Stans a longe publicanus nolebat oculos ad caelum levare sed percutiebat pectus suum dicens deus propitius esto mihi peccatori

Omnis qui se exaltat humiliabitur et qui se humiliat exaltabitur dicit dominus

Quanto eis praecipiebat tanto magis plus praedicabant et eo amplius admirabantur dicentes bene omnia fecit surdos fecit audire et mutos loqui

Bene omnia fecit surdos fecit audire et mutos loqui

Homo quidam descendebat ab Jerusalem in Jericho et incidit in latrones qui etiam despoliaverunt eum et plagis impositis abierunt semivivo relicto

Quis tibi videtur proximus fuisse illi qui incidit in latrones et ait ille qui fecit misericordiam in illum vade et tu fac similiter alleluia

Dum ingrederetur Jesus quoddam castellum occurrerunt ei decem viri leprosi qui steterunt a longe et levaverunt vocem dicentes Jesu praeceptor miserere nostri

Unus autem ex illis ut vidit quia mundatus est regressus est cum magna voce magnificans deum alleluia

Nonne decem mundati sunt et novem ubi sunt non est inventus qui rediret et daret gloriam deo nisi hic alienigena vade quia fides tua te salvum fecit alleluia

Nolite solliciti esse dicentes quid manducabimus aut quid bibemus scit enim pater vester caelestis quid vobis necesse sit alleluia

Quaerite autem primum regnum dei et justitiam ejus et haec omnia adicientur vobis alleluia