Christus resurgens ex mortuis jam non moritur mors illi ultra non dominabitur quod enim vivit vivit deo alleluia alleluia

Dicant nunc Judaei quomodo milites custodientes sepulcrum perdiderunt regem ad lapidis positionem quare non servabant petram justitiae aut sepultum reddant aut resurgentem adorent nobiscum dicentes

Cum esset sero die illo una sabbatorum et fores essent clausae ubi erant discipuli congregati stetit Jesus in medio et dixit eis pax vobis alleluia

Gaudete justi in domino alleluia rectos decet collaudatio alleluia alleluia

In memoria aeterna erunt justi ab auditione mala non timebunt

Gloria patri et filio et spiritui sancto alleluia

O crux gloriosa o crux adoranda o lignum pretiosum et admirabile signum per quod et diabolus est victus et mundus Christi sanguine redemptus

Veni sancte spiritus reple tuorum corda fidelium et tui amoris in eis ignem accende qui per diversitatem linguarum cunctarum gentes in unitatem fidei congregasti alleluia alleluia

Apparuerunt apostolis dispertitae linguae tamquam ignis seditque supra singulos eorum spiritus sanctus alleluia

Spiritus sanctus procedens a throno apostolorum pectora invisibiliter penetravit alleluia

Amen amen dico vobis qui non intrat per ostium in ovile ovium sed ascendit aliunde ille fur est et latro qui autem intrat per ostium pastor est ovium alleluia

Advenit ignis divinus non comburens sed illuminans non consumens sed lucens et invenit corda discipulorum receptacula munda et tribuens eis charismatum dona alleluia alleluia

Et invenit eos concordes caritate et collustravit eos inundans trinitatis divinitas

Spiritus domini replevit orbem terrarum et hoc quod continet omnia scientiam habet vocis alleluia alleluia

Omnium enim est artifex omnem habet virtutem omnia prospiciens

Loquebantur variis linguis apostoli magnalia dei alleluia prout spiritus sanctus dabat eloqui illis alleluia

Repleti sunt omnes spiritu sancto et coeperunt loqui

Isti sunt duae olivae et duo candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt

Haec est vera fraternitas quae numquam potvit violari certamine qui effuso sanguine secuti sunt dominum contemnentes aulam regiam pervenerunt ad regna caelestia

Simon Bar Jona tu vocaberis cephas quod interpretatur Petrus janitor caeli pulsantibus aperi supra modum peccavimus omnes dimitte septuagies septies

Parce tuis ovibus quas vexat raptor iniquus

Angelus domini astitit et lumen refulsit in habitaculo carceris percussoque latere Petri excitavit eum dicens surge velociter et ceciderunt catenae de manibus ejus

O gloriosum lumen omnium ecclesiarum sole splendidius o vere apostolicum sidus altissimi sancte Paule qui aeterni regis splendorem tenebris gentium infudisti qui in terra positus caelorum secreta petisti et quae non licet homini loqui pervidisti illuc supplices tuos post hujus carnis terminum perducere dignare quos fecisti veritatis lumen agnoscere

Eia cuncti venite Christum regem adorate qui de lupo fecit agnum cum de Saulo fecit Paulum

Saulus adhuc persecutor ecclesie a Christo non est permissus uti sua pessima voluntate sed prostratus est ut excetaretur excetatus ut mutaretur mutatus ut mitteretur missus ut qualia fecit in errore talia pateretur pro veritate

Audistis enim conversationem meam aliquando in Iudaismo quoniam supra modum persequebar ecclesiam dei et expugnabam illam et proficiebam supra multos coetaneos meos in genere meo abundantius emulator existens paternarum mearum traditionum

Conspicit in caelis mens prudens Ezechielis quattuor obscuris animalia stare figuris prima leonina facies sed deutra bovina trita hominem ostentans aquilam tetrarda retentans ex his theoloi celebrantes festa Matthaei Christo dulcisonas resonemus carminis odas

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo dicens

Gloria patri et filio et spiritui sancto*

Consurgat quaesumus domine Michael archangelus in tempore hoc qui stet pro filiis populi sui contra furorem draconis infesti o Michael militiae caelestis signifer in adjutorium nostrum veni princeps ac propugnator noster

Angelorum regi deo jubilemus pariter Michaelem venerantes primatem sollemniter

Visita quaesumus domine habitationem istam et omnes insidias inimici ab ea longe repelle

Benedic domine domum istam et omnes habitantes in ea

Gloria patri et filio et spiritui sancto*

Benedic domine domum istam et omnes habitantes in illa sitque in ea sanitas humilitas sanctitas castitas virtus victoria fides spes et caritas benignitas temperantia patientia spiritualis disciplina et oboedientia per infinita saecula

Gloria patri et filio et spiritui sancto

Conserva domine in ea timentes te pusillos cum majoribus

Gloria patri et filio et spiritui sancto*

Terribilis est locus iste non est hic aliud nisi domus dei et porta caeli vere etenim dominus est in loco isto et ego nesciebam

Vidit Jacob in somnis scalam summitas ejus caelos tangebat et angelos dei descendentes et ascendentes per eam ait

Gloria patri et filio et spiritui sancto*

Salvator mundi salva nos omnes sancta dei genetrix virgo semper Maria ora pro nobis precibus apostolorum martyrumque omnium et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur

Domine deus noster cujus gratia beatus Martinus tres mortuos resuscitavit concede propitius ut per ejus interventum a morte animae resuscitari mereamur

Adoremus regem saeculorum in quo vivit Martinus gemma sacerdotum

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largientem

Isti sunt viri sancti quos elegit dominus in caritate non ficta et dedit illis gloriam sempiternam quorum doctrina fulget ecclesia ut sol et luna alleluia

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua propter deum ad supplicia et meruerunt habere coronas perpetuas

Gloria patri et filio et spiritui sancto*

Tradiderunt corpora sua ad supplicia propter dominum

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo exsultant sine fine

Secus decursus aquarum plantavit viam justorum sed in lege domini fuit voluntas eorum

Praedicantes praeceptum domini constituti sunt in monte sancto ejus

Filii hominum scitote quia dominus sanctos suos mirificavit

Scuto bonae voluntatis tuae coronasti eos domine

In universa terra gloria et honore coronasti eos

Habitabunt in tabernaculo tuo requiescent in monte sancto tuo

Justi autem in perpetuum vivent*

Sanctis qui in terra sunt ejus mirificavit omnes voluntates meas inter illios

Haec est generatio quaerentium dominum quaerentium faciem dei Jacob

Laetamini in domino et exsultate justi

Clamaverunt justi et dominus exaudivit eos

Beati quos elegisti domine habitabunt in atriis tuis

Vindica domine sanctorum tuorum qui effusus est

Laetamini in domino*

Coronavit eos dominus corona justitiae quia passi sunt pro domino et sequuntur agnum

Amaverunt Christum in vita sua imitati sunt eum in morte sua

Beati estis sancti dei omnes qui meruistis consortes fieri caelestium virtutum et perfrui aeternae claritatis gloria ideoque precamur ut memores nostri intercedere dignemini pro nobis ad dominum deum nostrum

Gaudete et exsultate quoniam nomina vestra scripta sunt in caelis

Justum deduxit dominus per vias rectas et ostendit illi regnum dei et dedit illi scientiam sanctorum honestavit illum in laboribus et complevit labores illius

Immortalis est enim memoria illius quia et apud deum nota est et apud homines

Gloria patri et filio et spiritui sancto*

Servus meus es tu quia in te complacuit animae meae ingredere jam in locum exsultationis et laetitiae sodalium tuorum

Pro eo quod rogasti me exaudivi te

Gloria patri et filio et spiritui sancto*

Hic est vere martyr qui pro Christi nomine sanguinem suum fudit qui minas judicium non timuit nec terrenae dignitatis gloriam quaesivit sed ad caelestia regna feliciter pervenit

Justum deduxit dominus per vias rectas et ostendit illi regnum dei et dedit illi scientiam sanctorum honestavit illum in laboribus et complevit labores illius

Iste homo ab adolescentia sua partem meruit infirmos curare dedit illi dominus claritatem magnam caecos illuminare et daemones effugare

Sint lumbi vestri praecincti et lucernae ardentes in manibus vestris et vos similes hominibus exspectantibus dominum suum quando revertatur a nuptiis

Vigilate ergo quia nescitis qua hora dominus vester venturus sit

Gloria patri et filio et spiritui sancto*

Regnum mundi et omnem ornatum saeculi contempsi propter amorem domini mei Jesu Christi quem vidi quem amavi in quem credidi quem dilexi

Eructavit cor meum verbum bonum dico ego opera mea regi

Gloria patri et filio et spiritui sancto*

Prudentes virgines aptate lampades vestras ecce sponsus venit exite obviam ei

Media autem nocte clamor factus est

Gloria patri et filio et spiritui sancto*

Planxit autem David planctu magno super Saul et Jonathan filium ejus et dixit quomodo ceciderunt fortes in bello et interierunt arma bellica

Montes Gelboe nec ros nec pluvia super vos descendat

Exaudisti domine*

Domine qui custodis pactum et misericordiam servis tuis qui ambulant coram te in toto corde suo

Domine si conversus*

Si peccaverit in te populus tuus et conversus egerit paenitentiam veniensque oraverit in loco isto

Tu domine universorum qui nullam habes indigentiam voluisti templum tuum fieri in nobis conserva domum istam immaculatam in aeternum domine

Summae trinitati simplici deo una divinitas aequalis gloria coaeterna majestas patri prolique sanctoque pneumati qui totum subdit suis orbem legibus

Praestet nobis gratiam deitas beata patris ac nati pariterque spiritus almi

Justorum animae in manu dei sunt et non tanget illos tormentum malitiae

Visi sunt oculis insipientium mori illi autem sunt in pace