Sancti spiritus psallebant in sublimi et clare modulando preces offerebant sanctae trinitati

Exsurge domine adjuva nos et libera nos propter nomen tuum alleluia

Deus auribus nostris audivimus patres nostri annuntiaverunt nobis

Surgite sancti de mansionibus nostris loca sanctificate plebem benedicite et nos humiles peccatores in pace custodite alleluia

De Jerusalem exeunt reliquiae et salvatio de monte Sion propterea protectio erit huic civitati et salvabitur propter David famulum ejus alleluia

Amicus dei Nicolaus pontificali decoratus infula omnibus se amabilem exhibuit

Andreas Christi famulus dignus deo apostolus germanus Petri in passione socius

Oremus omnes ad dominum Jesum Christum ut confessionibus suis fontis venas aperiat

Cum jucunditate exibitis et cum gaudio deducimini nam et montes et colles exsilient exspectantes vos cum gaudio alleluia

Intercede supplicans assidue pro nobis Jesum dominum Maria Magdalenae

Venit Maria nuntians discipulis quia vidit dominum

Tu per [Thomae] sanguinem quem pro te impendit fac nos Christe scandere quo Thomas ascendit

Ego sum deus patrum vestrorum dicit dominus videns vidi afflictionem populi mei et gemitum ejus audivi et descendi liberare eum alleluia alleluia

Populus Sion convertimini ad dominum deum nostrum et dicite ei potens es domine dimittere peccata nostra ut non inveniant vos iniquitates nostrae deus noster alleluia

Domine deus noster qui cum patribus nostris mirabilia magna fecisti et nostris glorificate temporibus qui misisti manum tuam de alto et liberasti nos alleluia

Confitemini domino filii Israel quia non est deus praeter eum ipse liberavit nos propter misericordiam suam aspicite quae fecit nobiscum et enarremus omnia mirabilia ejus alleluia

Exclamemus omnes ad dominum dicentes peccavimus tibi domine patientiam habe in nobis et erue nos a malis quae cottidie accrescunt super nos

Parce domine parce populo tuo quem redemisti Christe sanguine tuo ut non in aeternum irascaris nobis alleluia alleluia

Oremus dilectissimi nobis deum patrem omnipotentem ut cunctis mundum purget erroribus morbos auferat famem repellat aperiat carceres vincla resolvat peregrinantibus reditum infirmantibus sanitatem navigatibus portum salutis indulgeat et pacem tribuat in diebus nostris insurgentesque repellat inimicos et de manu inferni liberet nos propter nomen suum alleluia

Oportet nos mundum contemnere ut possimus sequi Christum domini ne perdamus vitam perpetuam propter vanam hujus mundi gloriam te laudamus domine omnipotens qui sedes super cherubim et seraphim exaudi nos te laudant angeli et archangeli te venerantur prophetae et apostoli te adoramus te deprecamur magnum redemptorem quem pater misit ovibus pastorem alleluia

Benedicat nos trina majestas domini benedicat vos spiritus sanctus qui in specie columbae in Jordanae fluvio super Christum requievit ille nos benedicat qui de caelis dignatus est descendere in terris et de suo sancto sanguine nos redemit benedicat dominus sacerdotium magnum et introitum vestrum alleluia

O janitor caeli qui accepisti claves regni caelorum precamur te pastor bone intercede pro nobis

Exaudivit de templo sancto suo vocem meam alleluia et clamor meus in conspectu ejus introivit in aures ejus alleluia alleluia

Diligam te domine virtus mea dominus firmamentum meum et refugium meum et liberator meus

Alleluia Confitemini domino quoniam bonus quoniam in saeculum misericordia ejus

Confitebor domino nimis in ore meo et in medio multorum laudabo eum qui astitit ad dexteram pauperis ut salvam faceret a persequentibus animam meam alleluia

Petite et accipietis quaerite et invenietis pulsate et aperietur vobis omnis enim qui petit accipit et qui quaerit invenit pulsanti aperietur alleluia

Salvator mundi salva nos omnes sancta dei genetrix virgo semper Maria ora pro nobis precibus quoque sanctorum apostolorum martyrumque confessorum atque sanctorum virginum suppliciter petimus ut a malis omnibus eruamur bonisque omnibus nunc et semper perfrui mereamur

Kyrie eleison Chiste eleison | Sancta Maria ora pro nobis | Sancta dei genitrix ora pro nobis | Sancta virgo virginum ora pro nobis | Sancte Michael ora pro nobis | Sancte Gabriel ora pro nobis | Sancte Raphael ora pro nobis | Omnis chorus angelorum ora pro nobis | Sancte Johannes baptista ora pro nobis | Sancte Petre ora pro nobis | Sancte Paule ora pro nobis | Sancte Andrea ora pro nobis | Sancte Johannes ora pro nobis | Sancte Jacobe ora pro nobis | Sancte Thomas ora pro nobis | Sancte Bartholomee ora pro nobis | Sancte Mathee ora pro nobis | Sancte Mathia ora pro nobis | Omnis chorus apostolorum ora pro nobis | Sancte Stephane ora pro nobis | Sancte Laurenti ora pro nobis | Sante Edwarde ora pro nobis | Sancte Leodegari ora pro nobis | Sancte Vincenti ora pro nobis | Sancte Lamberti ora pro nobis | Sancte Georgi ora pro nobis | Sancte Dionisi ora pro nobis | Sancte Christofore ora pro nobis | Omnis chorus martyrum ora pro nobis | Sancte Benedicte ora pro nobis | Sancte Maure ora pro nobis | Sancte Egidii ora pro nobis | Sancte Martine ora pro nobis | Sancte Nicholae ora pro nobis | Sancte Leonarde ora pro nobis | Sancte Audoene ora pro nobis | Sancte Gregori ora pro nobis | Sancte Swithune ora pro nobis | Omnis chorus confessorum ora pro nobis | Sancta Maria Magdalena ora pro nobis | Sancta Maria Aegyptiaca ora pro nobis | Sancta Editha pro nobis | Sancta Anna pro nobis | Sancta Catherina ora pro nobis | Sancta Cecilia ora pro nobis | Sancta Scolastica ora pro nobis | Sancta Agnes ora pro nobis | Sancta Fidis ora pro nobis | Omnis chorus virginum ora pro nobis | Agnus dei qui tollis peccata mundi miserere nobis | Agnus dei suscipe deprecationem nostram | Qui sedes ad dextreram patris miserere nobis | Gloria patri et filio et spiritui sancto | Sicut erat in principio et nunc et semper et in saecula sseculorum amen | Exaudi deus preces nostras | Exaudi Christe orationem populi tui | Exaudi deus | Miserere nobis | Kyrie eleison Christe eleison Kyrie eleison |

Regi in mare naufraganti invocata apparuit et ego assum Editha dixit statimque tempestas cessavit nobis quoque in domino suffragatrix assit

Exsurge*

Surgite*

De Jerusalem*

Amicus*

Oremus omnes ad dominum Jesum Christum ut ostendat nobis martyris sui corpus

Andreas apostolus dixit ad Ageam tantum meo regi deo ero acceptior quantum et ejus nomine fuero permanens in tormentis confessor

Cum jucunditate*

Domine imminuti sumus propter peccata nostra hodie sed in animo contrito spiritu humiliatatis suscipiamur sed fac nobiscum secundum mansuetudinem tuam quia non est confusio confitentibus in te alleluia alleluia

Iniquitates nostrae domine multiplicatae sunt super capita nostra dilecta creverunt usque ad caelo parce domine et inclina super nos misericordiam tuam

Domine non est alius deus praeter te et quia tibi de omnibus cura est eo quod omnium dominum est parce populo tuo qui das peccantibus largitatem ut convertatur malitia in bonitate alleluia

Exaudi domine deprecationem servorum tuorum et miserere populo tuo ut sciant omnes gentes quia tu es deus saeculorum miserere civitati sanctificationis tuae domine deus noster

Miserere domine plebi tuae super quam invocatur nomen tuum ut sciant omnes qui habitant terram quia tu es deus populorum tuorum alleluia

Dimitte domine peccata populi tui secundum multitudinem misericordie tuae sicut propitius fuisti patribus nostris propitius esto et nobis et implebitur gloria tua universa terra

Exaudi deus deprecationem nostram et propitius esto populo tuo et converte tribulationem nostram in gaudio ut viventes benedicamus te domine

Deprecamur te domine in omni misericordia tua ut auferatur furor tuus ut ira tua a civitate ista et de domo sancta tua quoniam peccavimus

Inclina domine aurem tuam et audi respice de caelo et vide afflictionem populi tui exaudi domine propitiare domine intende ne tardaveris quia nomen sanctum tuum invocatur super nos alleluia

Multa sunt domine peccata nostra tibi peccavimus patientia Israel libera nos domine in tempore angustiae nostrae

Peccavimus domine et tu iratus es nobis et non est qui effugiat manum tuam sed supplicamus ut veniant super nos misericordia tua qui Ninivem pepercisti miserere nobis

Invocantes dominum exclamemus ut respiciat populum suum conculcatum et tollentem et protegat templum ne ab impiis contaminetur sed misereatur nimis afflictae civitati suae alleluia

Domine rex deus Abraham dona nobis pluviam super faciem terrae ut dicat populus iste quia tu es dominus deus noster alleluia

Numquid est in idolis gentium qui pluat nisi tu deus aut caeli possunt dare pluviam nisi tu volueris tu es dominus deus noster quem exspectamus dona nobis pluviam

Exaudi domine populum tuum confitentem nomini tuo et dimitte peccata servorum tuorum et populi tui Israel et dona pluviam super terram quam dedisti patribus nostris domine deus nostris

Respice domine quia aruit terra rugiunt jumenta quia defecerunt pascuae et exsiccata sunt flumina jam miserere domine et excita pluviam ut non arescat quod plantavit dextera tua alleluia

Domine rigans montes de superioribus suis de fructu operum tuorum domine satiabitur terra quam magnificata sunt opera tua domine omnia in sapientia fecisti repleta est terra creatura tua domine

Inundaverunt aquae domine super capita nostra invocabimus nomen tuum de lacu novissimo ne avertas faciem tuam a singultu nostro

Non nos demergat domine tempestas aquae neque absorbeat nos profundum neque urgeat putens os suum mitte manum tuam de alto et libera nos de aquis multis

Exaudi nos domine qui exaudisti Ionam de ventre ceti exaudi nos clamantes qui exaudisti David prostratum et jacentem in cilicio clamantem et dicentem parce parce et defende plasma tuum deus noster

Convertere domine aliquantulum et deprecare super servos tuos pro diebus et annis in quibus vidimus mala respice in servos tuos et in opera tua ut sit splendor domini dei nostri super nos et dirige vos

Non in justificationibus nostris prosternimus preces ante faciem tuam domine sed in miserationibus tuis multis placare domine fac ne moreris propter temetipsum deus noster alleluia

Libera domine populum tuum de manu mortis et plebem istam protegat dextera tua ut viventes benedicamus te domine deus noster

Custodit dominus animas sanctorum suorum de manu peccatoris liberavit eos lux orta est justis et rectis corde laetitia alleluia

Annuntiate inter gentes gloriam ejus alleluia quoniam magnus est dominus alleluia gaudebunt campi et omnia quae in eis sunt alleluia

In sanctis gloriosus es deus noster quis similis tibi sanctimonium tuum domine quod praeparaverunt manus tuae domine qui regnas in aeternum et in saeculum et adhuc

Ecce populus custodiens judicium et faciens veritatem in te speraverunt domine usque in aeternum via justorum recta facta est et iter sanctorum praeparata est

Plateae Jerusalem gaudebunt et omnes viae ejus canticum laetitiae dicent

Ambulate sancti dei ingredimini in civitate domini aedificata est enim vobis ecclesia nova ubi populus adorare debeat majestatem domini alleluia

Ambulate sancti dei ad locum destinatum quod vobis praeparatum est ab origine mundi

Archangele Chisti per gratiam quem meruisti deprecamur per unigenitum dominum nostrum ut eripias nos a laqueo mortis alleluia

Michael archangele veni in adjutorio populo dei

Gloria tibi trinitas aequalis una deitas et ante omnia saecula et nunc et in perpetuum

Spes nostra salus nostra honor noster o beata trinitas

Magne pater sancte Dominice mortis hora nos tecum suscipe et hic semper nos pie respice

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicholaum ostendisti tuum famulum

Tunc sanctus Andreas ait jam regem meum video jam adoro jam in ejus conspectu consisto

Parce*

Inter natos mulierum non est major Johanne Baptista

Amor dei et proximi nos adornet non saeculi ne nos nudos inveniat sponsus intrans ad nuptias

O sancta Editha super astra caeli virgo effulgens veneranda Christi ipsum tonantem jugiter pro nostra ora salute

Omnipotens deus supplices te rogamus et petimus ut intercessio archangelorum sit pro nobis ad te semper Michael et Gabriel pariterque et Raphael ut digni offeramus tibi hostias ad altare ut appareamus ante te per intercessionem novem ordinum angelorum throni et dominationes principatus et potestates et virtutes cum cherubim et seraphim ut ipsi intercedant pro nobis qui non cessant clamare voce sanctus sanctus sanctus dominus deus exercituum rex Israel qui regnas sine fine dignare et famulos tuos hodie exaudire alleluia

Caeli regina*

Exaudivit*

Salvator*

Kyrie eleison | Christe eleison | Christe audi nos | Sancta Maria te deprecamur ora pro nobis | Sancta dei genitrix te deprecamur ora pro nobis | Sancta virgo virginum te deprecamur ora pro nobis | Sancte Michael te deprecamur ora pro nobis | Sancte Gabriel te deprecamur ora pro nobis | Sancte Raphael te deprecamur ora pro nobis | Omnis chorus angelorum te deprecamus ora pro nobis | Sancte Johannes Baptista te deprecamur ora pro nobis | Omnis chorus prophetarum te deprecamur ora pro nobis | Sancte Petre te deprecamur ora pro nobis | Sancte Paule te deprecamur ora pro nobis | Sancte Andrea te deprecamur ora pro nobis | Omnis chorus apostolorum te deprecamur ora pro nobis | Sancte Stephane te deprecamur ora pro nobis | Sancte Laurenti te deprecamur ora pro nobis | Omnis chorus martyrum te deprecamur ora pro nobis | Sancte Benedicte te deprecamur ora pro nobis | Sancte Nicholae te deprecamur ora pro nobis | Sancte Iwi te deprecamur ora pro nobis | Omnis chorus confessorum te deprecamur ora pro nobis |Sancta Maria Magdalene te deprecamur ora pro nobis | Sancta Editha te deprecamur ora pro nobis | Sancta Agnes te deprecamur ora pro nobis | Omnis chorus virginum te deprecamur ora pro nobis |

Ave praeclara gemma regni superi ave et sponsa dei Editha nobilis surre omni christiano populo et pacem angelis impetra a domino

Exsurge*

Surgite*

De Jerusalem*

Amicus*

Andreas*

Oremus*

Parce*

Praecursor domini Joannes corona prophetarum qui digito demonstravit agnum tollentem peccata mundi te deprecamur ut nobis impetres veniam ut mereamur videre regem nostrum per cuncta saecula alleluia

Exarsit terra aruerunt flumina sed tu deus noster dona nobis pluviam

Benedixisti domine terram tuam avertisti captivitatem Jacob | Remisisti iniquitatem plebis tuae operuisti omnia peccata eorum | Mitigasti omnem iram tuam avertisti ab ira indignationis tuae | Converte nos deus salutaris noster et averte iram tuam a nobis | Numquid in aeternum irasceris nobis aut extendes iram tuam a generatione in generationem | Deus tu conversus vivificabis nos et plebs tua laetabitur in te | Ostende nobis domine misericordiam tuam et salutare tuum da nobis | Audiam quid loquatur in me dominus deus quoniam loquetur pacem in plebem suam | Et super sanctos suos et in eos qui convertuntur ad cor | Verumtamen prope timentes eum salutare ipsius ut inhabitet gloria in terra nostra | Misericordia et veritas obviaverunt sibi justitia et pax osculatae sunt | Veritas de terra orta est et justitia de caelo prospexit | Etenim dominus dabit benignitatem et terra nostra dabit fructum suum | Justitia ante deum ambulabit et ponit in via gressus suos

Leodegarius martyr insignis attende fidelium voces deposcentium submove sinistra et ingerem commoda quo per te veniamus ad polorum gaudia

Virginis eximiae Catherinae martyris alma festa celebrare da nobis rex pie Christe

Virgo Editha inter astra fulgens caeli aurea signis et nitens plurimis ora pro praesenti tua clementer familia

Timor et tremor venit in Ninivem civitatem magnam per quod sceleratae plebi indicitur jejunium et luctuosa plebs induitur cilicio contingit autem et regem nobilem de solio suo descendere ut esset humilior cunctis lugentibus et perhibuit per universum regnum omnes viri et sexus femineus non gustent quicquam bos et pecora non pascantur herbis terrae pueri et vituli non sugant matrum ubera sed clament ad deum in fortitudine tribus diebus ne patiantur ut Sodoma sed tu deus omnipotens misericors et miserator misertus sis miseris nos sumus opera tua quos dedisti filio tuo in hereditatem tuam noli claudere aurem tuam ad preces nostras sed subleva clemens afflictionem populi illud revolvens quod pollicitus es dicens convertimini ad me et ego revertar ad vos alleluia

Simon bar Jona qui vocaberis Cephas quod interpretatur Petrus janitor caeli pulsantibus aperis supra modum peccavimus omnes dimitte septuagies septies

Parce tuis ovibus quas vexat raptor iniquus