O pastor apostolice o defensor ecclesiae Gregori confessor Christi eruditor Augustini praesta nobis auxilium per dominum Jesum Christum

Memor esto congregationis tuae quam possedisti ab initio

Cum venerimus ante conspectum domini in die judicii ibi assistunt milia milium et decies centena milia angelorum archangelorum cherubin et seraphin ibi sanctorum chori circumstabant patriarcharum prophetarum apostolorum et martyrum et omnia agmina sanctorum tunc dies erit judicii in quo sine testibus omnia manifesta erunt

Pax aeterna*

Noe vir justus*

Evigilans Noe ex vino cum dedicisset quod fecerat ei filius suus minor ait maledictus Chanaan servus servorum erit fratribus suis

Benedictus dominus deus Sem sit Chanaan servus ejus

Pax aeterna*

Locutus est*

Dormivit Abraham cum patribus suis et planxerunt eum Isaac et Ismael et post obitum Abrahae benedixit deus filio ejus Isaac

Qui oravit dominum et dedit illi de uxore sterili filium

Immutemur habitu in cinere et cilicio jejunemus et ploremus ante dominum quia multum misericors est dimittere peccata nostra deus noster

Scindite corda vestra et non vestimenta vestra et convertimini ad dominum deum quia benignus et misericors est

Revertimini unusquisque a via sua mala et a pessimis cogitationibus vestris

Emendemus in melius quae ignoranter peccavimus ne subito praeoccupati die mortis quaeramus spatium paenitentiae et invenire non possimus attende domine et miserere quia peccamus tibi

Peccavimus cum patribus nostris injuste egimus iniquitatem fecimus

Exaudi nos domine quoniam benigna est misericordia tua secundum multitudinem miserationum tuarum respice nos domine

Ostende nobis*

Salvum me fac deus quoniam intraverunt aquae usque ad animam meam

Gloria patri et filio et spiritui sancto sicut erat in principio et nunc et semper et in saecula saeculorum amen

Kyrie eleison Christe eleison kyrie eleison

Pater noster*

Propitius esto domine peccatis nostris propter nomen tuum nequando dicant gentes ubi est deus eorum

Juxta vestibulum et altare plorabunt sacerdotes et levitae ministri domini et dicent parce domine parce populo tuo et ne dissipes ora clamantium ad te domine

Memor humanae conditionis propitiare peccatis nostris domine tu dixisti nolo mortem peccatoris sed ut conversus a viis suis vivat tu enim es scrutans corda et occulta praenoscens tu nostri infirmitatem nostram converte nos deus et pone lacrimas nostras in conspectu tuo et sana vulnera nostra medicamento paenitentiae ne pereamus

Paradisi portas aperiat nobis jejunii tempus suscipiamus illud cum fructu paenitentiae ut et Christi resurrectionem mereamur celebrare

Diligamus nos invicem*

Maneat in nobis*

In hoc cognoscent*

Ubi sorores*

Ecce nunc tempus*

Cum sederit filius hominis in sede majestatis suae et coeperit judicare saeculum per ignem tunc assistent ante eum omnes chori angelorum et congregabuntur ante eum omnes gentes tunc dicent his qui a dextris ejus erunt venite benedicti patris mei possidete praeparatum nobis regnum a constitutione mundi et ibunt impii et supplicum sempiternum justi autem in vitam aeternam et regnabunt cum deo in saecula

Ecce salus*

In diebus illis*

Magnus dominus*

In diebus illis*

Tolle arma*

In die quando venerit ad judicium in majestate judicare saeculum adstabunt ante illum omnia agmina virtutum caelestium sanctorum chori patriarcharum ac prophetarum gloriosus apostolorum numerus martyrum confessorum atque virginum ibi assistent omnes populi ante tantam majestatem domini nimium perterriti dies illa dies irae dies tribulationis dies miseriae et vindictae dies tubae et clangoris dies nubae et caliginis dies illa nimium erit impiis amara o quam felices erunt illi qui vocem domini meruerunt audire venite benedicti patris mei percipite regnum quod vobis praeparatum est ab origine mundi

Caritas est*

Ille namque*

Pax aeterna*

Igitur Joseph ductus est in Aegypto fuitque dominus cum eo per quem erat vir in cunctis prospere agens

Misertus enim est deus illius et omnia ejus opera dirigebat

O mirum*

Vidit Maria*

Pax aeterna*

Locutus est*

Adduxit eos dominus in fortitudine magna cibavit eos nascentiis agrorum suxerunt mel de petra et oleum de firma petra

Cibavit eos ex adipe frumenti et de petra melle saturavit eos

Venit dominus Jesus in Bethaniam juxta Jerosolimam Maria autem erat quae unxit dominum unguento et extersit pedes ejus capillis suis cujus frater Lazarus mortuus fuerat Martha ergo ut audivit quia Jesus venit occurrit illi dicens domine si fuisset hic frater meus mortuus non fuisset sed nunc scio domine quia quaecumque poposcerit a deo dabit tibi deus agios deus

Diligebat dominus*

Domine si fuisset*

Fratres hoc enim sentite in vobis quod et in Christo Jesu

Qui humiliavit semetipsum factus oboediens usque ad mortem mortem autem crucis

In nomine enim Jesu omne genuflectatur caelestium terrestrium et infernorum et omnis lingua confiteantur quia dominus Jesus Christus in gloria est dei patris

Propter quod et deus exaltavit illum et dedit illi nomen quod est super omne nomen

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Cum appropinquaret dominus Jerosolimam misit duos de discipulis suis dicens ite in castellum quod est contra vos et invenietis pullum asinae alligatum super quem nullus hominum sedit solvite et adducite mihi si quis vos interrogaverit dicite opus domini est solventes adduxerunt ad Jesum et imposuerunt illi vestimenta et sedit super eum alii expandebant vestimenta sua in via alii ramos de arboribus externebant et qui sequebantur clamabant hosanna benedictus qui venit in nomine domini benedictum regnum patris nostri David hosanna in excelsis miserere nobis fili David

Ante sex dies sollemnis paschae quando venit dominus in civitate Jerusalem occurrrerunt ei pueri et in manibus portantes ramos palmarum et clamabant voce magna dicentes hosanna in excelsis benedictus qui venisti in multitudine misericordiae tuae hosanna in excelsis

Prima autem azymorum accesserunt discipuli ad Jesum dicentes ubi vis paremus tibi comedere pascha at Jesus dixit eis ite in civitatem ad quemdam et dicite ei magister dicit tempus meum prope est apud te facio pascha cum discipulis meis et fecerunt discipuli sicut praeceperat eis dominus et paraverunt pascha

Occurrunt turbae cum floribus et palmis redemptori obviam et victori triumphanti digna dant obsequia filium dei ore gentes praedicant et in laudem Christi voces tonant per nubila hosanna

En rex venit mansuetus tibi Sion filia mystica humilis sedens super animalia quem venturum jam praedixit lectio prophetica | Salve quem Jesum testatur plebs Hebraeorum obvia cum palmis tibi clamans verba salutis | Hic est qui te Edom venit tinctis Bosra vestibus in stola sua formosus gradiens virtutibus non in equis bellicosus nec in altis curribus | Salve lux mundi rex regum gloria caeli cui manet imperium laus et decus hic et in aevum | Hic est ille qui ut agnus insons morti traditur mors mortis inferni morsu morte donans vivere ut quondam beati vates promserunt prophetice | Salve nostra salus pax vera redemptio virtus ultro qui mortis pro nobis jura subisti

Dignus est domine deus noster accipere gloriam et honorem

Hosanna filio David benedictus qui venit in nomine domini rex Israel hosanna in excelsis

Ave rex noster fili David redemptor mundi quem prophetae praedicaverunt salvatorem domui Israel esse venturum te enim ad salutarem victimam pater misit in mundum quem expectabant omnes sancti ab origine mundi et nunc hosanna filio David benedictus qui venit in nomine domini hosanna in excelsis

Coeperunt omnes turbae descendentium de monte te laudare deum voce magna super omnibus quas viderant virtutibus dicentes benedictus qui venit rex in nomine domini pax in terra et gloria in excelsis

Omnes collaudant nomen tuum dicentes benedictus qui venit in nomine domini hosanna in excelsis

Cum angelis et pueris fideles inveniantur triumphatori mortis dicentes hosanna in excelsis

Cum audisset turba quia Iesus venit Ierosolimam cum ramis palmarum processerunt ei obviam

Et cum appropinquasset ad descensum montis oliveti omnes turbae gaudentes et deum voce magna collaudantes

Gloria laus et honor tibi sit rex Christe redemptor cui puerile decus prompsit hosanna pium

Israel es tu rex Davidis et inclyta proles nomine qui in dei rex benedicti venis

Coetus in excelis te laudat caelitus omnis et mortalis homo et cuncta creata simul

Plebs Hebraea tibi cum palmis obvia venit cum prece voto hymnis assumus ecce tibi

Hic tibi passuro solvebant munia laudis nos tibi regnanti pangimus ecce melos

Gloria laus et honor tibi sit rex Christe redemptor cui puerile

Ingrediente domino in sanctam civitatem Hebraeorum pueri resurrectionem vitae pronuntiantes cum ramis palmarum hosanna clamabant in excelsis

Cumque audissent populus quia Jesus venit Jerosolimam exierunt obviam ei

Collegerunt pontifices et pharisaei consilium et dicebant quid facimus quia hic homo multa signa facit si dimittimus eum sic omnes credent in eum ne forte veniant Romani et tollant nostrum locum et gentem

Unus autem ex eis Caiphas nomine cum esset pontifex anni illius prophetavit dicens expedit vobis ut unus moriatur homo pro populo et non tota gens pereant ab illo ergo die cogitaverunt interficere eum dicentes

Principes sacerdotum consilium fecerunt ut Jesum occiderent dicebant autem non in die festo ne forte tumultus fieret in populo

Multa turba Judaeorum injecerunt manus in salvatorem ille autem agnus innocens non negavit passionem populus Judaeorum clamabat crucifigatur

Venite filii Evae venite ad filium Mariae ecce quomodo pendet quadrifida latronum in cruce

Quid in eo culpa

Nil pro veritate

Quare ergo in cruce quasi non sit rex gloriae splendor et decus Sion pulcherrimae bonus suus pater nimia victus caritate

Sic voluit sic filium tradidit pro servis ingratis et perditis gratias deo soli

Ave rex noster tu solus nostros miseratus errores patri oboediens ductus es ad crucem mansuetus ut ovis ad occisionem tibi gloria tibi gloriosum hosanna tibi triumphus et victoria tibi summa laudis et honoris corona

Mandatum novum do vobis ut diligatis invicem sicut dilexi vos dicit dominus

Beati immaculati*

Beati qui scrutantur*

Si ego dominus et magister vester lavi vobis pedes quando magis vos debetis alter alterius lavare pedes

Exemplum enim dedi vobis ut quemadmodum ego feci vobis ita et vos faciatis

Diligamus vos in invicem quia caritas ex deo est et qui diligit fratrem suum ex deo natus est et vidit deum

Ubi est caritas et dilectio ibi sanctorum est congregatio

Ubi nec ira est nec indignatio sed firma caritas in perpetuum

Christus descendit mundum redimere ut liberaret a morte homines

Exemplum dedit suis discipulis ut sibi invicem pedes abluerent

Maneant in nobis fides spes caritas tria haec major autem horum est caritas