decori meo virtutem

Speciosus forma prae filiis hominum incende prospere protecte et regna

Annuntiaverunt caeli justitiam ejus notae de lapsa ad eum a magnifica gloria

Benedictus es domine in firmamento caeli*

Respondens Petrus dixit Jesu domine bonum est nos hic esse si vis faciamus hic tua tabernacula

Tibi unum Moysi unum et Eliae unum

Adhuc illo loquente ecce nubes lucida obumbravit eos et ecce vox de nube dicens hic est filius meus dilectus in quo mihi bene complacui ipsum audite

Accepit a patre honorem et gloriam voce delapsa ad eum a magnifica gloria

Ecce illuxit claritas quam nobis deus trinitas voluit prae ostende in spe futurae gloriae

O summa dei civitas quanta ejus est claritas

Gloria patri et filio et spiritui sancto

In regno suo dominus veniens decorem induit induit dominus fortitudinem et praecinxit se virtute

Laudate nomen domini in nihilo in hymnis confitemini illi quoniam dominus ipse est deus

Laetemur in domino cum rege nostro ut videamus virtutem et gloriam ejus

Visionem quam vidistis nemini dixeritis donec a mortuis resurgat filius hominis

Filiae Sion exsultent in rege nostro quia exaltatum est nomen ejus solius

O stella splendida et matutina Jesu Christe lux vera tuis facies sicut sol lucet in virtute sua illuminare nobis in tenebris ut videamus in aeternum gloriam claritatis

In regno suo*

Ecce illuxit*

Gloria tibi Christe rex caelestis qui gloriosus hodie venisti in regno tuo resupplicamus in decore tuo ut reformes corpus humilitatis nostrae configuratum corpori claritatis tuae

Laetetur hodie matris ecclesiae sancta devotio | Anniversaria reduxit gaudia transfiguratio | Superna visio in supercilio montis apparuit | Deus in homine verum de lumine lumen resplenduit | Adest prae oculis tribus discipulis verbi divinitas | Illustrat saecula remota nebula solaris claritas | Duo in gloria quorum praesentia testis assistitur | Unus a dextera alter ab altera per te conspicitur | Petrus prae gaudio rupto silentio visis miraculis | Cum pie desipit sermonem incipit de tabernaculis | Dum Petrus loquitur clara dimittitur nubes in medium | De nubis medio pater pro filio dat testimonium | Ad tam insolitum de nube …

Accedunt laudes virginis admirandae indaginis noviter promulgatae en visitat Elisabeth Maria mater ipsamet caelica probitate

Divo repletur munere Maria sine murmure cum filium concepit surrexit ab oraculo statim in montis calculo abiit et perfecit

Accendit ardor spiritus Mariam tangens caelitus de Nazareth migrando mox ad montana transtulit ubi tumultu caruit superna degustando

Monstrans culmen dulcedinis Maria sui sanguinis Elisabeth salutat stantem in domo proximi propinqua templo domini devote subministrat

Charisma sancti spiritus diffudit se divinitus in puerum cum sensit conceptum salutiferum Mariae sibi obvium Elisabeth consensit

Rex inspirator cordium inardet subsidium devios erigendo ut veniat de Libano tamquam amica domino anxios visitando

Surge ferventer aquilo veni auster de angulo ortum meum perflando

Gloria patri et filio et spiritui sancto

In Mariam vitae viam matrem veram viventium pie venit qui redemit peccata delinquentium

Specie tua et pulchritudine tua*

Acceleratur ratio in puero nondum nato instinctu sacri pneumatis divinitus sibi dato novit praesentem dominum in virgine clam latentem adoravit cum jubilo ad servulum venientem

O Christi mater caelica fons vivus fluens gratia lux pellens cuncta schismata maria deo proxima

Maria tribus ut

Reginam caeli Mariam concorditer adoremus quae visitans Elisabeth spem contulit ut laudemus