Simon Bar Jona tu vocaberis cephas quod interpretatur Petrus janitor caeli pulsantibus aperis supra modum peccavimus omnes dimitte septuagies septies

Parce tuis ovibus quos raptor vexat iniquus

Tollite jugum*

Ecce ego*

Tollite jugum*

Non vos me elegistis*

Juravit dominus*

Isti sunt triumphatores*

Simile est regnum*

Diffusa est gratia*

Specie tua et pulchritudine*

Veni electa*

Vidi speciosam*

Jesu corona virginum*

Veni sponsa Christi*

Fulgebat in*

Gloriosa sanctissimi sollemnia Gregorii toto corde catholica suscipiat ecclesia cujus doctrina aurea per mundi splendet climata quam meritis et precibus Christo commendet quaesumus

Ad dominum vigiles cuncti convertite mentes Gregorium vigilem caeli qui vexit ad arcem

Gregorius ortus Romae senatorum sanguine fulsit mundo velut gemma auro superaddita dum praeclarior praeclaris hic accessit atavis

Lineam sui generis factis et dictis extulit bibens in pueritia quod ructuavit postea

Adhaerebat moralibus seniorum relatibus quos tenaci memoriae non cessabat committere

Gregorius ut creditur divinitus sic dicitur qui sibi et ecclesiae vigilavit catholicae

Studiis liberalibus nulli secundus habitus praetor urbanus exstitit adolescens spectabilis

Hic ab adolescentia divina fretus gratia anhelare non desiit ad regnum vitae perpetis

Justum deduxit*

Fulgebat in venerando duplex decus Gregorio senatoria dignitas secundum genus saeculi voluntaria paupertas juxta praeceptum domini

Beatus vir qui timet dominum in mandatis ejus cupit nimis

Mutato enim saeculari habitu beatus Gregorius monasterium petiit et ex hujus mundi naufragio nudus evasit

Qui ante serico et gemmis micantibus ornatus processit post vili tectus tegmine pauper ipse pauperibus ministravit

Videns Romae vir beatus Anglorum forte pueros bene inquit bene angli vultu nitent ait angeli oportet illis monstrari iter salutis aeternae

Quoniam domini est regnum et ipse dominabitur gentium

Dum oraret in obscuro servus dei latibulo lux immensa super eum resplenduit post triduum hoc signo cunctis proditus papa urbis efficitur

Quia misericordiam et veritatem diligit deus gratiam et gloriam dabit dominus

Sex struxit in Sicilia vir clarus monasteria et infra urbem septimum in quo se fecit monachum

His sane monasteriis praedia large tribuit reliqua tandem vendidit et egenis distribuit

Qui solebat in sericis procedere induviis post in abjectis vestibus servit pauper pauperibus

Defuncto itaque papa Pelagio beatum Gregorium totis viribus renitentem plebs omnis elegit

Quem apicem attentius fugere tentans fuge latibula praeparat

Tandem electus domini invenitur capitur trahitur consecratur ac papa urbis efficitur

Propter intolerabiles rerum curas mundanarum recusabat praesulatum suscipere Romanorum sed victus prece populi suscepit jugum domini

Nec fecit proximo suo malum et opprobrium non accepit adversus proximos suos

Hoc beato Gregorio gratia divina concessit ut merito ab angelorum populis debeat apostolus appellari quia ipsius gratiae adscribitur quod illorum ecclesia nova semper sobole fecundatur

Quousque enim mundus iste volvitur ejus laudabile meritum semper accipit incrementum

Orante beatissimo ad dominum Gregorio Sanata est plebs romana a peste inguinaria

Multum enim valet deprecatio justi assidua

Vere felicem praesulem verae fidei doctorem quo petente panis Christi formam accepit digiti ad firmandam plebis fidem versus incruentam carnem

A domino factum est istud et est mirabile in oculis nostris

Gloria patri et filio et spiritui sancto

Beatus Gregorius ab Anglorum populis apostolus est appellatus quia ipsius gratiae ascribitur quod illorum ecclesia nova semper sobole fecundatur

Beatissimus pontifex Gregorius postquam sedem romanae et apostolicae sedis ecclesiae gloriosissime rexit ex hac luce subtractus atque ad aeternam est regni sede translatus

Qui omni fere juventutis suae tempore crebris viscerum doloribus cruciabatur

Hodie praeclarissimus deo dignus episcopus et Anglorum apostolus a terrenis separatus conjunctus est caelestibus cum gloria Gregorius

Ecce vere Israelita in quo dolus non est

Gloria patri et filio et spiritui sancto

Sanctus papa Gregorius vir totus apostolicus postquam praesedit cathedrae pervigil apostolicae carne solutus hodie adivit regem gloriae

Innocens manibus et mundo corde qui non accepit in vano animam suam

O pastor apostolice Gregori beatissime tuo posce precamine incrementum ecclesiae tuo rigatae dogmate ac defensatae opere

Memor esto congregationis catholicae et dextera dei plantatae vineae

Gloria patri et filio et spiritui sancto

Gregorius vigiliis confectus et jejuniis etsi marcebat corpore ex spe vigebat animae

Lentis quidem sed jugibus hic aestuabat febribus Podagrae necnon syncopis pulsabatur incommodis

Caelesti cinctus verbere vir mirae innocentiae praesumebat se diligi quod merebatur argui

Bissenos nummos angelo hic dedit quasi naufrago huic scutellam argenteam quam sibi vidit reliquam

Virginum tria milia Romae pavit sub regula exceptis dei famulis longe vel prope positis

Christi fidelis famulus prudens quoque Gregorius post quam suo in tempore vixit ejus familiae caelo reddidit animam terrae carnis materiam

O Gregori dulcissimum sancti spiritus organum atque virtutum speculum posce nobis suffragium ut hoc possimus consequi quo te gaudemus perfrui

Exsultet omnium turba fidelium pro gloria almi patris Benedicti laetentur praecipue catervae monachorum celebrantes ejus festa in terris de cujus societate sancti congaudent in caelis

O laudanda sancti Benedicti merita gloriosa qui dum pro Christo patriam mundique sprevit pompam adeptus omnium contubernium beatorum et particeps factus praemiorum aeternorum

Inter choros confessorum splendidum possidet locum ubi ipsum fontem omnium intuetur bonorum

Gloria patri et filio et spiritui sancto

Christe fili Jesu*

Magna semper et praeclara deum decent praeconia cujus igne spernens mundum fulges in turba caelitum o confessor Benedicte vota servorum suscipe

Ut Christo celebri jubilemus laudes venite qui dedit aeternae Benedicto gaudia vitae

Benedictus tam nomine quam gratiarum munere e nursia progenitus claris fulsit parentibus

Hic ergo Romae traditus disciplinis scholaribus nil scire duxit commodum nisi crucis mysterium

Mundum suis cum floribus scienter sprevit nescius Jesuque ferens stigmata speluncae petit abdita

Sanctum Romanus habitum dans illi fert subsidium sed magister invidiae saevit in illum lapide

In specu sub quo latitat dei miles se cruciat sed rex mundi cui militat hunc sacerdotem visitat

Athleta dei gravibus poenis ardens exterius hostis in mente jacula igne restrinixit ignea

Florem mundi periturum despexit tamquam aridum ut floreat in aeternum Benedictus ante deum

Pennas sumens ut columbae recessit gaudens requie

Puer fletum subsecutae consolatus nutriculae vas ubi prece solidat fugit ne laude pereat

Elongatus a nutrice mansit in solitudine

Agnosce dei famule surrexit Christus hac die assunt quas misit epulae cujus amore percipe

Haec dies quam fecit deus in qua jubet exsultemus

Electo grex mortiferum patri ferebat poculum sed vir dei signo vitae vas rupit tamquam lapide

Intenderunt arcum suum ut perderent innoxium

Gloria patri et filio et spiritui sancto

Jam latius innotuit quasi lampas emicuit fit Benedictus celebris frequentatur a populis

Ejus ergo sub tramite multi dum certant vivere locis florent duodenis fulget ipse miraculis

Hic non impar Eliseo ciet ferrum de profundo sensus et corda perspicit praesens absentes arguit

Maurus verbo currens patris Petri fertur vestigiis super liquens elementum mersumque trahit Placidum

Favent cuncta Benedicto vas sponte manat oleo fugit vita spernit terra ejus privatum gratia

O quanta plenus gratia qui respectu rumpit vincula sedens curvat imperia Benedictus per saecula

Servus dei Benedictus stetit misertus illius qui clamitabat o meum o redde redde filium

Orans jacentem suscitat reddit patri qui clamitat

Benedictus quam devotas deo solvebat gratias ire videns ut columbam caelo sororis animam

Uterque duxit gaudia soror caelo hic in cella

Gloria patri et filio et spiritui sancto

O Israelita verus cor in deum dilatatus qui infra se angustatam vidit omnem creaturam