In hoc cognoscent omnes quia mei estis discipuli si dilectionem habueritis ad invicem

Ubi sorores in unum glorificant deum ibi dedit dominus benedictionem

In diebus illis mulier quae erat in civitate peccatrix ut cognovit quod Jesus accubuit in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento ungebat

Magnus dominus et laudabilis valde in civitate dei nostri in monte sancto ejus

Caritas est summum bonum amplum donum in qua pendet omnis ordo praeceptorum per quam vetus atque nova lex completur per quam deus ac protinus diligitur per quam caelorum regnum adipiscitur

Ille namque tenet et quod patet et quod latet in divinis sermonibus qui caritatem tenet in moribus

O mirum et magnum miraculum quia peccatrix femina audebat redemptorem mundi tangere lacrimis et capillis tergebat crimina sua abluebat ideo dismissa sunt ei peccata multa quoniam dilexit multum

Vidit Maria dominum et credidit et cum gaudio suscepit illum gaudens et flens quia cognovit se peccatricem

Emit Maria pretiosum unguentum et unxit pedes domini repleta est tota domus in odore indignati sunt omnes qui videbant eam et dicebant ut quid perditio haec potuit hoc venumdari et dari pauperibus

Bonum opus operata est in me nam semper pauperes habebitis vobiscum me autem non semper habebitis

Diligebat dominus Mariam et Martham et vocavit eam nomine suo et illa statim surrexit projecit se ad pedes domini

Domine si fuisset hic frater meus non esset mortuus respondit Jesus et dixit ei resurgeret frater tuus

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Beati immaculati*

Miserere mei*

Mandatum novum*

Diligamus*

In diebus illis*

Caritas est*

O mirum*

Emit Maria*

Diligebat*

Dixit autem dominus Simoni intravi in domum tuam oleo caput meum non unxisti haec vero lacrimis rigavit pedes meos et capillis suis tersit

Domine tu mihi lavas pedes respondit Jesus et dixit ei et si non lavero tibi pedes non habetis partem mecum

Venit Jesus ad Simonem Petrum et dicit ei Petrus

Ante diem festum paschae sciens Jesus quia ejus hora venit ut transeat ex hoc mundo ad patrem linteo praecinxit se misit aquam in pelvim coepit lavare pedes discipulorum

Venit ad Petrum dixit ei Petrus non lavabis mihi pedes in aeternum respondit Jesus dixit si non lavero te non habebis partem mecum domine non tantum pedes meos sed et manus et caput

Tellus ac aether jubilant in magni cena principis quae protoplasti pectora vitae purgavit ferculo

Hac nocte factor omnium potentium ac mysterium carnem suam cum sanguine in escam transfert anime

Excelsis surgens dapibus format praebem mortalibus humilitatis gratia Petri petens vestigia

Psallet servus obsequio cum angelorum dominum ferendo lympham linteo cernit caeno praecumbere

Permitte Simon ablui acta figurant mystica dum summa Sima bajulat quod cinis fervet cineri

Lavator moris accubat verbique favos aggerat quos inter hostem denotat necis qui dolos ruminat

Trux lupae Juda pessime fers agno miti basia das membra loris regia quae sorde tergunt saecula

Nexi solvuntur hodie carnis ac cordis carcere unguens sacrati chrismatis spes unde crescit miseris

Victori mortis inclyto pangamus laude gloriam cum patre ac sancto spiritui qui nos redemit obitu amen

Tellus ac aether jubilant in magni cena principis*

Surgit Jesus a cena et ponit vestimenta sua et cum accepisset linteum praecinxit se dixitque discipulis suis vos vocatis me magister et domine et benedicitis sum etenim si ego lavi vestros pedes dominus et magister et vos debetis alter alterius lavare pedes

Misit denique aquam in pelvim et coepit lavare pedes discipulorum et extergere linteo quo erat praecinctus dixitque discipulis suis

Ecce lignum crucis in quo salus mundi pependit venite adoremus

Benedicat nos deus deus noster benedicat nos deus et metuant eum omnes fines terrae

Venite adoremus et procidamus ante deum ploremus coram domino qui fecit nos quia ipse est dominus deus noster

Christus dominus cum in forma dei esset non rapinam arbitratus est esse se aequalem deo

Christus dominus semetipsum exinanivit formam servi accipiens in simultudinem hominum factus et habitu inventus ut homo

Christus dominus humiliavit semetipsum factus oboediens usque ad mortem mortem autem crucis

Adoremus crucis signaculum per quod salutis sumpsimus sacramentum in quo dominus noster quasi in statera seipsum pretio nostra pensavit ut vita vendita fieret mors captiva in quo et mundus gravi lapsu corruit sanctos pedes Christus affixit et contra fortem fortiorem hujus mundi triumphatorem ostendens hoc tamen plus est mirabile quia quo totius mundus proficeret in una stans stipite cursum victor implevit

Tuam crucem adoramus domine tuam gloriosam recolimus passionem misere nobis qui passus est pro nobis

Crucem tuam adoramus domine et sanctam resurrectionem tuam laudamus et glorificamus esse enim propter crucem venit gaudium in universo mundo

Deus misereatur nostri et benedicat nobis illuminet vultum suum super nos et misereatur nostri

Pange lingua gloriosi proelium certaminis et super crucis tropaeum die triumphum nobilem qualiter redemptor orbis immolatus vicerit

Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinet

De parentis protoplasti fraude factor condolens quando pomi noxialis morte morsu corruit ipse lignum tunc notavit damna ligni ut solveret

Hoc opus nostrae salutis ordo depoposcerat multiformis proditoris ars ut artem falleret et medelam ferret inde hostis unde laeserat

Quando venit ergo sacri plenitudo temporis missus est ab arce patris natus orbis conditor atque ventre virginali caro factus prodiit

Vagit infans inter arcta conditus praesepio membra pannis involuta virgo mater alligat et manus pedesque crura stricta cingit fascia

Lustra sex qui jam peracta tempus implens corporis se volente natus ad hoc passioni deditus agnus in cruce levatur immolatus stipite

Hic aceto fel arundo sputa clavis lancea mite corpus perforatur sanguis unda profluit terra pontus astra mundus quo lavantur flumine

Flecte ramos arbor alta tensa laxa viscera et rigor lentescat ille quem dedit nativitas ut superni membra regis miti tendas stipite

Sola digna tu fuisti ferre saecli pretium atque portum praeparare nauta mundo naufrago quem sacer cruor perunxit fusus agni corpore

Gloria et honor deo usquequo altissimo una patri filioque inclyto paraclito cui laus est et potestas per aeterna saecula amen

Cum rex gloriae Christus infernum debellaturus intrasset et chorus angelicus portas principium tolli praeceperat sanctorum animae quae tenebantur in morte captive voce lacrimabile clamaverunt advenisti desiderabilis quem exspectabamus in tenebris ut educeres hac nocte vinculatos de claustris te nostra vocabant suspiria te larga requirebant lamenta tu factus es spes desolatis magna consolatio in tormentis

Dum fabricator mundi mortis supplicium pateretur in cruce clamans voce magna tradidit spiritum et ecce velum templi scissum est monumenta aperta sunt terraemotus enim factus fuit magnus quia mortem filii dei clamabat mundus se sustinere non posse aperto ergo per militis lancea latere crucifixi domini exivit sanguis et aqua in redemptionem salutis nostrae o admirabile pretium cujus pondere captivitas redempta est mundi tartarea infracta sunt claustra inferni et aperta est nobis janua regni

Benedictus dominus*

Replebitur*

Kyrie eleison | Christe audi nos | Sancta Maria ora pro nobis | Sancta dei genetrix ora pro nobis | Sancta virgo virginum ora pro nobis | Sancte Michael ora pro nobis | Sancte Gabriel ora pro nobis | Sancte Raphael ora pro nobis | Omnis chorus angelorum orent pro nobis | Sante Johannes baptista ora pro nobis | Sancte Petre ora pro nobis | Sancte Paule ora pro nobis | Sancte Andrea ora pro nobis | Sancte Johannes evangelista ora pro nobis | Omnis chorus apostolorum orent pro nobis | Sancte Stephane ora pro nobis | Sancte Laurenti ora pro nobis | Sancte Vincenti ora pro nobis | Omnis chorus martyrum orent pro nobis | Sancte Benedicte ora pro nobis | Sancte Nicholae ora pro nobis | Sancte Iwi ora pro nobis | Sancte Machute ora pro nobis | Omnis chorus confessorum orent pro nobis | Sancta Maria Magdalenae ora pro nobis | Sancta Editha ora pro nobis | Sancta Editha sancte ora pro nobis | Sancta Editha sancte ora pro nobis | Sancta Catharina ora pro nobis | Omnis chorus virginum orent pro nobis | Omnes sancti orate pro nobis | Omnes sancti orate pro nobis | Propitius esto parce nobis domine | Ab omni malo libera nos domine | Ab insidiis diaboli libera nos domine | Per sancta nativitatem tuam libera nos domine | Per passionem et sanctam crucem tuam libera nos domine | Per piissimam mortem tuam libera nos domine | Per gloriosam resurrectionem tuam libera nos domine | Per admirabilem ascensionem tuam libera nos domine | Per spiritum paraclitum libera nos domine | In die judicii libera nos domine | Peccatores te rogamus audi nos | Ut pacem nobis dones te rogamus audi nos | Ut salutem mentis et corporis nobis dones te rogamus audi nos | Ut sanctam ecclesiam tuam regere et conservare digneris te rogamus audi nos | Ut episcopum nostrum N. conservare digneris te rogamus audi nos | Ut regem nostrum N. conservare digneris te rogamus audi nos | Ut reginam nostram N. conservare digneris te rogamus audi nos | Ut abbatissam nostram N. in bonis actibus corroborare digneris te rogamus audi nos | Mariae atque sancte Edithae conservare digneris te rogamus audi nos | Ut cunctum populum Christianum pretioso sanguine tuo redemptum conservare digneris te rogamus audi nos | Ut fructus terrae dare et conservare digneris te rogamus audi nos | Et vitam aeternam nobis dones te rogamus audi nos | Ut cunctis fidelibus defunctis requiem aeternam donare digneris te rogamus audi nos | Fili dei te rogamus audi nos | Agnus dei qui tollis peccata mundi exaudi nos domine | Agnus dei qui tollis peccata mundi parce nobis domine | Agnus dei qui tollis peccata mundi miserere nobis

Haec est sancta dies sanctorum clara dierum haec est sancta dies sanctorum clara dierum nobilibus nobilior rutilans diadema dierum

Confitemini domino quoniam bonus quoniam in saeculum misericordia ejus

Congregavit nos Christus ad glorificandum se ipsum reple domine animas nostras sancto spiritu

Ut cognoscamus domine in terra viam tuam in omnibus gentibus salutare tuum

Domum istam protege domine et angeli tui custodiant muros ejus

Mandatum*

Hac est sancta*

Surrexit dominus de sepulcro qui pro nobis pependit in ligno

Surgens Jesus mane prima sabbati apparuit primo Mariae Magdalenae de qua ejecerant septem daemonia alleluia

Et ingressae non invenerunt corpus domini Jesu alleluia

Et ecce Jesus occurit illis dicens avete illae autem accesserunt et tenuerunt pedes ejus alleluia

Alleluia quem quaeris mulier alleluia viventem cum mortuis alleluia alleluia

Alleluia noli flere Maria alleluia resurrexit dominus alleluia alleluia alleluia

Domum istam*

Mandatum*

Ite nuntiate fratribus meis alleluia ut eant in Galilaeam ibi me videbunt alleluia alleluia alleluia

Et recordatae sunt verborum ejus et ingressae a monumento nuntiaverunt haec omnia illis undecim et ceteris omnibus alleluia

Haec est sancta*

Alleluia quem quaeris*

Alleluia noli flere*

Domum istam*

Mandatum*

Beati immaculati in via qui ambulant in lege domini

Beati qui scrutantur testimonia ejus

Sinite mulierem bonum enim opus operata est in me ut in die sepulturae meae servet illud nam pauperes semper habebitis vobiscum me autem non semper habebitis

Mittens haec mulier hoc unguentum in corpus meum ad sepeliendum me fecit

Maria ergo unxit pedes Jesu et extersit capillis suis et domus impleta est ex odore unguenti

Audite haec omnes gentes auribus percipite qui habitatis orbem

Postquam surrexit dominus a cena misit aquam in pelvim coepit lavare pedes discipulorum hoc exemplum reliquit suis

Deus miseratur nostri et benedicat nobis illuminet vultum suum super nos et misereatur nostri

Elevamini portae aeternales et introibit rex gloriae

Domine abstraxisti ab inferis animam meam

Exaltabo te domine quoniam suscepisti me alleluia alleluia

Jesu bone tibi agimus gratias qui nos morte redemisti perpetua

Morte tua vis mortis cum principe perculcans vitae nos reparas | Deo patri dans carum et pro nobis pretium et vivam hostiam | Tecum nos resuscita tecum in caelis colloca et regni largire consortia | Te ergo deposcimus ut cum judex adveneris cunctorum discernere merita | Nos cum angelis et sanctis socias cum quibus tibi canamus alleluia alleluia