Ecce carissimi dies illa judicii magna et terribilis instat praetereunt dies nostri et velociter advenit praeclarus adventus domini jam crebro nos hortatur et dicit priusquam ostium paradisi claudatur unusquisque vestrum cito properet ut introiens in aeternum cum domino regnet praeparate vosmetipsos ut videatis immortalem sponsum et possideatis regnum caelorum

Ecce mater nostra Jerusalem cum magno affectu clamat ad nos et dicit venite filii mei dilectissimi venite ad me

Missus est angelus Gabriel a deo in civitatem Nazareth ad virginem Mariam desponsatam Joseph et dixit ad eam spiritus sanctus superveniet in te et virtus altissimi obumbrabit tibi ideoque et quod nascetur ex te sanctum vocabitur filius dei dixit autem Maria ecce ancilla domini fiat mihi secundum verbum tuum alleluia

O Gabriel nuntius caelorum qui januis clausis ad me intrasti et verbum nuntiasti concipies et paries Emmanuel vocabitur

Vocabitur nomen ejus Emmanuel quod interpretatur nobiscum deus

Venite omnes exsultemus in conspectu domini quia prope est dies in quo natale ejus celebremus et in illa die mundo corde ad altare domini [perveniamus quia promittitur filius virginis per visitationem spiritus sancti o beata infantia per quem generis nostri vita est reparata quia tamquam sponsus de thalamo Mariae Christus processit ex utero o virgo super virgines benedicta sic paries filium ut in virginitate non patiaris detrimentum]

Lacuna

O virgo*

Vocabitur*

O mundi domina regio ex semine orta ex tuo jam Christus processit alvo tamquam sponsus de thalamo hic jacet in praesepio qui et sidera regit

Benedicat omnis caro carne natum virginis vagientem in praesepi quem adorant angeli ave pia mater virgo ave dulcis pusio salve noster o redemptor salva perpetuo

Dominus dixit ad me filius meus es tu ego hodie genui te

Quare fremuerunt gentes et populi meditati sunt inania

Gloria patri*

Kyrie eleyson

Gloria in excelsis deo quem cives caelestes sanctum clamantes laude frequentant et in terra pax hominibus bonae voluntatis quam ministri domini verbo incarnato terrenis promiserant laudamus te laudibus cujus astra matutina insistunt benedicimus te per quem omne sacrum et benedictio conceditur atque augetur adoramus te omnipotens adorande colende tremende venerande glorificamus te ut creatura creantem plasma plasmantem figulum figmentum gratias agimus tibi propter magnam gloriam tuam hymnum majestati gratias autem pietati ferentes domine deus rex caelestis quem quisquis adorat in spiritu et veritate oportet adorare deus pater omnipotens domine filii unigenite Jesu Christe domine deus agnus dei filius patris qui tollis peccata mundi miserere nobis qui tollis peccata mundi suscipe deprecationem nostram qui sedes ad dexteram patris miserere nobis quoniam tu solus sanctus tu solus dominus tu solus altissimus Jesu christe cum sancto spiritu in gloria dei patris amen

Tecum principium in die virtutis tuae in splendoribus sanctorum ex utero ante luciferum genui te

Dixit dominus domino meo sede a dextris meis donec ponam inimicos tuos scabellum pedum tuorum

Alleluia Per te dei genetrix nobis est vitam perdita data quae de caelo suscepisti prolem et mundo genuisti salvatorem

Nato canunt omnia domino pie agmina | Syllabatim pneumata perstingendo organica | Haec dies sacrata in qua nova sunt gaudia mundo plene dedita | Hac nocte praecelsa intonuit et gloria in voce angelica | Fulserunt et immania nocte media pastoribus lumina | Dum fovent sua pecora subito diva praecipiunt monita | Natus alma virgine qui extat ante saecula | Est immensa in caelo gloria pax et in terra | Sic ergo caeli caterva altissimae jubila | Et tanto canore tremat alta poli machina | Sonent et per omnia hac in die gloria voce clara reddita | Humana concrepent cuncta natum deum et terra | Confracta sunt imperia hostis crudelissima | Pax in terra reddita nunc laetentur omnia nati per exordia | Solus qui tuetur omnia | Solus qui condidit omnia | Ipse sua pietate solvat omnia peccata nostra

Laetentur caeli et exsultet terra ante faciem domini quoniam venit

In splendoribus sanctorum ex utero ante luciferum genui te

Lumen clarum rite fulget ortu magno siderum quod per totum fugat orbem umbras noctis aeditas | Christo nato regi magno totus orbis gaudeat | Dux de Juda quem prophetae olim praedixerunt quem Gabriel nuntiavit salvatorem gentium | Nunc regali virgo mater partu gaudens aedidit laetus nobis ecce venit Bethleem natus inclytus

Jam fulget oriens jam praecurrunt signa jam prope est dies jam venit dominus illuminare nos alleluia

Hodie natus est salvator noster Jesus Christus exspectatio gentium vita credentium resurrectio mortuorum natus ergo deus de patre homo de matre de patre sine tempore de matre sine semine qui de spiritu sancto conceptus fecunditatis munus contulit virgini et natus virginitatis decus non abstulit matri alleluia

Verbum caro factum est et habitavit in nobis cujus gloriam vidimus quasi unigeniti a patre plenum gratiae et veritatis

O mundi domina*

Genuit puerpera regem cui nomen aeternum et gaudium matris habens cum virginitate pudoris nec primam similem visa est nec habere sequentem alleluia

Sancte dei pretiose protomartyr Stephane qui virtute caritatis circumfultus undique dominum pro inimico exorasti populo funde preces pro devoto tibi nunc collegio

Ut tuo propitiatus interventu dominus nos purgatos a peccatis jungat caeli civibus

Apparuit caro suo Joanni dominus cum discipulis suis et dixit ei veni dilecte mi ad me quia tempus est ut epuleris in convivio meo cum fratribus tuis

Cumque complesset apostolus cursum vitae praesentis in senectute bona apparuit ei salvator mundi et dixit ad eum

O quam gloriosum est regnum in quo cum Christo regnant innocentes amicti stolis albis agnum sequuntur quocumque ierit

Beata civitas Jerusalem caelestis in quo cum Christo innocentes in perpetuis mansionibus felices laetantur

Benedicat*

Genuit *

Jacet granum oppressum palea justus caesus pravorum framea caelum domo commutans lutea

Cadit custos vitis in vinea dux in castris cultor in area

Descendit de caelis deus verus a patre genitus introivit in uterum virginis nobis ut appareret visibilis indutus carne humana protoparentis Adae et exivit per clausam portam conditor caelorum et universe fabricae mundi

Tamquam sponsus dominus procedens de thalamo suo

Hodie natus*

Verbum caro*

O mundi domina*

Genuit puerpera*

Hodie nobis beata illuxit sollemnitas trinitatis fide compta lucis luce lucida in qua trina munda mira panduntur mysteria

Hodie enim de caelo stella Christo prodidit cujus dictu colunt magi regem in cunabulis deum hominemque donis comprobantur mysticis

Hodie filius dei noscitur in homine auditur pater in voce in nati baptismate apparet spiritus sanctus in columbae specie

Hodie quas Christus aquas baptismo sanctificat nuptiis in vinum versas sapore nobilitat quo primo signo ipsius panditur potentia

Caeli aperti sunt super eum et vox facta est de caelo dicens hic est filius meus dilectus in quo mihi complacuit

Tria sunt munera pretiosa quae obtulerunt magi domino in die ista et habent in se divina mysteria in auro ut ostendatur regis potentia in thure sacerdotem magnum considera et in myrrham dominicam sepulturam

Salutis nostrae auctorem magi venerati sunt in cunabulis et de thesauris suis mysticas ei munerum species obtulerunt

Hodie caelestis sponso juncta est ecclesia quoniam in Jordane lavit Christus ejus crimina currunt cum muneribus magi ad regales nuptias et ex aqua facto vino laetantur convivae alleluia

Laetare virgo Maria de te flos pulcher processit qui odore replet caelos fructus qui pascit angelos de cujus nube lux lucet talem nec ante caelum genuit nec post terra parturit habes ergo quo laeteris de te Christus natus est creator astrorum exspectatio gentium alleluia alleluia

O beata infantia per quam nostri generis reparata est salus o gratissimi delectabilesque vagitus per quos aeternos ploratus evasimus o felices panni quibus peccatorum sordes extersae sunt o praesepe splendidum in quo non solum jacuit foenum animalium sed cibus inventus est angelorum alleluia

O mundi*

Genuit puerpera*

O Maria Jesse virga caeli regina maris stella plenitudo temporis ecce jam venit jam prolem aeterni fructus protulisti ergo precamur o domina ut qui te meruimus confiteri Christi matrem sentiamus te piam et singularis meriti hunc nobis tu facias placabilem et dies istos tuae sanctae virginitatis partui dicatos bene nobis ipse propter te o benignissima disponat quo temporalis sollemnitas nos ad aeternam enutriat laetitiam alleluia

O mundi*

Genuit puerpera*

Laetare mater speciosae prolis laetare virgo gloriosae matris mater et virgo Christo desponsata ecclesiae plebs docens et edocta fonte baptismatis spiritu renata gaude virtute oppressis veniunt dies exsultationis et te surgenti redemptori tuo te castitatis vestibus ornato

O mundi*

Genuit*

Dexteram meam et collum meum cinxit lapidibus pretiosis tradidit auribus meis inaestimabiles margaritas et circumdedit me vernantibus atque coruscantibus gemmis

Posuit signum in faciem meam ut nullum praeter eum amatorem amictam

O mundi*

Genuit*

Pretiosus martyr Vincentius jussu tyranni ad lectum defertur novus denuo suppliciis subdendus mox ergo Christi testis invictus in stratu mollitiae depositus pretiosa in morte resolutus reddidit caelo spiritum

Datiano frustra cogitante de supplicio benignus deus pius disponit de praemio

O mundi*

Genuit*

Magnus sanctus Paulus vas electionis vere digne est glorificandus qui et meruit thronum duodecimum possidere

A Christo de caelo vocatus et in terram prostratus ex persecutore effectus es vas electionis

Gaude gaude gaude Maria virgo cunctas haereses sola interemisti quae Gabrielis archangelis dictis credidisti dum virgo deum et hominem genuisti et post partum virgo inviolata permansisti

Hodie beata virgo Maria puerum Jesum praesentavit in templo et Simeon repletus spiritu sancto accepit eum in ulnas suas et benedixit deum in aeternum

Venit lumen tuum Jerusalem et gloria domini super te orta est et ambulabunt gentes in lumine tuo alleluia

Obtulerunt pro eo domino par turturum aut duos pullos columbarum

Lumen ad revelationem gentium et gloriam plebis tuae Israel

Nunc dimittis servum tuum domine secundum verbum tuum in pace

Quia viderunt oculi mei salutare tuum

Quod parasti ante faciem omnium populorum

Ave gratia plena dei genetrix virgo ex te enim ortus est sol justitiae illuminans quae in tenebris sunt laetare tu senior juste suscipiens in ulnas liberatorem animarum nostrarum tonantem nobis et resurrectionem

Suscepimus deus misericordiam tuam*

Videte miraculum matris domini concepit virgo virilis ignara consortii stans honerata nobili honere Maria et matrem se laetam cognoscit quae se nescit uxorem

Virgo concepit et virgo peperit et post partum virgo permansit

Adorna thalamum tuum Sion et suscipe Christum regem amplectere Maria qui es caelestis porta ipsa enim portat regem gloriae novo lumine subsistit virgo adducens in manibus filium ante luciferum quem accipiens Simeon in ulnas suas praedicavit populis dominum eum esse vitae et mortis et salvatorem mundi

Responsum accepit Simeon a spiritu sancto non visurum se mortem nisi videret Christum domini et cum inducerent puerum in templum accepit eum in ulnas suas et benedixit deum et dixit nunc dimittis domine servum tuum in pace

Accipiens puerum in manibus R. Gratias agens benedixit dominum

Cum inducerent puerum Iesum parentes ejus accepit eum Symeon in ulnas suas et benedixit deum dicens nunc dimittis domine servum tuum in pace

Videte miraculum*

Cum inducerent puerum*

Regnum mundi*

Ipse me coronavit qui per apostolum Petrum in custodia me confortabat pro eo quod jussa sum suspendi in equuleo propter fidem castitatis adjuva me domine deus meus in tortura mamillarum mearum

Ipse me dignus est ab omni plaga curare et mamillam meam meo pectore restituere

Miles christi gloriose*

O princeps apostolorum o piscator hominum quem vocavit Christus Petrum o magnum mysterium solve nexus et catenas nostrorum peccaminum

Quod ligandi et solvendi possides imperium

Miles Chisti*

Sancte Iwige

A progenie*

Sancta Maria succurre*