Ad hanc vocem Christi martyres Dionysius Rusticus et Eleutherius in agonia roborati post nimia tormenta gloriosum martyrium compleverunt

Mecum est maxima merces tua et his qui audierint te salus in regno meo nunc facies fortiter et erit nomen tuum in laude

Dilectio et benignitas quam habes semper pro quibuscumque petierit impetrabit

Tantas per illum dominus dignabatur exercere virtutes ut rebellium corda non minus miraculis quam praedicationibus obtineret

In quo lux caelestis gratiae ineffabiliter radiabat

Adest namque beati Dionysii sacratissima dies in qua triumphans agonem explevit et coronam victoriae accipere meruit de manu domini

Quem dominus post apostolos sic honoravit ut omnem Galliam ejus apostolatu insigniret quique eam suo sanguine consecravit

Vir inclytus Dionysius martyr domini pretiosus succensus igne divini amoris constanter sustinuit supplicia passionis et per immanitatem tormentorum pervenit ad societatem angelorum