De ore leonis Libera me domine

De ore leonis libera me domine et a cornibus unicornium humilitatem meam

Erue a framea deus animam meam et de manu canis unicam meam

Ne perdas cum impiis deus*

Principes persecuti sunt me gratis et a verbis tuis formidavit cor meum laetabor ego super eloquia tua

Quasi qui invenit spolia multa

Erue a framea deus*

Vide domine afflictionem meam quoniam erectus est inimicus meus

In tribulatione invocavi dominum et exaudivit me in latitudine

Judicasti domine causam animae meae defensor vitae meae domine deus meus

Popule meus quid feci tibi aut quid molestus fui responde mihi

Numquid redditur pro bono malum quia foderunt foveam animae meae

Eripe me de inimicis meis deus meus*

Abraham pater vester exsultavit ut videret diem meum vidit et gavisus est

Usquequo exaltabitur inimicus meus super me respice et exaudi me domine deus meus

Qui tribulant me exsultabunt si motus fuero ego autem in misericordia tua speravi

Eripe me domine ab homine malo

Quinquaginta annos nondum habes et Abraham vidisti amen dico vobis antequam Abraham fieret ego sum

Venite exsultemus domino

Venite exsultemus domino jubilemus deo salutari nostro praeoccupemus faciem ejus in confessione et in psalmis jubilemus ei | Quoniam deus magnus dominus et rex magnus super omnes deos quoniam non repellet dominus plebem suam quia in manu ejus sunt omnes fines terrae et altitudines montium ipse conspicit | Quoniam ipsius est mare et ipse fecit illud et aridam fundaverunt manus ejus venite adoremus et procidamus ante deum ploremus coram domino qui fecit nos quia ipse est dominus deus noster nos autem populus ejus et oves pascuae ejus | Hodie si vocem ejus audieritis nolite obdurare corda vestra sicut in exacerbatione secundum diem tentationis in deserto ubi tentaverunt me patres vestri probaverunt et viderunt opera mea | Quadraginta annis proximus fui generationi huic et dixi semper hi errant corde ipsi vero non cognoverunt vias meas quibus juravi in ira mea si introibunt in requiem meam

Ubi tentaverunt me patres vestri probaverunt et viderunt opera mea

Venite exsultemus domino jubilemus deo salutari nostro praeoccupemus faciem ejus in confessione et in psalmis jubilemus ei | Quoniam deus magnus dominus et rex magnus super omnes deos quoniam non repellet dominus plebem suam quia in manu ejus sunt omnes fines terrae et altitudines montium ipse conspicit | Quoniam ipsius est mare et ipse fecit illud et aridam fundaverunt manus ejus venite adoremus et procidamus ante deum ploremus coram domino qui fecit nos quia ipse est dominus deus noster nos autem populus ejus et oves pascuae ejus | Hodie si vocem ejus audieritis nolite obdurare corda vestra sicut in exacerbatione secundum diem tentationis in deserto ubi tentaverunt me patres vestri probaverunt et viderunt opera mea | Quadraginta annis proximus fui generationi huic et dixi semper hi errant corde ipsi vero non cognoverunt vias meas quibus juravi in ira mea si introibunt in requiem meam | Gloria patri et filio et spiritui sancto sicut erat in principio et nunc et semper et in saecula saeculorum amen

Quadraginta annis*

Quibus juravi*

Venite*

In die magno festivitatis stabat Jesus et clamabat dicens si quis sitit veniat ad me et bibat

Si quis sitit veniat et bibat et de ventre ejus fluent aquae vivae

Vos ascendite ad diem festum hunc ego non ascendam quia tempus meum nondum advenit

Quidam autem Judaei dicebant quia bonus est alii autem dicebant non sed seducit turbas

Tempus meum nondum advenit tempus autem vestrum semper est paratum

Oves meae vocem meam audiunt et ego dominus agnosco eas

Multa bona opera operatus sum vobis propter quod opus vultis me occidere

Magister dicit tempus meum prope est apud te facio pascha cum discipulis meis

Desiderio desideravi pascha manducare vobiscum antequam patiar

Appropinquabat autem dies festus et quaerebant principes sacerdotum quomodo Jesum interficerent sed timebant plebem

Principes sacerdotum consilium fecerunt ut Jesum occiderent dicebant autem non in die festo ne forte tumultus fieret in populo

Clarifica me pater apud temetipsum claritate quam habui priusquam mundus fieret

Pater juste mundus te non cognovit ego autem agnovi te quia tu me misisti

Ipsi vero non cognoverunt vias meas quibus juravi in ira mea si introibunt in requiem meam

In die qua invocavi te domine dixisti noli timere Judicasti causam meam et liberasti me deus meus

Deus meus eripe me de manu peccatoris et de manu contra legem agentis et iniqui

Fratres mei elongaverunt a me et noti mei quasi alieni recesserunt a me

Amici mei adversum me appropiaverunt et proximi mei

Attende domine ad me et audi voces adversariorum meorum numquid redditur pro bono malum quia foderunt foveam animae meae

Homo pacis meae in quo sperabam ampliavit adversum me supplantationem

Salvum me fac deus quoniam intraverunt aquae usque ad animam meam ne avertas faciem tuam a me quoniam tribulor exaudi me deus meus

Intende animae meae et libera eam propter inimicos meos eripe me domine

Noli esse mihi domine alienus parce mihi in die mala confundantur omnes qui me persequuntur et non confundar ego

Confundantur omnes inimici mei qui quaerunt animam meam ut auferant eam

Dominus mecum est tamquam bellator fortis propterea persecuti sunt me et intellegere non potuerunt domine probans renes et corda tibi revelavi causam meam

Et vim faciebant qui quaerebant animam meam et qui inquirebant mala mihi locuti sunt vanitates

Ingrediente domino in sanctam civitatem Hebraeorum pueri resurrectionem vitae pronuntiantes cum ramis palmarum hosanna clamabant in excelsis

Cumque audissent quia venit Jesus Jerusalem exierunt obviam ei

Opprobrium factus sum nimis inimicis meis viderunt me et moverunt capita sua adjuva me domine deus meus

Persequar inimicos meos et comprehendam illos et non convertar donec deficiant

Circumdederunt me viri mendaces sine causa flagellis ceciderunt me sed tu domine defensor vindica mea

Quoniam tribulatio proxima est et non est qui adjuvet

Dominus deus auxiliator meus et ideo non sum confusus

Circumdantes circumdederunt me et in nomine domini vindicabor in eis

Judica causam meam defende quia potens es domine

Cum angelis et pueris fideles inveniantur triumphatori mortis clamantes hosanna in excelsis

Confundantur qui me persequuntur et non confundar ego domine deus meus

Turba multa quae convenerat ad diem festum clamabat domino benedictus qui venit in nomine domini hosanna in excelsis

Scriptum est enim percutiam pastorem et dispergentur oves gregis postquam autem surrexero praecedam vos in Galilaeam ibi me videbitis dicit dominus

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Occurrunt turbae cum floribus et palmis redemptori obviam et victori triumphanti digna dant obsequia filium dei ore gentes praedicant et in laude Christi voces tonant per nubila hosanna

Fulgentibus palmis prosternimur advenienti domino huic omnes occurramus cum hymnis et canticis glorificantes et dicentes Benedictus dominus

Coeperunt omnes turbae descendentium gaudentes laudare deum voce magna super omnibus quas viderant virtutibus dicentes benedictus qui venit rex in nomine domini pax in caelo et gloria in excelsis

Conclusit vias meas inimicus insidiator factus est mihi sicut leo in abscondito replevit et inebriavit me amaritudine deduxerunt in lacum mortis vitam meam et posuerunt lapidem contra me vide domine iniquitates illorum et judica causam animae meae defensor vitae meae

Omnes inimici mei adversum me cogitabant mala mihi verbum iniquum mandaverunt

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Viri impii dixerunt opprimamus virum justum injuste et de spoliis ejus sortem mittamus

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere et lanceis vulneraverunt me et concussa sunt omnia ossa mea ego autem aestimabam me tamquam mortuum super terram

Et dederunt in escam meam fel et in siti mea potaverunt me aceto

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quos appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Non haberes in me potestatem nisi desuper datum tibi fuisset

Educ de carcere animam meam ut confiteatur nomini tuo domine

Periit fuga a me et non est qui requirat animam meam

Eripe me domine ab homine

Infirmata est virtus mea in manibus inimicorum meorum

Viri impii dixerunt opprimamus virum justum injuste et deglutiamus eum tamquam inferi vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi malum insipientes et maligni oderunt sapientiam et rei facti sunt in cogitationibus suis

Dixerunt impii apud se non recte cogitantes circumveniamus justum quoniam contrarius est operibus nostris

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum et videam vindictam in eis quia tibi revelavi causam meam

Omnes inimici mei adversum me cogitabant mala mihi

Deus Israel propter te sustinui improperium operuit reverentia faciem meam extraneus factus sum fratribus meis et hospes filiis matris meae quoniam zelus domus tuae comedit me

Deus deus meus respice in me quare me dereliquisti

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me

Domine vim patior responde pro me quia nescio quid dicam inimicis meis

Dixerunt impii opprimamus virum justum quoniam contrarius est operibus nostris

Nemo tollit a me animam meam sed ego pono eam et iterum sumo eam

Potestatem habeo ponendi animam meam et iterum sumendi eam

Salvum me fac deus*

Intende animae meae*