Et dicebant excelsum ejus quem completurus erat in Jerusalem

Inter Moysen et Eliam tamquam inter legem et prophetas per Jesum facta in eo refulsit gratia et veritas

Unigenitus filius qui est in sinu patris ipse narravit

Gloria patri et filio et spiritui sancto

Domine in voluntate tua praestitisti decori meo virtutem

Speciosus forma prae filiis hominum intende prospere procede et regna

Annuntiaverunt caeli justitiam ejus voce delapsa ad eum a magnifica gloria

Benedictus es domine in*

Respondens Petrus dixit Jesu domine bonum est nos hic esse si vis faciamus hic tria tabernacula

Tibi unum Moysi unum et Eliae unum

Adhuc illo loquente ecce nubes lucida obumbravit eos et ecce vox de nube dicens hic est filius meus dilectus in quo mihi bene complacui ipsum audite

Accepit a patre honorem et gloriam voce delapsa ad eum a magnifica gloria

Ecce illuxit claritas quam nobis deus trinitas voluit praeostendere in spe futurae gloriae

O summa dei civitas quanta ejus et caritas

Gloria patri et filio et spiritui sancto

In regno suo dominus veniens decorem induit induit dominus fortitudinem et praecinxit se virtute

Laudate nomen domini in jubilo cordis in hymnis confitemini illi quoniam dominus ipse est deus

Laetemur in domino cum rege nostro ut videamus virtutem et gloriam ejus

Visionem quam vidistis nemini dixeritis donec a mortuis resurgat filius hominis

Filiae Sion exsultent in rege nostro quia exaltatum est nomen ejus solius

O stella splendida et matutina Jesu Christe lux vera cujus facies sicut sol lucet in virtute sua illuminare nobis in tenebris ut videamus in aeternum gloriam claritatis tuae

Ecce illuxit*

Speciosus forma*

Gloria tibi Christe rex caelestis qui gloriosus hodie venisti in regno tuo te supplicamus in decore tuo ut reformes corpus humilitatis nostrae configuratum corpori claritatis tuae

Laetare plebs catholica deumque magnifica pro pietatis gratia Adriano praestita

Qui de stirpe nobili secundum statum saeculi ejus traxit originem hunc suum fecit militem

Maximiani tempore pugnavit invictissime quod superavit lividam quam gesserat perfidiam

Hic fuit amabilis aspectu delectabilis totus morigeratus

Sed his cunctis praeditus sprevit ea penitus et mundi principatus

Benedictus dominus sit qui suam gratiam Adriano contulit miramque efficatiam sortem mundi spernere et caelica diligere

Divites quam nobiles per hanc normam discite gestus vestros fragiles in fortiores vertere

Gloria patri et filio et spiritui sancto

Sancte martyr Adriane miles Christi inclyte tua prece commendare nos tu deo satage ut pro sua dementia nostra laxet scelera

Gloria et honore*

O beate martyr Christi qui credendo meruisti fleri quam plurium possessor praemiorum tu pro nobis pater pie roga regem veniae ut post haec exsilia det nobis vera gaudia

Salutem ex inimicis nostris*

Sancte Adriane martyr Christi preciose adesto nostris precibus pius ac propitius

Regem regum veneremur nos de corde fragiles ut per actus confortemur Adriani vigiles

Ab ore nostro suscipe Jesu Christe vota ad honorem martyris Adriani mota digna cujus memoria

Maximiani tempore Caesaris iniqui paganorum plurimi sunt accersiti ut fiat idolatria

Inter quos quidam tamen fuerunt qui fidem catholicam silenter tenuerunt timentes supplicia

Gloria et*

Dum ad idolatriam tendunt pagani renituntur plurimum quidam Christiani dicentes ignominiam sanae mentis pessimam

Et verum deum asserunt Christum deos respuunt suorumque familiam

His actis Maximianus furit hinc et fit insanus jubens ut hi trucidentur ac flagellis verberentur de nervorum funibus inflictis suis cutibus

Gaudet cohors dire caesa fide manens sed illaesa delectat cruciatibus

O mira clementia dei salutaris de nostri convertentia qui semper gloriaris da robur fer auxilium nobis convertendi et pro delictis gravibus tempus paenitendi ut post vitam civibus collaetemur caelitibus

Quibus nunc laus est perennis status vitaeque sollennis dulce ministerium

Gloria patri et filio et spiritui sancto

Hos affligi quando vidit Adrianus inquisivit quae spes foret praemii pro tanta vi supplicii

Quorum unus sic respondit deus nobis haec abscondit neque pandit homini civis honores caelici

His jam dictis se prostravit annotarique rogavit illis in suppliciis pro talibus divitiis

Posuisti domine*

Quam mira viri professio quam magna dei concessio hic solo verbo credidit quod in discendo docuit

Benedictum nomen dei qui sic miseretur rei et ad fidem imbuit

Hujus pro martyrio sis nostra salvatio Jesu pie Christe bone nos consortes fac coronae tu vitae perpetuae

Qui convertis peccatores effice nos meliores tuae luce gratiae

De cujus conversione quando Caesar intellexit ingenti plenus motione verbis saevis hunc correxit putans per daemonium effectum tam erroneum

Qui resistit Maximiano actis et exemplo sano verum deum adstruit quem Caesar falsum arguit

Gloria patri et filio et spiritui sancto

Adrianus fide plenus vanae spei alienus dicta regis vilipendit et in factis reprehendit pro cultura numinum quae culpa auget criminum

Unde rex nimis miratur fremit totus et turbatur hunc ad Christum sic conversum et a suis diis diversum

Et torqueri jubet dire cum flagellisque ferire quod eruperunt viscera sanguinem fluentia

Corona aurea*

Quo perfecto Natalia uxor ejus valde pia adit hunc ut consoletur ne pro poenis separetur a fidei munimine pro quo dignum confitetur Christi mori nomine

Cujus gesta nuntiavit christicolis in carcere quos constanter roboravit pari consolamine ne diffidant sed jam credant in deo vero lumine

Maceratus Adrianus carceri committitur uxor ejus hunc timore nimio corriptur timens multum quia laesus cruciatus sperneret et sic memor tantum caesus votum suum perderet

Cui fatur haec matrona certa certus pro corona hac immarcessibili quae confertur tormentatis in spe jugis praemii

O sancta cohors ac praeclara humiliter deposcimus nostrae preces Adriani quod sunt junctae precibus et ab hostis quam immani protegamur lusibus ne in orbis hujus navi demergamur fluctibus

Adjuvent nos merita vestra perbeata ut quos gravat actio nostra scelerata excuset intercessio Jesu Christo grata quod scelerum remissio nobis fiat data

Gloria patri et filio et spiritui sancto

Consolatus ab uxore gaudet mirabiliter alienus a timore pares monet fortiter ut pro poenis non desperent inflicturis graviter

Colloquentes mutuo sic congratulantur salvatori libere laudes personantur ob hoc quod doloribus tantis cruciantur

Dies adest interim quo praeconizatur ut ad poenas redeant cito deputatur impotentes deferuntur quo nequibant ire ad locum ubi puniuntur ultra modum dire

A beato Adriano res initiatur quod uxoris fieri interventu datur ne fiat retrogradus hoc acceleratur

In conflictu posito pedes amputantur membra nec non cetera ipsi detruncantur sola manus illi fuit non tamen amputata quam abscindi fecerat uxor perrogata

Magna est gloria*

In agone cruciatus dum sic laboraret et creatori animam suam commendaret Natalia capiti manum subjecit in qua reclinando vitae finem fecit

Sancte martyr*

Gloria et honore coronasti eum domine

Post haec hunc cum paribus rex cremari jussit protegente domino nil eos combussit sed retorta in actores flamma hos perussit quo turba regia fuit conturbata corpora Constantinopolim quorum sunt translata et a Christi fidelibus inibi sepulta

Sanctifica nos domine signaculo sanctae crucis ut fiat nobis obstaculum contra saeva jacula inimicorum defende nos domine per lignum sanctum et per pretium justi sanguinis tui cum quo nos redemisti alleluia

Salvator mundi salva nos omnes sancta dei genetrix virgo semper Maria ora pro nobis precibus sanctorum apostolorum omnium et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur