Nonne decem mundati sunt et novem ubi sunt non est inventus qui rediret et daret gloriam deo nisi hic alienigena vade quia fides tua te salvum fecit vade in pacis

Considerate lilia agri quomodo crescunt non laborant neque nent dico autem vobis quoniam nec Salomon in omni gloria sua coopertus est sicut unum ex istis

Respicite volatilia caeli quoniam non serunt neque metunt neque congregant in horrea et pater vester caelestis pascit illa nonne vos magis pluris estis illis

Quaerite primum regnum dei et justitiam ejus et haec omnia adicientur vobis alleluia

Primum quaerite regnum dei et justitiam ejus et haec omnia adicientur vobis alleluia

Ibat Jesus in civitatem Naim et ibant discipuli ejus cum eo et turba copiosa cum autem appropinquaret portae civitatis ecce defunctus efferebatur filius unicus matris suae

Accessit Jesus ad loculum et ait adolescenti tibi dico surge et surrexit qui erat mortuus et coepit loqui alleluia

Accepit autem omnes timor*

Propheta magnus*

Cum intraret Jesus in domum cujusdam principis pharisaeorum sabbato manducare panem et ecce homo quidam hydropicus erat ante illum ipse vero apprehensum sanavit eum ac dimisit

Cum vocatus fueris ad nuptias recumbe in novissimo loco ut dicat tibi qui te invitavit amice ascende superius tunc erit tibi gloria coram simul discumbentibus alleluia

Omnis qui se exaltat humiliabitur et qui se humiliat exaltabitur

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videtur de Christo cujus filius est dicunt ei omnes David dicit eis Jesus quomodo David in spiritu vocat eum dominum dicens dixit dominus domino meo sede a dexteris meis

Omnes autem vos fratres*

Dixit dominus paralytico confide fili remittuntur tibi peccata tua

Cum vidisset Jesus fidem illorum ait paralytico surge tolle lectum tuum et vade in domum tuam quia fides tua te salvum fecit vade in pace

Et videns Jesus fidem illorum dixit paralytico surge tolle lectum tuum et vade in domum tuam quia fides tua te salvum fecit vade in pace

Tulit ergo lectum suum in quo jacebat magnificans deum et omnis plebs ut vidit dedit laudem deo

Videntes turbae timuerunt et glorificaverunt deum qui dedit potestatem talem hominibus alleluia

Domine nonne bonum semen seminasti in*

Colligite primum zizania et alligate*

Dicite invitatis ecce prandium meum paravi venite ad nuptias dicit dominus

Nuptiae quidem paratae sunt sed qui invitati erant non fuerunt digni ite ad exitus viarum et quoscumque inveneritis vocate ad nuptias dicit dominus

Amice quomodo huc intrasti non habens vestem nuptialem at ille obmutuit rex autem dixit Ligatis manibus et pedibus mittite illum in caminum ignis

Multi enim sunt vocati*

Erat quidam regulus cujus filius infirmabatur Capharnaum hic cum audisset quia Jesus veniret in Galilaeam rogabat eum ut sanaret filium ejus

Domine descende ut sanes filium meum priusquam moriatur dicit ei Jesus vade filius tuus vivit alleluia

Cognovit autem pater quia illa hora erat in qua dixit Jesus filius tuus vivit et credidit ipse et domus ejus tota

Dixit autem dominus servo redde quod debes procidens autem servus ille rogabat eum dicens patientiam habe in me et omnia reddam tibi

Patientiam habe in me domine peccavi et omnia reddam tibi

Serve nequam omne debitum dimisi tibi quoniam rogasti me nonne ergo oportuit et te misereri conservi tui sicut et ego tui misertus sum dicit dominus

Abeuntes pharisaei consilium inierunt ut caperent Jesum in sermone et mittunt ei discipulos suos cum Herodianis dicentes scimus quia verax es et viam dei in veritate doces alleluia

Magister scimus quia verax es et viam dei in veritate doces alleluia

Interrogatus a Judaeis dominus si licet censum dari Caesari respondit Jesus et dixit reddite ergo quae sunt Caesaris Caesari et quae sunt dei deo

Reddite ergo quae sunt Caesaris Caesari et quae sunt dei deo alleluia

Dicebat enim intra se si tetigero fimbriam vestimenti ejus tantum salva ero

Si tetigero fimbriam vestimenti ejus salva esse potero ab infirmitate mea

Fratres glorificate et portate dominum in corpore vestro alleluia

Fratres confortamini in gratia dei quae est in Christo Jesu domino nostro alleluia

Cum sublevasset oculos Jesus*

De quinque panibus*

Satiavit dominus quinque*

Erant autem qui manducaverant*

Illi ergo homines cum vidissent*

O felix Barbara quae virgo (...)

Cum sublevasset oculos Jesus et vidisset maximam multitudinem venientem ad se dixit ad Philippum unde ememus panes ut manducent hi hoc autem dicebant tentans eum ipse enim sciebat quid esset facturus

Ave virgo speciosa clarior sideribus cujus vultum ac decorem concupivit dominus funde preces creatori pro tuis supplicibus

Surge virgo et nostras sponso preces aperi tua vox est dulcis in aure domini quae pausas sub umbra dilecti ab aestu mundi transfer nos ad amoena paradisi

Pulchrae Sion filia pro mortali tunica agni tecta vellere et corona gloriae

Gloria patri et filio et spiritui sancto

Ave gemma claritatis ad instar carbunculi ave rosa paradisi more fragrans balsami Catharina virgo felix gloriosa meritis assistentes tuis festis caeli junge gaudiis

Voce cordis et oris in laudem summi redemptoris consurgat omnis fidelis cujus mediante gratia martyr et virgo Catharina facto clamore hora matutina exivit obviam Christo sponso qui sedet super cherubim cuncta videns in absconso ferens sertum rosae et lilii cum triumpho martyrii evasi minas tortorum o beata virgo ora jugiter pro reatibus supplicum tuorum

Adoretur virginum rex in saeculorum saecula virgini qui Catharinae contulit caelestia

Virgo regalis fidei merito specialis ut jubar in tenebris mundo Catharina refulsit

Haec dominum caeli complectens mente fideli respuit errorem mundi labentis amorem

Membra redemptoris fidei Maxentius hostis undique caedebat gladius per cuncta furebat

Sancta virgo Catharina Costi regis filia summo patre deo digna mundi sprevit gaudia

Tam divinis quam humanis erudita studiis

Cogit Caesar Christi servos libare demonibus sed tyranni virgo jussa voce damnat libera

Saevit hostis innocentes perimens atrociter

Virgo prudens et electa dei sapientia oratorum argumenta vicit ac versutias

Ab angelo confortata plena dei gratia

Gloria patri et filio et spiritui sancto

Caesaris intrepide studiis praeclara sophiae arguit errorem malesanum virgo furorem

Non cedens monitis mactatur verbere mitis carcere damnatur nec virgo sic superatur

Caesar ut invictam penitus vidit Catharinam ut leo crudelis jubet hanc discerpere poenis

Sponsa Christi gloriosa gaudet inter verbera nulla movent hanc promissa nec terrent supplicia

Caritate vulnerata tendit ad caelestia

Christus sanctam tenebroso reclusam ergastulo miro satis atque blando confortat adloquio

Salve virgo benedicta quam Christi praesentia

O mater nostra ter sancta quaterque beata cum prece devota famulantum suscipe vota

Jam Christo juncta sponsoque tuo copulata

Gloria patri et filio et spiritui sancto

Aeternae virgo memoriae quam sibi despondit rex gloriae | virginis proles eximiae sponsusque virginis ecclesiae | tu gaudens hodie de dono gratiae | et cantas propriae carmen laetitiae | te laudantes de caelo respice | atque nostra clementer suscipe vota

Machina poenalis nutu dispacta tonantis martyre non lesa dedit orco milia cesa

Martyr ut oravit gladium subit aethera scandit sponsus honorque datur cum Christo deliciatur

Virginis ex oleo quod manat corpore sacro certa medela datur morbi genus omne fugatur

Surge virgo*

Corpus virgineum Christi venerabile templum monte Sina angelico conditur obsequio

Purus in aetherea cum sanctis spiritus aula

O Christi pietas o virtus atque potestas virginis ex membris sacri fluit unda liquoris unde fides aegris infundit dona salutis

Virginis ob meritum manet hoc memorabile signum

Gloria patri et filio et spiritui sancto

Aeterno regi caelo terraque potenti servans morte fidem virgo corregnat eidem

Atria Jerusalem penetrans et luminis arcem haec jubilat sponso servit cui caelicus ordo

Ad laudes vigilem fontemque deum sitientem Christus suscepit cui virgo fidelis adhaesit

Ignibus exstinctis canit hymnum vox puerilis sic nece consumpta sponsi Catharina sub umbra

Ordo puellarum quam felix candidularum cum quibus haec virgo cantat nova cantica Christo

Prudens et vigilans virgo qualis es cum sponso illo qui te elegit de mundo quam pulchra quam mirabilis quanta luce spectabilis inter Sion juvenculas et Jerusalem filias thalamo gaudes regio conjuncta dei filio

Sanctus sanctus sanctus dominus deus sabaoth pleni sunt caeli et terra gloria tua hosanna in excelsis benedictus Mariae filius qui venit in nomine domini hosanna in excelsis*

Agnus dei qui tollis peccata mundi miserere nobis agnus dei filius qui tollis peccata mundi dona nobis pacem

Dilectus ex dilecto filius in quo bene complacuit patri deo ut in nobis gloriam suam revelaret lex in decore suo incus est

Facies ejus sicut sol lex resplenduit vestimenta ejus candida facta sunt sicut nix pulcher et decorus electus est ex milibus

Datum est ei regnum et honor et omnis populus tribus et linguae servient ei in aeternum

Beati Christe oculi qui tuam in carne viderunt gloriam bonis enim et suavis et totis es desiderabilis

Ostende nobis domine gloriam tua ostende nobis faciem facies tua praecedat nos et requiem da nobis

O trium virorum sublime meritum quibus contigit videre glorificatum quem deus pater terris occultaverat humanatum

Filium enim hominis in gloria suae maiestatis videre meruerunt

Gloria patri et filio et spiritui sancto