Data sunt ei incensa multa ut adoleret ea ante altare aureum quod est ante oculos domini

Ascendit fumus aromatum in conspectu domini de manu angeli

Angelus archangelus Michael dei nuntius de animabus justis alleluia alleluia

Adorate dominum*

Factum est silentium in caelo dum committeret bellum draco cum Michael archangelo et audita est vox milia milium dicentium salus honor et virtus omnipotenti deo

Milia milium ministrabant ei et decies milies centena milia assistebant ei

Stetit angelus juxta aram templi habens thuribulum aureum in manu sua et data sunt ei incensa multa et ascendit fumus aromatum de manu angeli in conspectu domini

In conspectu angelorum psallam tibi et adorabo ad templum sanctum tuum*

In conspectu gentium nolite metuere vos enim in cordibus vestris adorate et timete dominum angelus enim ejus vobiscum est

Stetit angelus juxta aram templi habens thuribulum aureum in manu sua et data sunt ei incensa multa

Vidi dominum sedentem*

Angelis suis deus mandavit de te ut custodiant te in omnibus viis tuis

Michael praepositus paradisi quem honorificant angelorum cives

Archangele Michael constitui te principem super omnes animas suscipiendas

Archangele dei Michael nuntius summi ora pro nobis in conspectu domini

Te sanctum dominum in excelsis laudant omnes angeli uno ore dicentes te decet hymnus deus

Gloriosus apparuisti in conspectu domini propterea decorem induit te dominus

Concussum est mare et contremuit terra ubi archangelus Michael descendebat de caelo

Angeli eorum semper vident faciem patris mei qui est in caelis

Benedicite domino omnes angeli*

In conspectu angelorum psallam tibi et adorabo ad templum sanctum tuum et confitebor nomini tuo domine

Super misericordia tua et veritate tua quoniam magnificasti super omne nomen sanctum tuum

Hic est Michael archangelus princeps militiae angelorum cujus honor praestat beneficia populorum et oratio perducit ad regna caelorum

Angeli archangeli throni et dominationes principatus et potestates virtutes caelorum

Venit Michael archangelus cum multitudine angelorum cui tradidit deus animas sanctorum ut perducat eas in paradisum exsultationis

Emitte domine spiritum tuum de caelo spiritum sapientiae et intellectus

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo dicens

Gloria patri et filio et spiritui sancto

Laudemus dominum quem laudant angeli quem cherubim et seraphim sanctus sanctus sanctus proclamant

Laudate deum omnes angeli ejus laudate eum omnes virtutes ejus

In conspectu angelorum psallam*

Numquid scis quare venerim ad te et nunc revertar ut proelier adversus principem Persarum contradicentem tuis precibus et meae legationi verumtamen Michael archangelus princeps vester erit adjutor meus

Daniel vir desideriorum intellege verba quae loquor ad te et sta in gradu tuo

Docebo te quae ventura sunt populo tuo in novissimis diebus et annuntiabo tibi quod expressum est in scriptura veritatis et nemo est adjutor meus in omnibus his nisi Michael archangelus princeps vester

Ex die qua posuisti cor tuum ad intellegendum ut te affligeres in conspectu domini propterea exaudita sunt verba tua et ego veni propter sermones tuos

In tempore illo consurget Michael qui stat pro filiis vestris et veniet tempus quale non fuit ex eo ex quo gentes esse coeperunt usque ad tempus illud

In tempore illo salvabitur populus tuus omnis qui scriptus fuerit in libro vitae

Fidelis sermo et omni acceptione dignus Michael archangelus qui pugnavit cum diabolo gratia dei ille victor in caelis exstitit et ille hostis antiquus patuit ruinae magnae

Gaudete angeli et exsultate archangeli de Michaele archangelo

Factum est silentium in caelo dum draco committeret bellum et Michael pugnavit cum eo et fecit victoriam alleluia

Dum committeret bellum draco cum Michael archangelo exaudita est vox milia milium dicentium salus deo nostro

Dum proeliaretur Michael archangelus cum dracone audita est vox dicentium salus deo nostro alleluia

Angeli domini dominum benedicite in aeternum

Angeli archangeli throni et dominationes principatus et potestates virtutes caelorum laudate dominum de caelis alleluia

Stetit angelus juxta aram templi

Habens thuribulum aureum in manu sua

Michael Gabriel cherubim et seraphim qui non cessant clamare cottidie dicentes dignus es domine accipere gloriam alleluia

Michael archangelus venit in adjutorium populo dei

Laudemus*

Angelus archangelus*

Archangele Michael*

Factum est silentium*

Dum committeret*

Dum proeliaretur*

Angeli archangeli*

Fidelis sermo*

Archangele Christi per gratiam quam meruisti deprecamur et per unigenitum dominum nostrum ut eripias nos de laqueo mortis alleluia

Michael Gabriel Raphael summi nuntii et omnes sancti angeli dei intercedite pro nobis in conspectu domini

Adest namque beati Dionysii sacratissima dies in qua triumphans agonem explevit et coronam martyrii accipere meruit de manu domini

Sanctus Dionysius qui tradente beato Clemente Petri apostole successore verbi divini semina gentibus parturienda susceperat

Quo amplius gentilitatis fervere cognovit errorem illic intrepidus et calore fidei flammatus accessit ac Parisius domino ducente pervenit

Non veritus incredulae gentis experiri feritatem quia virtutem suam praeteritarum poenarum recordatio roborabat

Ecclesia illisque necdum in locis erat et populus ille novam construxit ac officia servientium clericorum ex more constituit probatasque personas honore secundi ordinis ampliavit

Cinctus ergo fide et misericordiam anteponens paulatim sociabat deo quos diabolo subtrahebat

Tantas per illum dominus dignabatur exercere virtutes ut rebellium corda non minus miraculis quam praedicationibus obtineret

Tunc memorata civitas et conventu Germanorum et nobilitate pollebat quia esset salubris aere jucunda flumine fecunda terris arboribus nemorosa et vineis uberrima

Hunc ergo locum dei famulus elegit expetendum

Miroque modo inermi viro non valebat plebs armata resistere

Laetamini*

Clamaverunt*

Beati quos*

Hi sancti viri a beati Dionysii numquam sustinuerunt abesse praesentia quos in unum interrogatio percussoris invenit

Tali namque apud dominum meruerunt professione migrare ut amputatis capitibus adhuc putaretur lingua palpitans dominum confiteri

In hac ergo fidei constantia permanentes reddentes terrae corpora beatas caelo animas intulerunt

Beata nimium et deo nostro grata societas inter quos nec primus alter potuit esse nec tertius sed trinitatem confitentes trino meruerunt decorari martyrio

Eligunt tetris Sequanae profundisque gurgitibus martyrum corpora perdenda committere

In hoc ergo loco experiuntur infirmi quantum dei famulos conveniat honorari ubi recipit caecitas visum debilitas gressum et obstrictae aures recipere merentur auditum

Beatus Gallus cum*

Venerabilis Gallus diaconum qui omnes eremi semitas notas habebat aggressus quaesivit ab eo an umquam invenisset in solitudine locum humanis habitationibus opportunum desiderio inquiens animi ferventis exaestuo cupiens in solitudine dies ducere huic vitae concessos

Regem confessorum*

Parentes vero beati Galli filium suum primae aetatis flore nitentem cum oblatione domino offerrentes Columbani magisterio commendaverunt

Cumque bonae indolis vir caro nutriretur affectu magno virtutum crevit augmento et studiose divitias epotavit scripturae

Cum proficiscendi tempus instaret beatum Gallum febris invasit

Pedibus vero sui advolutus abbatis indicavit se infirmitate vehementi laborare et ideo propositum iter non posse perficere

O febrem omni laude colendam o languorem sanitati et gaudiis adscribendum

Pro nobis Gallus doluit ire cum magistro non potuit quia deus illum languores nostros sanare constituit

Justum deduxit dominus*

Parentes vero beati Galli filium suum primae aetatis flore nitentem cum oblatione domino offerrentes Columbani magisterio commendaverunt

Erant enim religiosi atque nobiles unde et filium suum

Beatus Gallus zelo pietatis armatus fana daemoniorum igni succendit et quaeque oblata invenit demersit in lacum

In conspectu omnium arripiens simulacra lapidibus ea in frusta confregit

Columbanus itaque beato Gallo id injunxit officii ut populum ab errore idolatriae revocaret quia ipse hanc a domino gratiam meruit ut latinae atque barbaricae locutionis notitiam non parvam haberet

Cum ad horam orationis venirent Gallus coepit populo viam veritatis ostendere

Athleta dei Gallus triduo jejunavit ut locum quem spiritali militiae providebat parsimoniae initiis consecraret

In oratione quoque pernoctavit ut quod divino inchoabat amore

Inter prandendum diaconus dixit si ursus adesset forsitan Gallus porrexisset illi benedictionem

Videntibus qui aderant viri dei jussione daemon exivit de ore puellae quasi avis nigerrima et horrore terribili

Coeperunt omnes clerici ad invicem dicere Gallus iste testimonium habet bonum ab omnibus hunc omnium virtutum sectatorem decet esse pastorem populorum

Sanctus pater respondit bene quidem dicunt utinam verum esset quod fatentur