Venite et videte locum ubi positus erat dominus alleluia alleluia

Dicant nunc Judaei quomodo milites custodientes sepulcrum perdiderunt regem ad lapidis positionem quare non servabant Petram justitiae aut sepultum reddant aut resurgentem adorent nobiscum dicentes alleluia alleluia

Te deum laudamus*

Et valde mane una sabbatorum veniunt ad monumentum orto jam sole alleluia

Et dicebant ad invicem quis revolvet nobis lapidem ab ostio monumenti alleluia alleluia

Et respicientes viderunt revolutum lapidem erat quippe magnus valde alleluia

Angelus autem domini descendit de caelo et accedens revolvit lapidem et sedebat super eum alleluia alleluia

Respondens autem angelus dixit mulieribus nolite timere scio enim quod Jesum quaeris alleluia

Alleluia lapis revolutus est ab ostio monumenti quia surrexit dominus alleluia alleluia

Salve festa dies*

Haec dies*

Alleluia*

Et valde mane*

Et dicebant*

Et respicientes*

Surrexit enim sicut dixit dominus ecce praecedet vos in Galilaeam ibi eum videbitis alleluia alleluia

Cum rex gloriae Christus infernum debellaturus intraret et chorus angelicus ante faciem ejus portas principum tolli praeciperet sanctorum populus qui tenebatur in morte captivus voce lacrimabili clamaverat advenisti desiderabilis quem exspectabamus in tenebris ut educeres hac nocte vinculatos de claustris te nostra vocabant suspiria te larga requirebant lamenta tu factus est spes desperatis magna consolatio in tormentis alleluia

Angelus autem domini*

Respondens*

Haec dies*

Alleluia*

Vidi aquam egredientem de templo a latere dextero alleluia et omnes ad quos pervenit aqua ista salvi facti sunt et dicent alleluia alleluia

Sedit angelus ad sepulcrum domini stola claritatis coopertus videntes eum mulieres nimio terrore perterritae astiterunt a longe tunc locutus est angelus et dixit eis nolite metuere dico vobis quia illum quem quaeritis mortuum jam vivit et vita hominum cum eo surrexit alleluia

Crucifixum in carne laudate et sepultum propter vos glorificate resurgentemque de morte adorate nolite

Recordamini quomodo praedixit quia oportet filium hominis crucifige et tertia die a morte suscitari nolite

Post passionem domini factus est conventus*

In die resurrectionis meae dicit dominus alleluia congregabo gentes et colligam regna et effundam super vos aquam mundam alleluia

In Galilaea Jesum videbitis sicut dixit vobis alleluia

Cito euntes dicite discipulis quia surrexit dominus alleluia

Surrexit dominus vere alleluia

Cito euntes*

Maria Magdalena et altera Maria ibant diluculo ad monumentum Jesum quem quaeritis non est hic surrexit sicut locutus est praecedet vos in Galilaeam ibi eum videbitis alleluia alleluia

Cito euntes dicite discipulis ejus et Petro quia surrexit dominus

Surgens Jesus dominus noster stans in medio discipulorum suorum dixit pax vobis alleluia gavisi sunt discipuli viso domino alleluia

Surrexit dominus de sepulcro qui pro nobis pependit in ligno

Congratulamini mihi omnes qui diligitis dominum quia quem quaerebam apparuit mihi et dum flerem ad monumentum vidi dominum meum alleluia

Tulerunt dominum meum et nescio ubi posuerunt eum si tu sustulisti eum dicito mihi

Jesus junxit se discipulis suis in via et ibat cum illis oculi eorum tenebantur ne eum agnoscerent et increpabat eos dicens o stulti et tardi corde ad credendum in his quae locuti sunt prophetae alleluia

Cognoverunt dominum alleluia in fractione panis alleluia

Qui sunt hi sermones quos confertis ad invicem ambulantes et estis tristes alleluia alleluia respondens unus cui nomen Cleophas dixit ei tu solus peregrinus es in Jerusalem et non cognovisti quae facta sunt in illa diebus alleluia quibus ille dixit quae et dixerunt de Jesu Nazareno qui fuit vir propheta potens in opere et sermone coram deo et omni populo alleluia alleluia

Nonne cor nostrum ardens erat in nobis de Jesu dum loqueretur nobis in via alleluia

Surrexit dominus vere alleluia

Cito euntes*

Virtute magna reddebant apostoli testimonium resurrectionis Jesu Christi domini nostri alleluia alleluia

In omnem terram*

Tulerunt dominum meum et nescio ubi posuerunt eum ait ei angelus noli flere Maria surrexit sicut dixit praecedet vos in Galilaeam ibi eum videbitis alleluia alleluia

Cito euntes dicite*

Expurgate vetus fermentum ut sitis nova conspersio etenim pascha nostrum immolatus est Christus itaque epulemur in domino alleluia

Non in fermento malitiae et nequitiae sed in azymis sinceritatis et veritatis

Stetit Jesus in medio discipulorum suorum et dixit eis pax vobis alleluia alleluia

Pax vobis ego sum alleluia nolite timere alleluia

Videte manus meas et pedes meos quia ego ipse sum alleluia alleluia

Spiritus carnem et ossa non habet sicut me videtis habere jam credite alleluia

Ecce vicit leo de tribu Juda radix David aperire librum et solvere septem signacula ejus alleluia alleluia alleluia

Et unus de senioribus dixit mihi ne fleveris dignus est agnus qui occisus est accipere potestatem et fortitudinem

Isti sunt agni novelli qui annuntiaverunt alleluia modo venerunt ad fontes repleti sunt claritate alleluia alleluia

In omnem terram exivit sonus eorum*

De ore prudentis procedit mel alleluia dulcedo mellis est lingua ejus alleluia favus distillans labia ejus alleluia alleluia

Quam dulcia faucibus meis eloquentia tua domine super mel et favum ori meo

Et recordatae sunt verborum ejus et regressae a monumento nuntiaverunt haec omnia illis undecim et ceteris omnibus alleluia

Mittite in dexteram navigii rete et invenietis alleluia

Dixit Jesus discipulis suis afferte de piscibus quos prendidistis nunc ascendens autem Simon Petrus et traxit rete in terram plenum magnis piscibus alleluia

Hoc jam tertio manifestavit se Jesus postquam resurrexit a mortuis alleluia

Maria Magdalena*

Surgens Jesus*

Congratulamini mihi*

Maria stabat ad monumentum plorans vidit angelos in albis sedentes et sudarium quod fuerat super caput Jesu alleluia

Ardens est cor meum desidero videre dominum meum quaero et non invenio ubi posuerunt eum alleluia

Tulerunt dominum meum et nescio ubi posuerunt eum si tu sustulisti eum dicito mihi alleluia et ego eum tollam alleluia

Pax vobis ego*

Virtute magna*

Tulerunt dominum*

Expurgate vetus fermentum*

Undecim discipuli in Galilaea videntes dominum adoraverunt alleluia

Data est mihi omnis potestas in caelo et in terra alleluia

Euntes docete omnes gentes baptizantes eos in nomine patris alleluia

Ecce ego vobiscum sum*

Gavisi sunt discipuli alleluia viso domino alleluia

Ecce vicit leo*

Isti sunt agni*

De ore prudentis*

Currebant duo simul et ille alius discipulus praecucurrit citius Petro et venit prior ad monumentum alleluia

Cum esset sero die illo una sabbatorum et fores essent clausae ubi erant discipuli congregati stetit Jesus in medio et dixit eis pax vobis alleluia

Thomas qui dicitur Didymus non erat cum eis quando venit Jesus dixerunt alii discipuli vidimus dominum alleluia

Pax vobis*

Mitte manum tuam et cognosce loca clavorum alleluia et noli esse incredulus sed fidelis alleluia

Misi digitos meos in fixuras clavorum et manus meas in latus ejus et dixi dominus meus et deus meus alleluia

Quia vidisti me Thoma credidisti beati qui non viderunt et crediderunt alleluia

Multa quidem et alia signa fecit Jesus in conspectu discipulorum suorum alleluia quae non sunt scripta in libro hoc alleluia

Haec autem scripta sunt ut credatis quia Jesus est Christus filius dei et ut credentes vitam habeatis in nomine ipsius alleluia

Surgens Jesus mane prima sabbati apparuit primo Mariae Magdalenae de qua eiecerat septem daemonia alleluia

Alleluia*

Et ecce terraemotus factus est magnus angelus autem domini descendit de caelo alleluia

Alleluia*

Prae timore autem ejus exterriti sunt custodes et facti sunt velut mortui alleluia

Alleluia Inter natos*

Venite et videte locum*

Alleluia Sicut malum*

Alleluia Et me scitis*

Alleluia resurrexit dominus alleluia