Vidi speciosam sicut columbam ascendentem desuper rivos aquarum cujus inaestimabilis odor erat nimis in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Veni electa mea et ponam in te thronum meum quia concupivit rex speciem tuam

Specie tua et pulchritudine tua intende prospere procede et regna

Scande thronum prolis pia virgo puerpera solis plaude recepta choro caelo modulante sonoro

Imperat ubi Jesus filius et deus tuus

Gloria patri et filio et spiritui sancto

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Sicut dies verni circumdabant eam flores rosarum et lilia convallium

Veni in hortum meum soror mea sponsa messui myrrham meam cum aromatibus meis

Comedi favum cum melle meo bibi vinum meum cum lacte meo