Dixerunt impii apud se non recte cogitantes circumveniamus justum quoniam contrarius est operibus nostris

Ingrediente domino in sanctam civitatem Hebraeorum pueri resurrectionem vitae pronuntiantes cum ramis procedentes hosanna clamantes in excelsis

Ex ore infantium deus et lactentium perfecisti laudem

Animae impiorum fremebant adversus me et gravatum est cor meum super eos eo quod appretiaverunt pretium meum triginta argenteis quod appretiatus sum ab eis

Omnes inimici*

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum et videam vindictam in eis quia tibi revelavi causam meam

Omnes inimici mei adversus me cogitabant mala mihi verbum mandaverunt adversus me

Synagoga populorum circumdederunt me et non reddidi retribuentibus mihi mala consumetur dominus nequitia peccatorum et dirige justum

Tu autem domine susceptor meus es gloria mea et exaltans caput meum

Dominus deus auxiliator meus et ideo non sum confusus

Circumdantes circumdederunt me et in nomine domini vindicabor in eis

Judica causam meam defende quia potens es domine

Videns dominus flentes sorores Lazari ad monumentum lacrimatus est coram Judaeis exclamavit Lazare venit foras et prodiit ligatus manibus et pedibus qui fuerat quadriduanus mortuus

Confundantur qui me persequuntur et non confundar ego domine deus meus

Turba multa quae convenerant ad diem festum clamabant domino benedictus qui venit in nomine domini hosanna in excelsis

Hosanna filio David benedictus qui venit in nomini rex Israel hosanna in excelsis

Pueri Hebraeorum portantes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Occurrunt turbae cum floribus et palmis redemptori obviam et victori triumphanti digna dant obsequia filium dei orientem praedicant et in laude Christi voces tonant per nubila hosanna

Ipsi vero non cognoverunt vias meas quibus juravi in ira mea si introibunt in requiem meam

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quod appretiatum est ab eis

Inundaverunt aquae super caput meum dixi perii invocavi nomen tuum domine deus

Labia insurgentium et cogitationes eorum adversus me vide domine

Appropinquabat*

Non haberes in me potestatem nisi desuper datum tibi fuisset

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me

Domine vim patior responde pro me quia nescio quid dicam de inimicis meis

Dixerunt impii opprimamus virum justum quoniam contrarius est operibus nostris

Principes sacerdotum*

Potestatem habeo ponendi animam meam et iterum sumendi eam

Libera me de sanguinibus deus deus meus et exaltavit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero invano quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Pater si non potest hic calix transire nisi bibam illum fiat voluntas tua

Ancilla dicit Petro vere tu ex illis es nam et loquela tua manifestum te fecit

Cottidie apud vos eram in templo docens et non me tenuistis et ecce flagellatus ducitis ad crucifigendum

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Homo pacis meae in quo sperabam R. Qui edebat panes panes meos ampliavit adversus me supplantionem

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Pater noster qui es in caelis sanctificetur nomen tuum adveniat regnum

Tristis est anima mea usque ad mortem sustinete hic et vigilate mecum nunc videbitis turbam quae circumdabit me et vos fugam capietis et ego vadam immolari pro vobis

Vigilate et orate dicit dominus ut non intretis in tentationem

Unus ex discipulis meis tradet me hodie vae illi per quem trador ego melius illi erat si natus non fuisset

Qui intingit mecum manum in parapside hic me traditurus est in manus peccatoris

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitias iniquitatem in excelso locuti sunt

Exsurge domine et judica causam tuam

Eripe me domine ab homine malo R. A viro iniquo libera me

Eram quasi agnus innocens et ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et conteramus eum de terra viventium

Omnes inimici*

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Dormite jam et requiescite ecce appropinquabat qui me traditurus est

Facta est lingua iniquorum fraudulenta in ore ipsorum et loquebantur mendacium omnes in sanguine insidiati sunt virum justum venati sunt ad mortem ipse autem pacifica verba loquebatur ad eos

Omnes inimici*

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Acuerunt linguas suas sicut serpentes R. Venenum aspidum sub labiis eorum

Lavi pedes tuos fecite testem sacramenti mei paravi convivium manducasti panem meum et tu quare sine causa sitisti sanguinem meum

Homo pacis meae in quo sperabam qui edebat panes meos ampliavit adversus me supplantionem

Hoc corpus*

Justificeris domine in sermonibus tuis et vincas dum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse abstulit

Collocavit me in obscuro R. Sicut mortuos saeculi

Traditor autem dedit ei signum dicens quem osculatus fuero ipse est tenete eum

Christus factus est pro nobis oboediens usque ad mortem

Calicem salutaris accipiam et nomen domini invocabo

Cum his qui oderunt pacem eram pacificus dum loquebar illis impugnabant me gratis

Ab hominibus iniquis libera me domine

Considerabam a dexteris et videbam et non erat qui agnosceret me

De manu filiorum alienorum libera me domine

Accepto pane Judas tradidit dominus sicut promiserat principibus sacerdotum

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta mea R. Et super vestem meam miserunt sortem

O Juda qui dereliquisti consilium pacis et cum Judaeis consiliatus es triginta argenteis vendistis sanguinem nostrum et pacis osculum ferebas quam in pectore non habebas

Verax datur fallacibus pium flagellat impius

Jesum tradidit impius summis principibus sacerdotum et senioribus populi Petrus autem sequebatur a longe ut videret finem

Et ingressus Petrus in atrium principis sacerdotum sedens et exspectans

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in esca mea fel et in siti mea potaverunt me aceto

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt anima meam

Dederunt in escam meam fel R. Et in siti mea potaverunt me aceto

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Ait latro ad latronem nos quidem digna factis recipimus hic autem quid fecit

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere in lanceis suis vulneraverunt et concussa sunt omnia ossa mea ego autem aestimabam me tamquam mortuus super terram