O lux sanctorum sidus rex Christe magorum lucem caelorum da nobis luce magorum

O spes et pax omnium lumen Christe gentium gloria magorum post hoc carnis spatium dona nobis gaudium meritis sanctorum

Plebs fidelis hominum jubilans in laudibus regi psallat gloriae quem adorant dominum magi cum muneribus fidei primitiae

Prophetavit Balaam stellam orituram ex Jacob et Abraham lucem dare puram

Montis scandunt culmina quidam viri gentis exspectantes lumina primi orientis

Suis in temporibus signum dari credunt et defunctis patribus filii succedunt

Reges Tharsis et insulae munera offerent

Stella magis apparuit magos locuta docuit vere viam lucis Judaeam ire monuit forma parvuli claruit signum habens crucis

Visio caelestis dignae monstratur honestis

Fidem magi concipiunt dona reges accipiunt tres exoriente iter juris arripiunt Jerusalem veniunt stella praecedente

Christum quaerentes credunt in lumine gentes

Lux stellae prius habita a magis est abscondita urbe in helia Christi origio inclyta scribis clarescit inclyta teste prophetia

Gens fidei crescit misere Judaea tabescit

Gloria patri et filio et spiritui sancto

Jerusalem exeunt visa magi luce et Bethlehem adeunt summo ducti duce

Stellae stante radio supra domum nati magno gaudent gaudio taliter juvati

In domo inveniunt puerum cum matre quem regnare praesciunt caelitus cum patre

Omnis terra adoret te deus et psallat tibi

Procidentes humiliter magi pie fideliter dominum adorant aurum thus myrrham pariter offerentes subtiliter parvulum honorant

Aurum regi deo thus fertur myrrha tropheo

Biennio pergentibus profectis inquirentibus Christum magis tribus sumptis in peris sumptibus non deficit sumentibus potus neque cibus

Vera fide sanis dat vitae prandia panis

Herodis ob malitiam viam pergunt per aliam angelo monente revertentes in patriam Christi enarrant gloriam sua coram gente

Divinas leges firmant per saecula reges

Gloria patri et filio et spiritui sancto

Donum sancti spiritus post triumphum Christi viventes divinitus consequuntur isti

A Thoma baptismate spiritu renati adjutores dogmate plebi fiunt grati

Orientis patria studens in divinis magorum justitia fulget in doctrinis

Omnes gentes quascumque fecisti

Thomae dono apostoli salutis testes symboli Christum praedicantes patres cunctis benevoli ab hostis dolo sub doli liberant errantes

Effulgent signis victis virtute malignis

Decurso aevi spatio caelesti digni praemio vita comprobati relicto mundi stadio sanctorum sancti gaudio gaudent coronati

Victuri Christo regno tolluntur ab isto

O patriarchae gentium prophetae magi omnium fidei doctores apostoli fidelium martyres per obsequium Christi confessores virgines voto mentium plebem ferte credentium regni ad decores

Patres regales primates pontificales sanctis aequales nos pascite spirituales

Gloria patri et filio et spiriui sancto sicut erat in principio

Confessores domini collaudentur primi praesentati lumini gloriae sublimi

Vivunt in caelestibus saeculo defuncti culti a fidelibus tumulo conjuncti

Fidem firmant populis patria delati signis et miraculis deo decorati

Regna lustrant varia gentium salute illustrantes omnia caelicum virtute

Laudans omnis spiritus dominum de caelis nos post nostros exitus regum jungat melis

Omnes de Saba venient R. Aurum et thus deferentes*

Illuminator gentium in tenebris sedentium deus lux magorum illuminator omnium in magis te laudantium luce meritorum ut post carnis excidium pacis des nobis gaudium gloriam sanctorum

Veri Christi milites magi et antistites populi lucernae nos per vitae limites ducite ad caelites lucis aeternae

O patriarchae*

Sancti magorum spiritus exultant deo caelitus regno claritatis primi colentes primitus natum mundo humanitus regem majestatis poenis exutos penitus nos regnare divinitus faciat beatis

Regali natus de stirpe deoque probatus Carolus illicitae sprevit contagia vitae

Angelici cultus dulcedine miles adultus dum sublimatur caelesti pane cibatur

Sacros effectus virtutis Caesar adeptus humani fastus populares respuit astus

Justitiae parma fidei securus ad arma mentibus infestum superavit criminis aestum

Nec mundi terror nec avarus muneris error fregerunt mentem Christi mandata sequentem

Te secutus miles iste et acceptus tibi Christe comparatus eliseo opus egit dignum deo

Qui dum orat languor cedit mors fugatur vita redit

Gloria patri et filio et spiritui sancto

O spes afflictis timor hostibus hostia victis regula virtutis juris via forma salutis Carole servorum pia suscipe vota tuorum

Rex confessor justititae pelle noctem perfidiae tuis fulti suffragiis eruamur ab impiis ne daemonis illusio sit soporis abusio

Supplex exora dominum devotio pura qui quem dilexit Carolum super aethera vexit

Juxta sanctarum rivos plantatus aquarum Carolus in florem vernum produxit odorem

Visio monstrata regi de rege beata consonat emerite Christo sine crimine vite

Qui Constantino veniens habitu peregrino reddidit utrumque regnum gentisque suumque

Francorum gemma Carolus puer gerens cor senile sortis humanae sciolus gessit nihil puerile mundum spernit opes cavit sequens Christum quem amavit

Divinae legis amplectens justitiam litavit deo se placentem hostiam

Tota poscente Francia et applaudente curia sceptro regni decoratur et prae cunctis exaltatur quem deus regia dignatur gloria

Vitiorum triumphator in agone consecratur imperator a leone

Saecularis potentiae Caesar fretus gladio sic legis et justiciae cucurrit in stadio ut salutis et gloriae potiretur bravio

Agonizans viriliter cuncta gessit fideliter

Gloria patri et filio et spiritui sancto

Martyrii signum renovatur in arbore lignum usibus aptatum belli ferroque dicatum

Quam bonus et fortis quam sanctus in aggere mortis hic fuit hastatum nemus indicat inde creatum

Quos Christus donat merito quos poena coronat effigie sacra perhibent inventa sepulcra

Fusa prece mentis bonae muri ruunt pampilonae spreto cultu infelici victor victi sunt amici

Leone fortior sed agno mitior hostes Christo regenerat baptismo

De petrarum duritia siccis elementis aquarum fluentia viris produxit et jumentis imperator mitissimus et fidei propugnator sanctissimus

Qui Moysi oraculo templum non urentem vidit ignem in tabernaculo caelos tangentem

Divino clypei super urbem sole rubentes absterrent hostes conversa caede furentes

Et totidem juvenes arcent amenibus ignes

Gloria patri et filio et spiritui sancto

Aethereum rorem lignum concepit odorem dans contra morem produxit laurea florem

Cujus odor late longe diffusus et alte egris divine tulit auxilium medicine

Dum praesul plorat plebs psallit clerus adorat ad sacra rex tendit chirotheca relicta pependit

O quam felicis imperatorem memoriae o virum virtutis et plenum gratiae quem ales in solitudinae solatur humano faminae qui sanctam urbem recensuit et patriarcham restituit

Inter multa Constantini donaria divine mortis elegit supplicia

Laetare pia mater aquensis ecclesia exulta tam sancti principis habere suffragia qui sua regali munificencia te dicavit et beavit in gloria

Cujus labore impensa et opere meruisti universas precellerae

Gloriose Christi confessor Carole juris rector et protector justitiae ad te clamantium exaudi preces et vota tuorum

Ut post hujus vitae dispendia tecum perenni fruamur gloria

Gloria patri et filio et spiritui sancto

Praecinctus fortitudine et potitus victoria donatur sanctitudine rex Carolus in gloria

Jubilemus altissimo in athleta sanctissimo cui missa per spiritum cerva duxit exercitum

In deserto dum devias et disponis excubias tibi deus apparuit ales fidem exhibuit

Passionis dominicae veneratur miracula regem virtutis caelice benedixit in saecula

In cithara et tympano laudes dicamus domino qui culpae misit regie chartam latricem veniae

Sol defectu luna tenebris fuscato mundi lumine terra motu caelum latebris aer horrendo turbine pandunt luctus casum funebris confuso rerum ordine

Dissolutus in corpore gaudet cum Christo vivere Christi confessor Carolus cujus caeli consortio nos commendet oratio

O rex orbis*

O dei sacer athleta Carole o saxeae gentis apostole o vere confessor obsequio virgo votis martyr studio qui quem virtute potentis dexterae praedicasti mentibus sacrilegis paraclitum inspirasti mediante sancto Aegidio sanctionis dominicae mysterio tibi caelitus per angelum collatam implora nobis peccatorum veniam

Solve jubente deo terrarum Petre catenas qui facis ut pateant caelestia regna beatis

Petre amas*

Angelus domini astitit et lumen refulsit in habitaculo carceris percussoque latere Petri excitavit eum dicens surge velociter et ceciderunt catenae de manibus ejus

Regem regum adoremus dominum qui in caelo et in terra primum sancto dono dedit Petro jus ligandi atque solvendi