Gaudendum nobis est quod Christus mediator dei et hominum de sanctissima virgine virginum natus nostri natura in suae divinitatis sublimaverat personam hunc prae omnibus amemus laudemus et glorificemus hoc saepe sub nectentes Maria Maria totius sanctitatis tu principalis gemma nos tibi humiliter servientes petimus ut ab hostis nequissimi mille millenis fraudibus defendas

Alleluia audivi quasi vocem magnam turbarum multarum in caelo dicentium alleluia laus et gloria et virtus deo nostro est quia vera et justa judicia ejus sunt alleluia et iterum dixerunt alleluia

Alleluia Judica judicium meum et redime me alleluia a calumniantibus me alleluia

Vide humilitatem meam et eripe me quia legem tuam non sum oblitus

Cantemus cuncti*

Vespertina oratio*

Hymnum cantate nobis alleluia de canticis Sion alleluia quomodo cantabimus canticum domini in terra aliena alleluia septuaginta annos super flumina Babylonis sedimus et flevimus dum recordaremur Sion alleluia ibi suspendimus organa nostra alleluia

Adoremus dominum qui fecit nos

In principio deus creavit caelum et terram et spiritus domini ferebatur super aquas et vidit deus cuncta quae fecerat et erant valde bona

Igitur perfecti sunt caeli et terra et omnis ornatus eorum

In principio fecit deus caelum et terram et creavit in ea hominem ad imaginem et similitudinem suam

Formavit igitur dominus hominem de limo terrae et inspiravit in faciem ejus spiraculum vitae

Formavit igitur dominus hominem de limo terrae et inspiravit in faciem ejus spiraculum vitae et factus est homo in animam viventem

In principio fecit deus caelum et terram et plasmavit in ea hominem

Igitur perfecti sunt caeli et terra et omnis ornatus eorum complevitque deus die septimo opus suum quod fecerat et requievit ab omni opere quod patrarat

Vidit deus cuncta quae fecerat et erant valde bona

Tulit ergo dominus hominem et posuit eum in paradisum voluptatis ut operaretur et custodiret illud

Formavit igitur dominus hominem de limo terrae et posuit eum in paradisum

Dixit dominus deus non est bonum esse hominem solum faciamus ei adjutorium simile sibi

Adae vero non inveniebatur adjutor similis ejus dixit quoque deus

Immisit dominus soporem in Adam et tulit unam de costis ejus et aedificavit costam quam tulerat dominus de Adam in mulierem et adduxit eam ad Adam ut videret quid vocaret eam et vocavit nomen ejus Virago quia de viro suo sumpta est

Hoc nunc os ex ossibus meis et caro de carne mea

Dixit dominus ad Adam ex ligno quod est in medio paradisi ne comedas in qua hora comederis morte morieris

Ex omni ligno paradisi comede de ligno autem scientiae boni et mali ne comedas

Conventione autem facta ex denario diurno misit eos dominus in vineam suam

Dum deambularet dominus in paradisum ad auram post meridiem clamavit et dixit Adam ubi es audivi domine vocem tuam et abscondi me

Domine audivi auditum tuum et timui

In sudore vultus tui vesceris pane tuo dixit dominus ad Adam cum operatus fueris terram non dabit fructus suos sed spinas et tribulos germinabit tibi

Pro eo quod oboedisti voci uxoris tuae plus quam meae maledicta terra in opere tuo

Ecce Adam quasi unus ex nobis factus est sciens bonum et malum videte ne forte sumat de ligno vitae et vivat in aeternum

Cherubim et flammeum gladium atque versatilem ad custodiendam viam ligni vitae

Ubi est Abel frater tuus dixit dominus ad Cain nescio domine numquid custos fratris mei sum ego et dixit ad eum quid fecisti ecce vox sanguinis fratris tui Abel clamat ad me de terra

Maledicta terra in opere tuo quae aperuit os suum et suscepit sanguinem fratris tui de manu tua

Miserere mei deus et a delicto meo munda me quia tibi soli peccavi

Confitebor tibi domine quoniam exaudisti me

Deus deus meus ad te de luce vigilo quia factus es adjutor meus

Benedictus es in firmamento caeli et laudabilis in saecula deus noster

Laudate dominum de caelis

Ego dixi domine miserere mei

Sana animam meam quia peccavi tibi

Simile est enim regnum caelorum homini patrifamilias qui exiit primo mane conducere operarios in vineam suam dicit dominus

Ite et vos in vineam meam et quod justum fuerit dabo vobis

Quid hic statis tota die otiosi responderunt et dixerunt nemo nos conduxit

Dixit paterfamilias operariis suis quid hic statis tota die otiosi at illi respondentes dixerunt quia nemo nos conduxit ite in vineam meam et quod justum fuerit dabo vobis

Circa undecimam vero horam exiit paterfamilias foras et invenit alios otiosos stantes et illis dixit ite et vos in vineam meam

Spes mea domine a juventute mea

In te confirmatus sum ex utero de ventre matris meae tu es meus protector

Cum autem sero factum esset dixit dominus vineae procuratori suo voca operarios et redde illis mercedem

Voca operarios et redde illis mercedem suam dicit dominus

Hi novissimi una hora fecerunt et pares illos nobis fecisti qui portavimus pondus diei et aestus

Dixit autem paterfamilias amice non facio tibi injuriam nonne ex denario convenisti mecum tolle quod tuum est et vade

Amice non facio tibi injuriam nonne ex denario convenisti mecum tolle quod tuum est et vade

Non licet mihi facere quod volo an oculus tuus nequam est quia ego bonus sum dicit dominus

Erunt primi novissimi et novissimi primi multi sunt enim vocati pauci vero electi dicit dominus

Sic erunt novissimi primi et primi novissimi multi enim sunt vocati pauci vero electi

Multi enim sunt vocati pauci vero electi dicit dominus

Formavit igitur*

Multi enim sunt vocati*

Plantaverat autem dominus deus paradisum voluptatis a principio in quo posuit hominem quem formaverunt

Jesus haec dicens clamabat qui habet aures audiendi audiat

Cum turba plurima conveniret et de civitatibus properarent ad Jesum dixit per similitudinem exiit qui seminat seminare semen suum

Exiit qui seminat seminare semen suum et dum seminat aliud cecidit in terram bonam et fecit fructum centuplum

Jesus haec dicens*

Semen cecidit in terram bonam et obtulit fructum in patientia

Semen cecidit in terram bonam et obtulit fructum aliud centesimum et aliud sexagesimum

Qui verbum dei retinet corde perfecto et optimo fructum afferunt in patientia

Vobis datum est nosse mysterium regni dei ceteris autem in parabolis dixit Jesus discipulis suis

Si vere fratres divites esse cupitis veras divitias amate

Si culmen veri honoris quaeritis ad illam caelestem patriam quantocius properate

Si gloriam dignitatum diligitis in illa superna angelorum curia adscribi festinate

Angelus domini*

Quod autem cecidit in terram bonam hi sunt qui in corde bono et optimo verbum dei retinent et fructum afferent in patientia

Adoremus deum quia ipse fecit nos

Quadraginta dies et noctes aperti sunt caeli et ex omni carne habentes spiritum vitae ingressi sunt in arcam et clausit a foris ostium dominus

Noe vero et uxor ejus filii ejus et uxores filiorum ejus

Ponam arcum meum in nubibus caeli dixit dominus ad Noe et recordabor foederis mei quod pepigi tecum

Cumque obduxero nubibus caelum apparebit arcus meus in nubibus

Per memetipsum juravi dicit dominus non adjiciam ultra aquas diluvii super terram pacti mei recordabor ut non perdam aquis diluvii omnem carnem

Ponam arcum meum in nubibus caeli et jurabo per dexteram meam

Aedificavit Noe altare domino offerrens super illud holocaustum odoratus est dominus odorem suavitatis et benedixit eis crescite et multiplicamini et replete terram

Ecce ego statuam pactum meum vobiscum et cum semine vestro post vos

Locutus est dominus ad Abraham dicens egredere de terra et de cognatione tua et veni in terram quam monstravero tibi et faciam te crescere in gentem magnam

Benedicens benedicam tibi et multiplicabo te

Dum staret Abraham ad radicem mambre vidit tres pueros descendentes per viam tres vidit et unum adoravit

Dixit dominus ad Abraham ecce Sara uxor tua pariet tibi filium et vocabis nomen ejus Isaac

Tentavit deus Abraham et dixit ad eum tolle filium tuum quem diligis Isaac et offerres illum ibi in holocaustum super unum montium qui dixero tibi

Immola deo sacrificium laudis et redde altissimo vota tua

Angelus domini vocavit Abraham dicens ne extendas manum tuam super puerum eo quod timeas dominum

Et benedicentur in te omnes tribus terrae

Miserere mei fili David quid vis faciam tibi domine ut videam

Vocavit angelus domini Abraham de caelo dicens benedicam tibi et multiplicabo te sicut stellas caeli

Et benedicentur in te omnes tribus terrae quia oboedisti voci meae

Deus domini mei Abraham dirige viam meas ut cum salute revertar in domum domini mei

Obsecro domine fac misericordiam cum servo tuo

Veni hodie ad fontem aquae et oravi dominum dicens domine deus Abraham tu prosperum fecisti desiderium meum

Igitur puella cui dixero da mihi aquam de hydria tua ut bibam et illa dixerit bibe domine et camelis tuis potum tribuam ipsa est enim quam praeparavit dominus filio domini mei

Caecus sedebat secus viam transeunte domino et exclamavit ad eum ait illi dominus quid vis ut faciam tibi rabboni ut videam lumen