O magnum pietatis opus alleluia mors mortua tunc est cum crucis in ligno mortua vita fuit alleluia alleluia

In cruce mors moritur quia vita per hanc reparatur

Crux alma fulget per quam salus reddita est mundo crux repellit omne crimen alleluia alleluia

Crux vincit crux regnat

Ecce crucem domini fugite partes adverse vicit leo de tribu Juda radix David alleluia

Crux benedicta in quam triumphavit rex angelorum

Super omnia ligna cedrorum alleluia tu sola excelsior alleluia in qua Christus triumphavit et mors mortem superavit in aeternum alleluia

Benedictum sit lignum sanctae crucis per quod fit justicia

Alleluia omnia quae sunt in caelo et quae in terris alleluia restaurantur in cruce alleluia

Longitudo et latitudo sublimitas et profundum

Adoramus te Christe et benedicimus tibi quia per crucem tuam redemisti mundum alleluia alleluia

Per signum crucis de inimicis nostris libera nos deus noster

O crux admirabilis in cujus ramis pependit thesaurus et redemptio captivorum gaudet totus mundus quia redemptus est sanguine domini sui alleluia

Pater primus per lignum vinctus captivos nos dedit pater Christus per lignum vincens a capitivitate redemit

Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinet

Super omnia ligna cedrorum tu sola excelsior

Vos estis lux hujus mundi dicit dominus in patientia possidebitis animas vestras

Et ego dispono vobis sicut disposuit mihi pater meus regnum ut ea datis et bibatis super mensam meam in regno meo

Suscipiens Edithis corpus venerandi martyris magnis miraculis chorus cantis ad locum transportavit quem sibi salvator praeparavit

Soror fratrem incorrupta celibem devota martyrem

Miles regis pulcherrimi audi quae rogant servuli et fac illum placabilem nobis et exorabilem

Puer qui natus est nobis plus quam propheta est hic est enim de quo salvator ait inter natos mulierum non surrexit major Joanne Baptista

Loquens dominus ad discipulos suos testimonium peribuit Joanni dicens

Inter natos mulierum non surrexit major Joanne Baptista qui viam domino praeparavit in eremo

Hic venit in testimonium ut testimonium periberet de lumine

O mater nostra*

Aeterne virgo*

Anima mea*

Concede*

Preciosi dei sancti quorum reliquiae hic continentur succurrite nobis nunc et in perpetuum

Cornelius centurio vir religiosus ac timens deum vidit manifeste angelum dei dicentem sibi Corneli mitte et accersi Simonem qui cognominatur Petrus hic dicet tibi quod te oporteat facere

Cum orasset Cornelius nondum in Christo renatus apparuit ei angelus dicens

Factus sospes Petri prece coepit claudus currere | Umbra tactu surgunt aegri pulso morbi pondere | Puer Romae est divino suscitatus munere | Est ad vitam revocatam tabita de funere | Ananias condemnatur cum falsa muliere | Simon magus confutatur obrutus ab aethere | Ergo Petre purga prece nos ab omni scelere | Et dignare inspirare quid oportet facere

Descendi in hortum*

Magnus sanctus Paulus*

Jacet granum*

Pater insignis confessor Benedictus meritisque clare cum Christo regnas preces nostras in aula regis aeterni subleva et protege utrumque ordinem cujus egregius exstitisti doctor in orbe

Incessanter pro nobis supplica deum ut feliciter mereamur perfrui gloria paradisi

Caelitus electe pastor domini Benedicte pervigil observa miseratus ovilia cura

Ut grex pastoris valeat mercede beari

Sancta Maria*

Felix Maria unxit pedes Jesu et extersit capillis suis et domus impleta est ex odore unguenti

Mixto rore balsami fracto fudit alabastro quae unguento pretioso pedes unxit domini

Jam lucis*

O certe*

O felix sacrorum lacrimis rigatio pedum per quam promeruit Maria dici et esse ejus dilecta ex quo pascuntur in aethere sancti

Angelico pollet decore hic et hi per Christum

O Maria Magdalena sume laudes lauda plena | Sume preces sume vota quae profundit plebs devota | Quae figurant vitia septem cardinalia | Exarserunt lacrima rei cordis intima | Tibi natatoria Christi sunt vestigia | Excelsum mundantia Helisei gratia | Ergo felix domina nostra terge crimina | Stella maris altera cura plebis ulcera | Nos tua clementia Christo reconcilia

Anima mea*

Vos estis*

Rex dilectae matri Annae et genus et species cujus eam in supernis sic oblectat facies ut beata visione vultus tui saties

Ad eandem vere lucis perduc omnes gloriam genetricis tuae matris qui colunt memoriam

Cornelius centurio*

Coram tribus discipulis transfiguratus dominus Moyses et Elias hinc inde secum loquentibus ostendit se in majestate

Ut in ore duorum vel trium testium staret omne verbum

Caeli aperti sunt super eum et vox patris audita est hic est filius meus dilectus hunc audite

Descendentibus illis de monte praecepit Jesus dicens nemini dixeritis visionem quam vidisti donec filius hominis a mortuis resurgat

Ne mors ejus aliquo modo impendiretur si haec visio statim in populo devulgaretur

Hodie ad patris vocem transfigurato domino Moyses et Elias affuerunt splendidi excelsum ejus quam complecturus erat loquentes

Gloriosus dei martyr levita Laurentius super ferri craticulum atque prunas positus oravit dicens domine tibi ago gratias quia tuas introire promerui januas

Decursis omnibus poenis cunctisque suppliciiis tandem victor pretiosam ait efflans animam

Quae est ista quae penetravit caelos ad cujus transitum salvator advenit et induxit eam in thalamo regni sui ubi cantatur organa hymnorum quae ab angelis ad laudem regis aeterni sine fine resonat semper

O virgo ineffabiliter veneranda cui Michael archangelus et omnis militia angelorum deferunt honorem quem vident exaltatem super caelos caelorum

Talis est dilectus meus et ipse est amicus meus filiae Jerusalem

Anima mea liquefacta est ut dilectus locutus est quaesivi et non inveni illum vocavit et non respondit mihi invenerunt me custodes civitatis percusserunt me et vulneraverunt me tulerunt pallium meum custodes murorum filiae Jerusalem nuntiate dilecto quia amore langueo

Ascendit Christus super caelos et praeparavit suae castissimae matri immortalitatis locum et haec est illa praeclara festivitas omnium sanctorum festivitatibus incomparabilis in qua gloriosa et felix mirantibus caelestis curiae ordinibus ad aethereum pervenit thalamum quo pia sui memorum immemor nequaquam existat

Quae est ista*

Descendi in hortum nucum ut viderem poma convallium et inspicerem si floruissent vineae et germinassent mala punica revertere revertere Sunamitis revertere revertere ut intueamur te alleluia

Pretiosa mellis stilla speciosa maris stella gloriosa regis cella sponsa dei et puella ave plena gratia o Maria genitura vitae via virgo pura mater pia reos cura in extrema die dira nos duc ad palatia

Felix namque es sacra virgo Maria et omni laude dignissima quia ex te ortus est sol justiciae Christus deus noster

Ora pro populo interveni pro clero intercede pro devoto femineo sexu sentiant omnes tuum levamen cuicumque celebrant tuam assumptionem

Tota pulchra es amica mea et macula non est in te favus distilans labia mea mel et lac sub lingua tua odor unguentorum tuorum super omnia aromata jam enim hiems transit imber abiit et recessit flores apparuerunt vineae florentis odorem dederunt et vox tuturis audita est in terra nostra surge propera amica mea veni de Libano veni coronaberis

Sancta Maria succurre miseris juva pusillanimes refove flebiles ora pro populo interveni pro clero intercede pro devoto femineo sexu

Speciosa facta es et suavis in deliciis tuis sancta dei genetrix viderunt te filiae et beatissimam praedicaverunt et reginae laudaverunt te esto nostri memor o domina et filio tuo nos reconsilia ut illum tecum videre possimus per cunta saecula

Ave virgo specialis stella maris orta nautis per quam viget rerum ordo pudico claudis utero illibata gignis partum illibata profers natum illibata et post partum praesentis catervae cantica suscipe benignissima

Ave regina caelorum ave domina angelorum salve radix sancta ex qua mundo lux est orta gaude gloriosa super omnes speciosa vale valde decora et pro nobis semper Christum exora

Beata dei genetrix Maria virgo perpetua templum domini sacrarium spiritus sancti sola sine exemplo placuisti domino Jesu Christo ora pro populo interveni pro clero intercede pro devoto femineo sexu

Alma redemptoris mater quae pervia caeli porta manes et stella maris succurre cadenti surgere qui curat populo tu quae genuisti natura mirante tuum sanctum genitorem virgo prius ac posterius Gabrielis ab ore sumens illud ave peccatorum miserere

Salve regina misericordiae vita dulcedo et spes nostra salve ad te clamamus exules filii Evae ad te suspiramus gementes et flentes in hac lacrimarum valle eia ergo advocata nostra illos tuos misericordes oculos ad nos converte et Jesum benedictum fructum ventris tui nobis post hoc exsilium ostende o clemens o pie o dulcis Maria

Quam pulchra es et quam decora carissima in deliciis statura tua assimilata est palmae et ubera tua botris caput tuum ut Carmelus collum tuum sicut turris eburnea veni dilecte mi egrediamur in agrum videamus si flores parturiunt et floruent mala punica ibi dabo tibi ubera mea alleluia

Venientes innumerabiles populi qui per apostolum crediderat cum rege Pollimio abstulerunt corpus ejus gratias agentes deo cum hymnis et gloria

Et construxerunt ei basilicam mirae magnitudinis et recondiderunt ipsum in ea

Et cum gloriosa victoris bravia | Et cum celebrando martiris triumpho | Qui tormento in detracta cute superato | Fustigatus decollatus Christi fulget regno | Ubi sit memor memorum veniam precanto | Et suos suo gaudeo foveat in sua gloria

Virtutum forma Joannes Baptista summa religiosus speculum propter saltantem puellam interfectus est

Praecursor domini lucerna saeculi qui et Christum baptizare meruit

Solem justiciae regem paritura supremum stella Maria maris hodie processit ad ortum

Cernere divinum lumen gaudete fideles

O pulchra inter mulieres egredere et abit post vestigia gregum et paschae haedos tuos juxta tabernacula pastorum

Stirps Jesse virgam produxit virgaque florem et super hunc florem requiescit spiritus almus

Virga dei genetrix virgo est flos filius ejus

Nativitas tua dei genetrix virgo gaudium annuntiavit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

Ecce salus*

Nativitas*

Vidit beatus Dunstanus pretiosum Dionysium pontificaliter altari adsistere adstantemque splendidam Editham sibi commendare digna inquit est haec venerari apud homines quam dominus glorificavit inter angelos concives

Testimonio nostro crede super ea deo dilecta cui veneratores suos consili et potenti gratia

O mater nostra ter sancta quaternaque beata cum prece devota famulantum suscipe vota

Jam Christo juncta sponsoque tuo copulata

Aeternae virgo memoriae quam sibi despondit rex gloriae | Virginis proles eximiae sponsusque virginis egregiae | Tu gaudes hodie de dono gratiae | Et cantas proprie carmen laetitiae | Te laudantes de caelo respice | Atque nostra clementer suscipe vota

Amima mea*

Templum virgo tibi quod fecerat o Dionysi vates ut ille sacrat Dunstanus sanctaque libat post sex septimanas canit hanc caelo rapiendam