Quinimo perpetuum eis largiris triumphum ut ecclesiae tuae semper sint in exemplum

Beatissimus Dionysius Christi martyr tradente beato Clemente eroganda gentibus semina divina suscepit et quo amplius gentilitatis errorem fervere cognovit illuc intrepidus et virtute fidei armatus accessit

Et Parisius domino ducente pervenit non veritus incredulae gentis expetere feritatem

Dum sacrum mysterium sanctus Dionysius celebraret in carcere apparuit ei dominus Jesus Christus cum multitudine angelorum Dansque illi sancta dixit accipe hoc care meus quod mox complebo tibi una cum patre meo

Mecum enim est maxima merces tua et his qui audierint te salus in regno meo

Miroque modo inermi viro non valebat plebs armata resistere

Dum sacrum mysterium beatus Dionysius celebraret in carcere apparuit ei cum multitudine angelorum dominus Jesus Christus

Dansque illi sancta dixit accipe hoc care meus quod mox complebo tibi una cum patre meo

Mecum enim est maxima merces tua et his qui audierint te salus in regno meo

Nunc facies fortiter et memoria tua erit in laude ac semper pro quibuscumque petieris impetrabis