Gloria patri et filio et spiritui sancto

Gloria patri et filio et spiritui sancto

Sancta Maria Magdalena quae Christum a morte resurgentem prima mortalium videre meruisti te supplices exoramus ut ipsum pro nobis rogare digneris quo ejus quam elegisti optimae partis nos facias esse participes

Laudemus opus dei in Maria genetrice sed virgine laudemus in Maria peccatrice sed paenitente Maria haec est data speculum innocentiae Maria haec est exemplum paenitentiae

Ut confiteamur nomini sancto tuo deus et gloriemur in laude tua

Gloria patri et filio et spiritui sancto

Fidelis sermo et omni acceptione dignus quia Christus Jesus venit in hunc mundum peccatores salvos facere et qui nasci dignatus est de Maria virgine tangi non dedignatus est de Maria peccatrice haec est illa Maria cui dimissa sunt peccata multa quia dilexit multum haec est illa Maria quae resurgentem a mortuis prima omnium videre meruit dominum nostrum Jesum Christum quem pro nostris reatibus oret quaesumus in aeternum

Ploremus coram domino cum Maria ut veniam mereamur cum illa

Dum discubuisset in domo Simonis dominus Jesus mundi gloria mulier secum quae erat peccatrix nardi odorifera exhibuit unguenta

Secus pedes domini stans incessanter crine soluto diva vestigia osculatur lacrimis plena

Irrigabat igitur dominicos Jesu pedes fracto quoque alabastro praecipuis odoribus fragrabat domus omnis atque capillorum officio detergebat

Cum venisset Maria ubi erat Jesus videns eum cecidit ad pedes ejus

Sicut peccatorum veniam sic fratri suo obtinuit vitam

O felix hujus peccatricis mulieris conditio quae o quantum medicum pectoris recepit hospitio et reis sperandae praebuit fiduciam veniae

Illud complens propheticum quia hostia deo spiritus contritus

Laudemus*

Simon autem intra se inquit hic si esset propheta sciret profecto quae et qualis esset quae tetigit eum quia peccatrix est

Et conversus dominus postquam veni in domum tuam non cessat crine fuso haec meos osculari pedes

Quoniam multum dilexeras dimissa scito tibi peccamina et fide quia polles sacra in pace remitto fundamenta

Accepit Maria libram unguenti nardi pistici pretiosi et unxit pedes Jesu et capillis suis extersit

Stans retro ut peccatrix secus pedes domini hos lacrimis osculando rigavit

Consideravit Maria quid fecit et noluit moderari quid faceret non jussa venit et inter epulas lacrimas obtulit

Quo dolore ardet que flere et inter epulas non erubescit

Armilla perforata est Leviathan maxilla per cujus foramen subtracta es o Maria adjuva ergo nos ut qui in illam incidimus peccando te imitantes valeamus subtrahi paenitendo

Divina misericordia te interveniente non solum nos in ore Leviathan irae prohibeat sed ab ore etiam redire concedat

Gloria patri et filio et spiritui sancto

Satagebat igitur Martha soror Mariae Magdalenae circa ministerium quae sedens secus pedes domini audiebat verba oris ejus

Non est Martha inquit tibi curae quod soror mea me reliquit solam ministrare jube illi ut me adjuvet

Et respondens dixit illi dominus unum extat certe necesse haec optimam sibi partem elegit quae non auferetur

Accessit ad pedes Jesu peccatrix mulier Maria et osculata est et lavit lacrimis et tersit capillis et unxit unguento

Dimissa sunt ei peccata multa quoniam dilexit multum

Venite videamus opera misericordiae dei consideremus cum Maria quid fecerimus ad pedes Jesu cum Magdalena defleamus ad fontem veniae festinemus ingredi cum peccatrice ut lavari mereamur cum paenitente

Domine apud te est fons vitae et in lumine tuo videbimus lumen

Flavit auster et fugavit aquilonem quando lavit cor Mariae paenitentis imber sancti spiritus liquefecit et refecit resolutam in lamentis verbum missum caelitus

Fluminis impetus civitatem dei laetificat

Gloria patri et filio et spiritui sancto

Ubicumque praedicatum fuerit evangelium istud in universo mundo dicetur et quod haec fecit in memoriam ejus

Mittens haec unguentum hoc in corpus meum ad sepeliendum me fecit

Conversus est dominus ad Simonem et dixit intravi in domum tuam aquam pedibus meis non dedisti haec mulier non cessavit lacrimis rigare pedes meos

Tanto namque amplius peccati rubigo consumitur quanto peccatoris cor magno caritatis igne concrematur

Quid peccatoribus laetius vel justis quid sperandum est securius non de dignatur dominus tangi peccatricis manibus atque rigari fletibus

Maria pio conjuncta Jesu osculando pedes ipsius et pie rigando tersit crimina sua

Maria ergo unxit pedes Jesu et extersit capillis suis et domus impleta est ex odore unguenti

O mundi lampas et margarita praefulgida quae resurrectionem Christi nuntiando apostolorum apostola fieri meruisti Maria Magdalena semper pia exoratrix pro nobis adsis ad deum qui te elegit

Quid peccatoribus*

Sancta Maria*

Iste homo*

Congaudendum est claritati tuae Christi confessor inclyte cui cum fratre clarissimo Joanne dum desideras conregnare pretiosum ejus calicem delegisti bibere o beate Jacobe tuae consortes gloriae fac nos sancta intercessione

Quanta refulsit*

Veneremur Christum regem quo Jacobus jam perennem promeruit regni sedem

Ut caelestis firmamenti intonuit vox Jacobi dum gloriam narrat dei

Laudabitur in domino qui Philetum dei verbo resoluit magi vinculo

Quod a deo constitutus princeps terrae sit Jacobus Hermogenes sensit magus

Fulget sole splendidius inter primates Jacobus qui in carne reverendam Christi viderunt gloriam

Tres prae cunctis sunt electi quorum felices oculi

Dum tropaeum salvatoris praedicaret synagogis ars magorum fit obvia qui docebant contraria

Quos revincens per spiritum convertit hos ad dominum

Ab Josia fune vinctus ad Herodem est perductus dum bibere jam felicem Christi sitiret calicem

Qui ut Judaeis placuit hunc decollari statuit

Gloria patri et filio et spiritui sancto

Gloriosus princeps iste deo conjunctus Abrahae triumphato gaudet hoste

Hereditatem tu deus per Jacobum credentibus dedisti in caelestibus

Intellexit dei facta et quae de nati gloria intonuit vox paterna

Ducebatur apostolus ad victimam sicut agnus cum videns paralyticum fert oranti remedium

Fide plenus et merito spe gaudebat in domino

Admirans Christi gratiam Josias poscit veniam clamans o sancte Jacobe fac me Christum agnoscere

Fundens preces cum lacrimis ad pedes ejus procidit

Quanta refulsit gratia per Jacobum in Josia os ejus pugnis caeditur quia Christum confitetur

Dignus ergo cum Jacobo adjudicatur gladio

Gloria patri et filio et spiritui sancto

Ipsius namque merita sunt a deo exaltata peccatorum fronte trita

Per Jacobum in Judaea lux effulsit fidei orta rectis corde laetitia

Christo cujus mente tota servavit testimonia jam corregnat in saecula

Jam addictum secum poenae dum Jacobus lavat fonte Christi firmat et in fide hoc triumphat comitante

Dans osculum illi pacis signansque caput martyris

O caritas admiranda qua ferves Christi victima dum hosti poscis veniam regnique tecum gloriam

Nunc ergo gregem adjuva qua praecellis clementia

Insignis athleta dei Jacobus salutare Christi poculum quod par amor sitiebat fratrum dum bibere meruit primus ad desideratam regni sedem conscendit torque et purpura decoratus

Nos prece ducat eo quo gaudens ipse tropaeo

Gloria patri et filio et spiritui sancto

Auctori celebres pangat pia contio laudes alternique chori Jacobi famulentur honori

Hujus in ecclesia micat ut sol plenaque luna vita fides meritum vitus doctrina tropaeum

Ad Christi vocem cum navi retia patrem et mundo si quid possederat omne reliquit

Dum facies Christe tua splenduit adfuit iste astitit et cellae qua reddita vita puellae

Sacra voce tonans Jacobus signisque coruscans filius est tonitrus digne cum fratre vocatus

Jam signis et virtutibus hostem supplantat Jacobus dum pro te fuso sanguine tecum regnat Jesu Christe nos ipsius per merita tua fac dignos gratia

Gloriosa splendet orbi beati fides Jacobi pro qua caesus ab Herode regnum scandit ad caeleste

Gaude mater et exsulta o felix ecclesia dies adest qua exculta ad caeli palatia angelorum cetu fulta dei transit avia ora clemens ut indulta nostra sint peccamina quamvis magna licet multa tuae preci cedunt cuncta comprecante filia

O Anna felix annue ut festa recolentes tuae dulcis memoriae te videant gaudentes

O plena dies gaudio in qua de mundi medio matris dei armarium Anna spes turbe pauperum gaudium nepotis intravit nunc pleno plaudit jubilo nunc claro videt oculo lumen indeficiens Jesum summe reficiens quae gremio gestavit

Magorum praesentia Agrippina gaude summi regis gloria psalle regum laude

Gentium primitiae confessores Christi tempore infantiae primi fiunt isti

Lingua dicti patria hi sunt magu sei illustrati gratia luminis fidei

Fidi fidis mentibus dominum adorant tribus cum muneribus parvulum honorant

Aurum regi offerunt deum signant thure humanati offerunt myrrham sepulturae

Fidelium primitiae regis cultores gloriae reges orientis lucis latores gratiae luce virtutum patriae lucent occidentis

Per tria tres dona regnant cum rege corona

Gloria patri et filio et spiritui sancto

Reges Tharsis et insulae munera offerunt

O magi magnifici fide vita inclyti viri virtuosi regni cives caelici regi Christo placiti reges gloriosi plebi date supplici gratiam paracliti donis gratiosi