Salve sancta parens*

Diffusa est gratia in labiis tuis

O felix Anna ditavit te deus dote bona beatam te dicent omnes mulieres quinimo quique fideles

Omnis sanctorum contio

Gaude beata Anna genetrix virginis praeclarissimae Mariae quae tantum donum accipis ut matres omnes alias prolis honore prae eas

Diem festum Annae sanctae celebrans cum gloria militans cum triumphante jubilat ecclesia

Manum suam Anna misit ad fortia et digiti ejus apprehenderunt fusum

Manum suam aperuit inopi et palmas suas extendit ad pauperem

Fortitudo et decor indumentum ejus et ridebit in die novissimo

Diffusa est gratia in labiis tuis

Anna florens clara prosapia juxta nomen abundans gratia generavit reginam virginum quae cunctorum portavit dominum

Clara quidem caelesti titulo stellam maris produxit saeculo

O pia matrona caelesti digna corona femina virtutis pete nobis dona salutis

Salve cara dei rutilans plus luce diei

Te felix domina sublimat filia trina prima deum caeli genuit credens Gabrieli

Sex aliae natos genuerunt hosque beatos

Gloria patri et filio et spiritui sancto

Os suum aperuit sapientiae et lex clementiae in lingua ejus

Consideravit semitas domus suae et panem otiosa non comedit

Date ei de fructu manuum suarum et laudent eam in portis opera ejus

Specie tua et pulchritudine tua

O mater Anna nobilis oliva pulchra fertilis alto fructu fecunda beata cujus ubera suxit virgo puerpera ab omni labe munda

Anna mater egregia conserva dei gratia a morte nos secunda

Anna floret ut lilium in summi regis curia thronum adepta regium cum immortali gloria inter matronas rutilans ut sol mundum illiminans

Jam cum sanctis gaudet in patria summi boni fruens praesentia

Stirps Aaron sanctam cum stirpe David dedit Annam quam genus et mores commendant claraque proles

Prodiit ex Anna vas portans nobile manna

Gloria patri et filio et spiritui sancto

Ego quasi terebinthus extendi ramos meos et rami mei honoris et gratiae

Ego quasi vitis fructificavi suavitatem odoris et flores mei fructus honoris et honestatis

Olivam uberem pulchram fructiferam speciosam vocavit dominus nomen tuum

Adjuvabit eam deus vultu suo

Felix Anna cujus tres filiae sic praeventae sunt dono gratiae ut felices prae cunctis ceteris sint jam in liberis

Prima gignit regem gloriae sex sanctos precipuos aliae

Ave vitis fertilis vitae dans odorem palmes tuus nobilis sacrum tulit florem cujus sol fons luminis miratur decorem

Mater reginae virginum ora pro nobis dominum

Sicut sol oriens in mundo in altissimis dei et sicut luna perfecta in aetermun sic Annae sanctae species in ornamentum domus suae

Et velut aurora diluculo consurgens et lucerna splendens super candelabrum

Gloria patri et filio et spiritui sancto

Anna Christi thalamum intrans cum honore cinnamomum balsamum superat odore

Pulso mentis nubilo deterso merore conspicit cum jubilo regem in decore

Vigilans et sitiens haec quaesivit deum larga dona largiens sic invenit eum

Benedicant omnia deum qui dotavit Annam tali filia quae Jesum lactavit

Aulam caeli curiae Anna Jam ingressa laudat regem gloriae voce indefessa

Benedictus qui invisit nos sua clementia et ad caelos jam transmisit Annam cum laetitia cujus sacris det precibus pacem nostris temporibus et veniam erratibus

O radix viva mirae pietatis oliva ex qua cunctorum processit origo bonorum tu nos Anna pia benedic cum prole Maria

O rosa vernalis virtutum consita malis virginis eximie radix sincera Mariae plaudis in aethereis o felix Anna choreis

O sacrosanctum*

Beatus vir Laurentius*

Confitebor*

Laurentius bonum opus*

Conscendat*

Beatus Laurentius*

Annua beatae Helenae sollemnia votivis laudibus excipiamus ut ejus meritis et intercessione a malis nostris sublevemur

O myrrha*

Diffusa est gratia in labiis tuis

O gloriosa regina quae in terreno honore piorum operum magnitudine et circa ecclesiam Christi operosa devotione claruit unde cum Christo gloriosior regnat in caelis

Adoremus regem regum qui reginam in caelis glorificavit Helenam

Ingenuis orta natalibus beata Helena ut luna inter sidera sic in genere suo claruit

Sollemnia beatae Helenae mater ecclesiae laeto honore suscipiat cujus pio ministerio plurimum exaltata est in terris cujus consortio ipsa laetatur in caelis

Dominus dilexit decorem domus tuae et locum habitationis gloriae tuae

Digna matrona ut caelestem gratiam et miraculorum magnitudinem in beato silvestro vidit Christo credidit et baptismi gratiam percepit

Induit eam dominus stola justitiae et ornavit eam

O myrrha et potens dei clementia ad conversionem gloriosae reginae hominum quinque milia personaliter ibi baptizati sunt

Admirabile est domine nomen tuum in universa terra

Gloria patri et filio et spiritui sancto

Vere beata mater quam deus filio imperatore christiani nominis praecipuo cultore honoravit

Gentem Treverorum post conversionem ad idolatriae relapsam errorem per beatum agritium ad fidem et Christi gratiam revocavit

Gratia dei semper erat in illa et gratia ejus in ea vacua non fuit

A fundamento per orbem plurimas sanctorum martyrum ecclesias sublimavit et facultatibus suis copiose honoravit

Concupivit anima ejus in atria domini cor ejus et caro exsulta verunt in deum vivum

Mulier fortis manum misit ad fortia Jerusalem perrexit lignum domini cum diligenter requisivit feliciter invenit

Non enim gloriari voluit nisi in cruce domini nostri Jesu Christi

Gloria patri et filio et spiritui sancto

Digna deo matrona ita usum terreni honoris habuit quod ad gloriam caelestium pervenire meruit

Venerabili regina et filio ejus imperatore Constantino adnitente generalibus conciliis celebriter conones sunt traditi et sinodali sententia fides roborata est

Ut cognoscamus domine in terra viam tuam in omnibus gentibus salutare tuum

Vere beata mater cujus filius christiane religioni devotus sedem Romanam et plurima imperialis dignitatis insignia beato Petro delegavit

Dedit in celebrationibus decus et ornavit tempora sua

O gloriosa terrarum regina caelorum regis sponsa cujus ope et salubri studio gens indorum et biberorum armeniorumque conversa fidem christianam suscepit

Laudate dominum omnes gentes et collaudate eum omnes populi

Gloria patri et filio et spiritui sancto

Astitit regina a dextris tuis in vestitu deaurato

Beata Helena ut virtutum miraculorum in beato Silvestro vidit in deum et Christum ejus credidit

Abjectis itaque imperialibus humiliata est et salutare baptismi sacramentum suscepit

Accepta a filio potestate et copia per orbem plurimas sanctorum fundavit ecclesias

Inter plurima suae devotionis opera ligni dominici inventrix fieri meruit

Imperiali majestate ignem Judaeis minata est et prodente Juda ad locum absconditae crucis pervenit

Astitit regina a dextris tuis in vestitu deaurato

O quam digne veneranda est beata Helena cujus anima exsultantibus angelis recepta est in caelis et memoria miraculis insigniis celebris est in terris

Imperiali*

Factor orbis et omnium in orbe subsistentium dirige clemens mentium vota tibi psallentium

Cujus misericordia salvari volens omnia sibi decoram vernulam praedestinavit Helenam

Cujus sollicitudine passionis dominice lignum tectum requiritur quaesitumque retegitur

Haec circa ministerium ceu Martha frequens martyrum a fundamentis editas decoravit ecclesias

Ipsius per te precibus justificari poscimus ut post carnis exuvias caelum nobis aperias

Trino et individuo cunctipotenti domino regnanti sine termino sit laus et jubilatio

Diffusa est gratia in labiis tuis

Grata deo laudabilis hominibus beata Helena quae et Marthae officium strenue gessit et nunc Mariae optimam partem habet quae non auferetur ab ea

Descendi*