Ostende mihi faciem tuam soror mea sponsa facies tua decora

Sonet vox tua in auribus meis sponsa mea vox enim tua mihi dulcissima

Hortus conclusus amica mea et hortus conclusus fons signatus

Quae est ista quae ascendit de deserto deliciis affluens circumdata floribus rosarum et liliis convallium

Sicut myrrha*

Ista est speciosa inter filias Jerusalem sicut vidistis eam plenam caritate et dilectione in cubilibus et in hortis aromatum

Ista est quae ascendit de deserto deliciis affluens

Ornatam monilibus filiam Jerusalem dominus concupivit et videntes eam filiae Sion beatissimam praedicaverunt dicentes unguentum effusum nomen tuum

Astitit regina a dextris tuis in vestitu deaurato circumdata varietate

Beatam me dicent omnes generationes quia fecit mihi dominus magna quia potens est et sanctum nomen ejus

Magnificat anima mea dominum et exsultavit spiritus meus in deo salutari meo

O decus virginitatis virgo Maria sola mater innupta virgo ante partum virgo in partu virgo post partum mater Christi templum dei domini sponsa mundi domina et caeli regina

Salve stella maris memor esto quibus memoraris

Gloria patri et filio et spiritui sancto

Descendi in hortum nucum ut viderem poma convallium et inspicerem si floruissent vineae et germinassent mala punica revertere revertere Sunamitis revertere revertere ut intueamur te