Noli esse mihi domine*

Synagoga populorum circumdederunt me et non reddidi retribuentibus mihi mala consumetur domine nequitia peccatorum et diriges justum

Tu autem domine susceptor meus es gloria mea et exaltans caput meum

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Tanto tempore vobiscum eram docens vos in templo et non me tenuistis modo flagellatum ducitis ad crucifigendum

Simon dormis non potuisti una hora vigilare mecum

Ingressus Pilatus cum Jesu in praetorium tunc ait illi tu es rex Judaeorum respondit tu dicis quia rex sum exivit ergo Jesus praetorio portans coronam et vestem purpuream et cum indutus fuisset exclamaverunt omnes crucifigatur quia filium dei se fecit

Tunc ait illis Pilatus regem vestrum crucifigam responderunt pontifices regem non habemus nisi Caesarem

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Zelus domus tuae comedit me

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis

Tristis est anima mea usque ad mortem sustinete hic et vigilate mecum nunc videbitis turbam quae circumdat me vos fugam capietis et ego vadam immolari pro vobis

Vigilate et orate dicit dominus

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse tulit et infirmitates nostras ipse portavit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Deus meus eripe me*

Amicus meus osculi me tradidit signo quem osculatus fuero ipse est tenete eum hoc malum fecit signum qui per osculum adimplevit homicidium infelix praetermisit pretium sanguinis et in finem laqueo se suspendit

Melius illi erat si natus non fuisset

Judas mercator pessimus osculum petiit domino ille ut agnus innocens non negat Judae osculum denariorum numero Christum Judaeis tradidit

Melius illi fuerat si natus non fuisset

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intingit mecum manum in parapside hic me traditurus est in manus peccatorum

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Exsurge domine*

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Congregaverunt iniquitatem sibi et egrediebantur foras

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

Fiat mensa eorum coram ipsis in laqueum et in retributiones et in scandalum

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quam in pectore non habeas

Verax datur fallacibus pium flagellat impius

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Traditor autem dedit eis signum dicens quem osculatus fuero ipse est tenete eum

Kyrie eleison*

Qui prophetice prompsisti ero mors tua o mors

Domine miserere

Christus dominus factus est oboediens usque ad mortem

Kyrie eleison kyrie eleison

Qui passurus advenisti propter nos

Domine miserere*

Christus dominus factus*

Kyrie eleison kyrie eleison kyrie eleison

Qui expansis in cruce manibus traxisti omnia ad te saecula

Domine miserere

Christus dominus*

Rex Christe factor*

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Cenantibus autem accepit Jesus panem benedixit ac fregit dedit discipulis suis

Mandatum novum do vobis ut diligatis invicem sicut dilexi vos dicit dominus

Ante diem festum paschae sciens Jesus quia ejus hora venit ut transeat ex hoc mundo ad patrem et cena facta surrexit linteo praecinxit se misit aquam in pelvem coepit lavare pedes discipulorum venit ad Petrum dicit ei Simon non lavabis mihi pedes in aeternum respondit Jesus si non lavero tibi non habebis partem mecum domine non solum pedes tantum sed manus et caput

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Postquam surrexit dominus a cena misit aquam in pelvem coepit lavare pedes discipulorum hoc exemplum reliquit eis

Si ego dominus et magister vester lavi vobis pedes quanto magis vos debetis alter alterius lavare pedes

Domine tu mihi lavas pedes respondit Jesus et dixit ei et si non lavero tibi pedes non habebis partem mecum domine non tantum pedes sed et manus et caput

Vos vocatis me magister et domine bene dicitis sum etenim si ego lavi vestros pedes dominus et magister et vos debetis alter alterius lavare pedes

In diebus illis mulier quae erat in civitate peccatrix ut cognovit quod Jesus accubuit in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento ungebat

Cena facta dixit Jesus discipulis suis amen amen dico vobis unus vestrum est hic qui me traditurus est in hac nocte

Diligamus nos invicem quia caritas ex deo est et qui diligit fratrem suum ex deo natus est et videt deum

Ubi est caritas et dilectio ibi sanctorum est congregatio

Ibi nec ira nec indignatio sed firma caritas est imperpetuum

In hoc cognoscent omnes quia mei estis discipuli si dilectionem habueritis in invicem

Tellus ac aethra jubilent in magni cena principis quae protoplasti pectora vitae purgavit ferculo | Hac nocte factor omnium potentis ac mysterii carnem suam cum sanguine in escam transfert animae | A celsis surgens dapibus praebet formam mortalibus humilitatis gratia Petri petens vestigia | Pallet servus obsequio cum angelorum dominum ferendo lympham et linteum cernit caeno procumbere | Permitte Simon ablui acta figura mystica dum summus ima bajulo quod cinis servet cineri | Lavator thoris accubat verbique favos aggrerat quos inter hostem denotat necis qui dolos ruminat | Trux lupe Juda pessime fers agno miti basia dans membra loris regia quae sorde tergunt saecula | Nexi solvuntur hodie carnis ac cordis carcere unguen sacratur chrismatis spes inde crescat miseris | Victori mortis inclytam pangamus laude gloriam cum patre et sancto spiritu qui nos redemit obitu

Hac nocte factor omnium potentis ac mysterii carnem suam cum sanguine in escam transfert animae

A celsis surgens dapibus praebet formam mortalibus humilitatis gratia Petri petens vestigia

Pallet servus obsequio cum angelorum dominum ferendo lympham et linteum cernit caeno procumbere

Permitte Simon ablui acta figura mystica dum summus ima bajulo quod cinis servet cineri

Lavator thoris accubat verbique favos aggregat quos inter hostem denotat necis qui dolos ruminat

Trux lupe Juda pessime fers agno miti basia dans membra loris regia quae sorde tergunt saecula

Nexi solvuntur hodie carnis ac cordis carcere unguen sacratur chrismatis spes inde crescat miseris

Victori mortis inclytam pangamus laude gloriam cum patre et sancto spiritu qui nos redemit obitu

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta mea*

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in escam meam fel et in siti mea

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Amen dico tibi hodie mecum eris in paradiso

Vinea mea electa ego te plantavi quomodo conversa es in amaritudine ut me crucifigeres et Barrabam dimitteres

Ego quidem plantavi te vinea mea electa omne semen verum

Vim faciebant qui quaerebant animam meam