Solve jubente deo terrarum Petre catenas qui facis ut pateant caelestia regna beatis

Simon Petre*

Si diligis*

Tu es Petrus*

Tu es pastor ovium princeps apostolorum tibi traditae sunt claves regni caelorum

Tu es pastor*

Quem dicunt*

Ego pro te*

Quodcumque ligaveris super terram erit ligatum et in caelis et quodcumque solveris super terram erit solutum et in caelis dicit dominus Simoni Petro

Solve jubente deo terrarum Petre catenas qui facis ut pateant caelestia regna beatis

Quodcumque ligaveris super terram erit ligatum et in caelis et quodcumque solveris super terram erit solutum et in caelis

Qui regni claves et curam tradidit ovilis qui caeli terraeque Petro commisit habenas ut reseret clausis et solvat vincla ligatis

Significavit dominus petro qua morte clarificaturus esset deum

Petre amas*

Petre amas me*

Angelus domini*

Juravit*

Jam bone*

Petrus ad se reversus dixit nunc scio vere quia misit dominus angelum suum et eripuit me de manu Herodis et de omni exspectatione plebis Judaeorum

Iste cognovit*

Sancte Stephane protomartyr electe dei supernis dignissime et terrigenis ineffabiliter gloriose precipue nobis servulis tuis cujus nos patrocinio ubique tueri credimus et prostrati corde suppliciter petimus ut impetrata divina clementia per tua sanctissima merita valeamus in tuo servitio persistere semper devoti et a cunctis hostibus tua protectione mereamur permanere illaesi alleluia

Isti sunt sancti*

Ostendit sanctus Gamaliel per visum Luciano sacerdoti tres calathos aureos rosis refertos et quartum argenteum croco plenum et dixit hi sunt nostri loculi et nostrae reliquiae hic autem sanguineas habens rosas loculus est sancti Stephani qui solus ex nobis martyrio meruit coronari

Summum venerantes bonum adoremus deum cujus participationis dono beatus Stephanus incorruptibili redimitus laetatur bravio

Luciano venerabili presbytero quiescenti in stratu suo de revelatione sanctarum reliquiarum protomartyris Stephani talis divinitus ostensa est visio

Cum adhuc pene vigilaret vir venerandus tamquam in excessu mentis repente est effectus

Vidit igitur assistere sibi virum aetate senem statura procerum vultu decorum

Beatus Gamaliel doctoris gentium Pauli quondam didasculus apparuit Christi sacerdoti Luciano in vestitu candido amictus pallio et virgam manu gestabat auream

Calciatus caligis in superficie deauratis quasi deambulans coram eo

Igitur dissimulata deambulatione venit ad eum et virga quam manu tenebat tetigit eum vocans eum tertio Luciane Luciane Luciane surge

Cui sacerdos respondit quis es domine at ille dixit ad eum

Vade Luciane et dic Joanni episcopo Jerusalemitano usquequo clausi sumus usquequo non aperis nobis tuis etenim temporibus revelandi sumus

Aperi nobis velociter ut per nos ostium misericordiae suae humano generi aperiat deus

Gloria patri et filio et spiritui sancto

Vir dei Gamaliel ait Luciano non mei solummodo causa sollicitus sum sed potius pro eis qui mecum sunt

Isti etenim maximo digni sunt honore venerari in terris quos in caelo rex regum immensa cumulavit gloria

Cum ergo sint apud deum meritis excelsi apud homines loco tenetur humili

Lucianus presbyter dixit domine tu quis es aut qui sunt tecum at ille ego sum Gamaliel Pauli quondam doctor apostoli qui autem juxta me quiescit ipse est dominus Stephanus

Qui a Judaeis Jerusalem lapidatus ad lacerandum bestiis et avibus est positus per dei providentiam permansit intactus

Dum scirem ego Gamaliel sanctitatem Christi athletae Stephani et fidem ejus ac devotionem credens me in resurrectione partem habiturum cum eo feci eum sepeliri in monumento meo novo

Auditor domini Nicodemus ibidem sepultus est et Abibas filius meus mecum est repositus ubi jacet beatus Stephanus

Sacerdos dei Lucianus prostravit se in orationem laudans deum et dicens domine Jesu Christe si est haec visio ex te praesta ut iterum et tertio manifestetur mihi

Ut confisus fiducialiter annuntiem revelationem servorum tuorum

In jejuniis et orationibus constituto apparuit iterum sanctus Gamaliel Luciano presbytero dicens quare dissimulasti frater et non retulisti quae dicta sunt tibi Joanni episcopo

Nonne vides quanta sit siccitas et tribulatio in toto mundo et tu negligenter agis

Surge ergo et vade dic Joanni episcopo ut aperiat nobis et faciat locum orationis ut per nostram intercessionem misereatur dominus populo suo

Sanctus Gamaliel per visum dixit Luciano diligenter animadverte quae dico et statim deposuit coram eo tres calathos aureos et quartum argenteum plenum croco

Et unus de tribus calathis rubentes habebat rosas tamquam sanguinem alii vero duo referti erant rosis albis

Vides o frater Luciane hos calathos hic rosas habens pulcherrimas loculus est pretiosi martyris Stephani qui solus ex nobis martyrio meruit coronari

Introgressus ostium sepulcri invenies eum in parte orientali

Sanctus Joannes episcopus lacrimatus prae gaudio benedixit deum et dixit ad Lucianum presbyterum oportet me inde transferre beatum protomartyrem Stephanum qui tamquam angelus apparuit positus in contione hominum

Qui primus apud Judaeos dominica bella peregit et Jesum a dexteris virtutis dei stantem videre promeruit

Gloria patri et filio et spiritui sancto

Regressus Lucianus presbyter a sancto Joanne episcopo jussit ut consurgerent omnes diluculo et foderent in acervo illo ubi putabat esse corpora sanctorum

Apparuit sanctus Gamaliel quidam monacho nomine Migetio innocenti et simplici viro dicens ad eum vade et dic Luciano in vanum laboras in acervo illo non ibi sumus modo

Ibi olim positi fuimus exsequiarum tempore planctus nunc quaere nos in illo loco qui dicitur bonorum virorum possessio

Audiens ergo Lucianus verba monachi Migetii benedixit dominum quia inventus est et alius testis in revelatione sanctorum

Cum inventum esset sacratissimum beati Stephani corpus statim terraemotus factus est magnus atque omnes qui aderant odor perfudit suavissimus

Ex odoris mira fragrantia sanitas aegrotis emanavit maxima septuaginta namque et tres tunc a variis languoribus curati sunt homines in inventione corporis Stephani dilecti sui martyris deum benedicentes

Hodie sanctus Joannes pontifex cum maximo cleri plebisque tripudio pretiosi protomartyris Stephani reliquias in sanctam transtulit ecclesiam Sion ubi quondam archidiaconi functus est officio cujus pia apud deum sit pro nobis quaesumus intercessio

Veni electa mea et ponam in te thronum meum quia concupivit rex speciem tuam

Regnum mundi*

Sancto de semine orta sacrosancta Walburgis a primaevo juventutis flore bone indolis domino servire coepit laeto fortis animo et caelestibus concupivit interesse thalamis

Beata Walburgis Christi virgo triumphat coronata in caelis

Intuens in caelum beata virgo vidit gloriam sibi paratam et sanctissimam animam domino consignavit

Pretiosa et optima dei margarita Walburgis virgo admirabilis conversatione benigno animo et moribus omnibus sobria affectu decora placuit deo et hominibus

Intuens*

Jesu corona*

Simile est regnum*

Hic est vere martyr*

Gaudent in caelis*

Isti sunt sancti*

Sanctum est verum*

Fulgebunt*

Rex gloriose*

Sanctum est verum*

Gaudent in caelis*

O sacrosanctum sancti Laurentii tropaeum qui in ignem missus ustus est ne ureretur duplici flamma et foris in corpore et intus flagrat in mente

Confitebor tibi domine rex et collaudabo te quoniam liberasti me a pressura flammae quae circumdedit me et in medio ignis non sum aestuatus

Venite adoremus regem regum qui beatum hodie coronavit Laurentium

Quo progrederis sine filio pater quo sacerdos sancte sine ministro properas

Beatus Laurentius dixit

Noli me derelinquere pater sancte quia thesauros tuos jam expendi quos tradidisti mihi

Quid in me ergo displicuit tibi pater

Non ego te desero fili neque derelinquo sed majora tibi debentur pro fide Christi certamina

Beatus Sixtus dixit

Levita Laurentius bonum opus operatus est qui per signum crucis caecos illuminavit et thesauros ecclesiae dedit pauperibus

Dispersit dedit pauperibus justitia ejus manet in saeculum saeculi

Puer meus noli timere quia ego tecum sum dicit dominus dum transieris per ignem flamma non nocebit te et odor ignis non erit in te

Liberabo te de manu pessimorum et eruam te de manu fortium

Quo progrederis sine filio pater quo sacerdos sancte sine diacono properas tu numquam sine ministro sacrificium offerre consueveras

Quid in me ergo displicuit tibi pater numquid degenerem probasti experire certe utrum idoneum ministrum elegeris cui commisisti dominici corporis et sanguinis consecrationem

Gloria patri et filio et spiritui sancto

Beatus Laurentius dixit domine Jesu Christe deus de deo miserere mei servi tui

Quia accusatus non negavi nomen sanctum tuum interrogatus te Christe confessus sum

Dixit Romanus ad beatum Laurentium video in te hominem pulcherrimum festina me baptizare

Afferens autem urceum cum aqua misit se ad pedes ejus

Beatus Laurentius dixit mea nox obscurum non habet sed omnia in luce clarescunt

Quia ipse dominus novit quod accusatus non negavi nomen sanctum ejus

Strinxerunt corporis membra posita in craticula subjicientibus prunas insultat levita Christi beate Laurenti martyr Christi intercede pro nobis